Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଶନିବାର ଦିନ ଭୁଲରେ ବି ଖାଆନ୍ତୁ ନାହିଁ ଏହି ସବୁ ଜିନିଷ; ଶନି ଭଗବାନ ରାଗିଯାଇ ପାରନ୍ତି

24/11/2018 at 12:53 PM

ଭୁବନେଶ୍ୱର ୨୪/୧୧ : ଶନିବାର ଶନିଦେବଙ୍କ ଦିନ ବୋଲି ହିନ୍ଦୁ ଧର୍ମରେ ବିଶ୍ୱାସ ରହିଛି | ଏହି ଦିନ ଭଗବାନ ଶନିଙ୍କୁ ପ୍ରସନ୍ନ କରିବା ପାଇଁ କଳା ରାଶି, ସୋରିଷ ତେଲ କିମ୍ବା ରାଶି ତେଲ ଆଦି ମନ୍ଦିରରେ ଅର୍ପଣ କରାଯାଇଥାଏ | ହିନ୍ଦୁମାନେ ଶନି ଭଗବାନଙ୍କୁ ନ୍ୟାୟର ଭଗବାନ ବୋଲି ବିଶ୍ୱାସ କରନ୍ତି | କୁହାଯାଏ ଯେ, ଯେଉଁମାନଙ୍କ କୁଣ୍ଡଳୀରେ ଶନି ଦୋଷ ରହିଛି ସେମାନଙ୍କୁ ଶନିବାର ଦିନ ଶନି ଭଗବାନଙ୍କ ପୂଜା କରିବା ଉଚିତ | ଆହୁରି ମଧ୍ୟ ଏମିତି କିଛି ଜିନିଷ ରହିଛି ଯାହା ଭୁଲରେ ମଧ୍ୟ ଶନିବାର ଖାଇବା ଉଚିତ ନୁହେଁ |

ଆସନ୍ତୁ ଜାଣିବା ସେସବୁ କଣ :

୧. ଶନିବାର ଦିନ ସାଧା କ୍ଷୀର କିମ୍ବା ଦହି ଭୁଲରେ ମଧ୍ୟ ଖାଇବା ଉଚିତ ନୁହେଁ | ଏଥିରେ ଅଳ୍ପ ହଳଦୀ କିମ୍ବା ଗୁଡା ମିଶାଇ ଖାଇବା ଉଚିତ |

୨. ଶନିବାର ଦିନ ମଶୁରି ଦଳି ଖାଇବା ଅନୁଚିତ | ମଶୁରି ଦଳି ଛଡା ଯେକୌଣସି ଦଳି ଖାଇଲେ ମଧ୍ୟ କିଛି ଅସୁବିଧା ନାହିଁ | ମଶୁରି ଦଳି ରଙ୍ଗ ଲାଲ ହୋଇଥିବା ହେତୁ ଏହା ମଙ୍ଗଳ ସହିତ ଜଡିତ | ତେଣୁ ଶନିବାର ମଶୁରି ଦଳି ଖାଇଲେ ଶନିଦେବଙ୍କ କ୍ରୁର ଦୃଷ୍ଟି ପଡିଥାଏ |

୩. ଆମ୍ବ ଆଚାର ଭୁଲରେ ମଧ୍ୟ ଖାଇବା ଉଚିତ ନୁହେଁ | ଆମ୍ବ ଆଚାର କଞ୍ଚା ଏବଂ ଖଟା ଆମ୍ବରୁ ତିଆରି ହୋଇଥାଏ | ଶନିଦେବଙ୍କୁ ଖଟା ଏବଂ କଷା ଜିନିଷ ଜମା ବି ପସନ୍ଦ ନୁହେଁ | ତେଣୁ ଶନିବାର ଖଟା କିମ୍ବା କଷା ଜିନିଷ ଆଦୌ ଖାଇବେ ନାହିଁ |

୪. ଶନିବାର ଦିନ ରୋଷେଇବେଳେ ନାଲି ଲଙ୍କା ଗୁଣ୍ଡ କିମ୍ବା ଶୁଖିଲା ଲଙ୍କା ବ୍ୟବହାର କରିବେ ନାହିଁ | ଉଭୟ ଶୁଖିଲା ଲଙ୍କା ଏବଂ ଲଙ୍କା ଗୁଣ୍ଡ ଶନିଦେବଙ୍କୁ ଅସନ୍ତୁଷ୍ଟ କରିଥାଏ |

୫. ଶନିବାର ଦିନ ଭୁଲରେ ମଧ୍ୟ ମଦ୍ୟପାନ କରିବା ଉଚିତ ନୁହେଁ | କୁଣ୍ଡଳୀରେ ଯଦି ଶନିଙ୍କ ପ୍ରଭାବ ଭଲ ମଧ୍ୟ ଥାଏ ତାହେଲେ ସୁଦ୍ଧା ଶନିବାର ମଦ୍ୟପାନ ଅନୁଚିତ | ଏହା ଦ୍ୱାରା ଶନି ଭଗବାନ ରାଗିଯାଇଥାନ୍ତି |

   Related Posts