Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଭାରତୀୟ ବାୟୁସେନାରେ ତିନିପିଢ଼ି ଧରି ଦେଶସେବା କରିଆସୁଛନ୍ତି ଅଭିନନ୍ଦନଙ୍କ ପରିବାର

28/02/2019 at 9:22 PM

ନୂଆଦିଲ୍ଲୀ ୨୮/୨-ବାୟୁସେନା ବିଭାଗର ଓ୍ଵିଇଙ୍ଗ କମାଣ୍ଡର ଅଭିନନ୍ଦନଙ୍କ ପରିବାର ତିନିପୀଢ଼ି ଧରି ଦେଶର ସେବା କରୁଛନ୍ତି । କେବଳ ଅଭିନନ୍ଦନ ନୁହେଁ, ପରିବାରର ବାପା-ଦାଦା-ସ୍ତ୍ରୀ  ବି ବାୟୁସେନାରେ ରହି ଦେଶର ସୁରକ୍ଷାପାଇଁ ଦେଇଛନ୍ତି ତ୍ୟାଗ ।

ପୁଲଓ୍ଵମା ଘଟଣାର ପ୍ରତିଶୋଧ ନେଇଥିଲା ଭାରତ । ବାଲାକୋଟରେ ସର୍ଜିକାଲ ଷ୍ଟ୍ରାଇକ କରି ୩୦୦ରୁ ଅଧିକ ଆତଙ୍କୀଙ୍କୁ ମାରିବାକୁ ସକ୍ଷମ ହୋଇଥିଲା ।

ପୁଲଓ୍ଵମା ଘଟଣାପରେ ଭାରତ ଓ ପାକିସ୍ତାନ ମଧ୍ୟରେ ଦେଖାଦେଇଥିଲା ଯୁଦ୍ଧ ପରିସ୍ଥିତି । ପାକିସ୍ତାନୀ ବାୟୁସେନା ବୁଧବାରଦିନ ଭାରତ ସୀମାକୁ ପଶିଆସିଥିଲା । ପାକିସ୍ତାନି ବାୟୁସେନାକୁ ଜବାବ ଦେବା ପାଇଁ ଭାରତୀୟ ବାୟୁସେନା ମଧ୍ୟ ଟକ୍କର ଦେଇଥିଲା । ଏହି ସମୟରେ ଭାରତୀୟ ବାୟୁସେନାର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ ବାୟୁସେନାର ବିମାନ ଧ୍ଵଂସ ହୋଇଯାଇଥିଲା । ବାୟୁସେନାର ବିମାନ ଧ୍ଵଂସ ହେବାପରେ ଓ୍ଵିଙ୍ଗ ପାଇଲଟ ଅଭିନନ୍ଦନ ପାରାଚ୍ୟୁଟରେ ଓହ୍ଲାଇ ଆସିଥିଲେ ସତ ପାକିସ୍ତାନ ସୀମାରେ ଭୁଲରେ ଅବତରଣ କରିଥିଲେ । ଫଳରେ ପାକିସ୍ତାନୀ ସୈନ୍ୟଙ୍କ ହାତରେ ବନ୍ଦୀ ହୋଇଥିଲେ । କୂଟନୈତିକ ସ୍ତରରେ ଭାରତ ବିଜୟ ହେବାପରେ ଅଭିନନ୍ଦନଙ୍କୁ ଛାଡ଼ିବାକୁ ପାକିସ୍ତାନ ରାଜିହୋଇଥିଲା ।

ଦେଶପାଇଁ ଗର୍ବ ଗୌରବ ଆଣିଥିବା ଅଭିନନ୍ଦନଙ୍କ ପରିବାର ଦେଶପାଇଁ ସବୁବେଳେ ସମର୍ପିତ । ଅଭିନନ୍ଦନଙ୍କ ବାପାଥିଲେ ମଧ୍ୟ ଜଣେ ସୁଦକ୍ଷ ପାଇଲଟ । ସେ ଏକକାଳୀନ ୪ହଜାର ଘଣ୍ଟାର ବିମାନ ଉଡ଼ାଣ କରି ଦେଶପାଇଁ ଆଣିଥିଲେ ଗୌରବ । ୧୯୭୩ ମସିହାରେ ବାୟୁସେନାର ଅଭିନନ୍ଦନଙ୍କ ବାପା ଯୋଗଦେଇଥିଲେ । କାରଗିଲ ଯୁଦ୍ଧ ସମୟରେ ବାୟୁସେନାର ନେତୃତ୍ଵନେଇ ସେ ପାକିସ୍ତାନ ବିପକ୍ଷରେ ଲଢ଼େଇ କରିଥିଲେ ।

ଅଭିନନ୍ଦନଙ୍କ ଦାଦା ମଧ୍ୟ ବାୟୁସେନାରେ ଯୋଗଦେଇ ଦେଶପାଇଁ ଗର୍ବ ଆଣିଥିଲେ । ବିଶ୍ଵଯୁଦ୍ଧ ସମୟରେ ଅଭିନନ୍ଦନଙ୍କ ଦାଦା ଜଣେ ବିଚକ୍ଷଣ ପାଇଲଟଭାବେ ଜଣାଶୁଣା ଥିଲେ ।

ଅଭିନନ୍ଦନଙ୍କ ସ୍ତ୍ରୀ ମଧ୍ୟ ବାୟୁସେନାରେ ବଡ଼ ପଦବୀରେ ନିଜ ଦାୟିତ୍ଵ ତୁଲାଇଥିଲେ । ଦେଶପାଇଁ  ଅଭିନନ୍ଦନଙ୍କ ସାରା ପରିବାର ଥିଲା ସମର୍ପିତ ।

   Related Posts