Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ନିଜ ଜୀବନକୁ ବାଜି ଲଗାଇ ମହିଳା ଏବଂ ତାଙ୍କ ପୁଅକୁ ରକ୍ଷା କଲେ ଅଟୋ ଡ୍ରାଇଭର, ହେଲେ ସେ ଏବେ ନିଖୋଜ

27/12/2018 at 12:25 PM

ଦିଲ୍ଲୀ ୨୭/୧୨ : କେନାଲରେ ବୁଡି ଯାଉଥିବା ମହିଳା ଏବଂ ତାଙ୍କ ପୁଅକୁ ବଞ୍ଚାଇବାକୁ ଯାଇ ନିଜ ଜୀବନକୁ ବାଜି ଲଗେଇଦେଲେ ଜଣେ ଅଟୋ ଡ୍ରାଇଭର | ଘଟଣା ଘଟିଛି ଦିଲ୍ଲୀରେ | ଅଟୋ ଡ୍ରାଇଭର ଜଣକ ହେଲେ ପବନ ଶାହ |

ଗତ ଶନିବାର ଦିନ ୩୦ ବର୍ଷ ବୟସ୍କ ପବନ ଯାତ୍ରୀଙ୍କୁ ନିଜ ଗନ୍ତବ୍ୟ ସ୍ଥଳରେ ଛାଡି ଘରକୁ ଫେରୁଥିବାବେଳେ ଦେଖିଲେ ଜଣେ ମହିଳା ନିଜ ପୁଅକୁ ଧରି ମିଥାପୁର କେନାଲ ମୁହଁରେ ଛିଡା ହୋଇଥିଲେ | ଆଖି ପିଛୁଳାକେ ମହିଳା କେନାଲକୁ ଡେଇଁ ପଡିଥିବା ପବନ ଦେଖିଥିଲେ | ଏହା ଦେଖି ପବନ ତୁରନ୍ତ ଅଟୋ ଛାଡି କେନାଲ ଭିତରକୁ ଡେଇଁ ପଡ଼ିଥିଲେ ମହିଳା ଏବଂ ତାଙ୍କ ପୁଅକୁ ବଞ୍ଚାଇବା ପାଇଁ | ପବନ କେନାଲ ଭିତରକୁ ଡେଇଁବା ପୂର୍ବରୁ ପାଟି କରି ଆଖପାଖ ଲୋକଙ୍କୁ ସାହାଯ୍ୟ ପାଇଁ ଡାକିଥିଲେ | ସେତେବେଳେ  ୩ଜଣ ଲୋକ ସେହି ରାସ୍ତା ଦେଇ ଯାଉଥିଲେ | ସେମାନେ ପବନକୁ ପାଣି ଭିତରକୁ ଡେଇଁବା ଦେଖିଥିଲେ | କୌଶଳକ୍ରମେ ସେମାନେ ମହିଳା ଏବଂ ତାଙ୍କ ପୁଅକୁ ରକ୍ଷା କରିବାରେ ସକ୍ଷମ ହୋଇଥିଲେ | ଏହାପରେ ସେମାନେ ପବନକୁ ରକ୍ଷା କରିବା ପାଇଁ ପାଣି ଭିତରେ ବହୁତ ଖୋଜାଖୋଜି କରିଥିଲେ | ତେବେ ଏତିକିବେଳକୁ ବହୁତ ବିଳମ୍ବ ହୋଇଯାଇଥିଲେ | କେନାଲର ପ୍ରଖର ଢେଉ ପବନକୁ ଭସାଇ ନେଇଥିଲା | ବହୁତ ଖୋଜାଖୋଜି ପରେ ମଧ୍ୟ ସେମାନେ ପବନକୁ ପାଇନଥିଲେ | ସେହି ୩ଜଣ ବ୍ୟକ୍ତି ସଂଗେ ସଂଗେ ଏନେଇ ଜେଟପୁର ପୋଲିସ ଷ୍ଟେସନରେ ଖବର ଦେଇଥିଲେ | ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଂଚି ପବନକୁ ଖୋଜିଥିଲେ | ତଥାପି ପବନଙ୍କୁ ପାଇନଥିଲେ | ଘଟଣାର ୫ ଦିନ ପରେ ମଧ୍ୟ ପୋଲିସର ତଦନ୍ତ ଜାରି ରହିଛି | ହେଲେ ଏବେ ଯାଏଁ ପବନର କୌଣସି ପତ୍ତା ମିଳିନାହିଁ | ଏନେଇ ଦକ୍ଷିଣ-ପୂର୍ବ ଦିଲ୍ଲୀ ପୋଲିସର ଡେପୁଟି କମିଶନର ଚିନ୍ମୟ ବିଶ୍ୱାଳ ସୂଚନା ଦେଇଛନ୍ତି |

ଉଦ୍ଧାର ହୋଇଥିବା ମହିଳା ଏବଂ ତାଙ୍କ ପୁଅକୁ ହସ୍ପିଟାଲରେ ଭର୍ତ୍ତି କରାଯାଇଥିଲା | ଉଭୟଙ୍କ ଅବସ୍ଥା ଏବେ ଭଲ ଥିବା ଜଣାପଡିଛି | ପୋଲିସ ସୂଚନା ଅନୁଯାୟୀ, ମହିଳା ନିଜ ସ୍ୱାମୀଙ୍କ ସହ ଝଗଡା କରି କେନାଲକୁ ଆତ୍ମହତ୍ୟା କରିବା ପାଇଁ ଆସିଥିଲେ | ତେବେ ସେ ଆତ୍ମହତ୍ୟା ତ କରିପାରିନଥିଲେ ବରଂ ତାଙ୍କୁ ବଞ୍ଚାଇବାକୁ ଯାଇ ଏକ ନିରୀହ ଜୀବନ ଏବେ ନିରୁଦ୍ଦିଷ୍ଟ |

ପବନଙ୍କ ନାଁ ‘ଜୀବନ ରକ୍ଷା’ ସାହାସିକତା ପୁରସ୍କାର ପାଇଁ ମନୋନୀତ ହେବ ବୋଲି ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି | 

   Related Posts