Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଆଜି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ
  • ||
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||

ଅଟୋ ଚାଳକ ଫେରାଇଲେ ୭ ଲକ୍ଷ ଟଙ୍କାର ହୀରା ଓ ସୁନା ଗହଣା

23/01/2020 at 2:24 PM

ପୁନେ – ଦୁନିଆଁରେ ଅନେକ ମହତ ଉଦ୍ଦେଶ୍ୟ ଥିବା ଲୋକ ଅଛନ୍ତି । ଅଳ୍ପ ରୋଜଗାର କରୁଥିଲେ ମଧ୍ୟ ପାପ ଉପାୟରେ ଅର୍ଥ ଉପାର୍ଜନ କରିବା ପାଇଁ ଚିନ୍ତା କରନ୍ତି ନାହିଁ । ଏପରି ଜଣେ ଲୋକ ହେଉଛନ୍ତି ପୁନେ ମହାନଗରୀରେ ତୁକାରାମ ଯାଦବ ରାଓ ତୁଲେ । ଜଣେ ବୟସ୍କା ମହିଳା ତାଙ୍କ ଅଟୋରେ ଛାଡିଯାଇଥିବା ୭ ଲକ୍ଷ ଟଙ୍କାର ହୀରା ଗହଣା ଓ ପୋଷକକୁ ଫେରାଇ ଦେଇଛନ୍ତି ।

ଶୋଭା ସନ୍ଦୀପ ଲୁଙ୍କାଡେ ନାମକ ୫୫ ବର୍ଷୀୟ ମହିଳା ତୁକାରାମଙ୍କ ଅଟୋରେ ଯାତ୍ରା କରିଥିଲେ । ଏହି ସମୟରେ ସେ ଭୁଲ୍‌ରେ ତାଙ୍କ ଗହଣା ବ୍ୟାଗ ସହ କିଛି ମୂଲ୍ୟବାନ ପୋଷାକ ଥିବା ଏକ ବ୍ୟାଗକୁ ଅଟୋରେ ଛାଡିଯାଇଥିଲେ ।

ଏହି ମହିଳା ଜଣଙ୍କ ଏକ ମଲକୁ ନିଜ ଝିଅ ସହିତ ବୁଲିବା ପାଇଁ ଯାଇଥିଲେ । ଫେରିବା ସମୟରେ ସେ ତୁକାରାମଙ୍କ ଅଟୋରେ ଆସିଥିଲେ । ମାତ୍ର ବାଟରେ ଥିବା ଏକ ବସ୍‌ଷ୍ଟାଣ୍ଡରେ ତାଙ୍କ ଝିଅ ଓହ୍ଲାଇଯିବା ସହ ତାଙ୍କର ଗହଣାବ୍ୟାଗକୁ ତାଙ୍କ ମାଆଙ୍କୁ ଦେଇଥିଲେ । ତାଙ୍କ ମାଆ ସେଠାରୁ ତାଙ୍କ ପୁଅର ଅଫିସ୍‌ ନିକଟକୁ ଯାଇଥିଲେ ସେଠାରେ ଓହ୍ଲାଇ ଅଟୋ ଭଡା ଦେଇ ଚାଲିଯାଇଥିଲେ ।

ପରେ ତୁକାରାମ ତାଙ୍କ ଅଟୋରେ ମହିଳା ଜଣଙ୍କ ବ୍ୟାଗ ଛାଡିଯାଇଥିବାର ଦେଖିଥିଲେ । ସେହି ସମୟରେ ମହିଳା ଜଣଙ୍କ ଗହଣା ବ୍ୟାଗ ଛାଡିଯାଇଥିବା ଜାଣିପାରି ଥାନାରେ ବ୍ୟାଗ ହଜିବା ନେଇ ଏକ ମାମଲା ରୁଜି କରିଥିଲେ । ପୁଲିସ ସିସିଟିଭି ଯାଞ୍ଚ କରିବା ସହ ବିଭିନ୍ନ ଅଟୋରିକ୍ସା ଚାଳକଙ୍କୁ ପ୍ରଶ୍ନ କରିଥିଲା । ପ୍ରାୟ ରାତି ୧୧ଟା ସମୟରେ କାଲେ ଥାନାକୁ ଆସି ବ୍ୟାଗ ଫେରାଇ ଥିଲେ ।
ଏଥିରେ ସମସ୍ତ ପୋଷ।କ ଓ ଗହଣା ସୁରକ୍ଷିତ ଥିଲା ।

ଅଟୋ ଡ୍ରାଇଭର ଜଣଙ୍କ ୭ ଲକ୍ଷ ଟଙ୍କାର ଗହଣା ନିଜେ ଆସି ଥାନାରେ ଫେରାଇ ଦେଇଥିବାରୁ ତାଙ୍କୁ ଥାନାରେ ସମ୍ମାନିତ କରାଯାଇଥିଲା ।ପୁଲିସ ଡେପୁଟି କମିଶନର ତାଙ୍କୁ ସମ୍ମାନିତ କରିବା ସହ ସାଧୁତାକୁ ପ୍ରଶଂସା କରିଥିଲେ । ପୁଲିସ ମହିଳା ଜଣଙ୍କୁ ତାଙ୍କ ବ୍ୟାଗ ଫେରାଇ ଦେଇଥିଲା ।

   Related Posts