Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଅଟୋ ଚାଳକଙ୍କର କଟିଲା ଚାଲାଣ, ବିଚ୍ ରାସ୍ତାରେ ବେକରେ ରଶି ଲଗାଇ କଲେ ଆତ୍ମହତ୍ୟା ଉଦ୍ୟମ

7/01/2020 at 8:03 AM

ପଠାଣକୋଟ ୭।୧: ବାରମ୍ବାର ଚାଲାଣ କଟାଯିବାକୁ ନେଇ ଚିନ୍ତିତ ଥିବା ଜଣେ ଅଟୋ ଡ୍ରାଇଭର ରାସ୍ତା ଉପରେ ରଶି ଲଗାଇ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି । ଏଭଳି ଅଭାବନୀୟ ଦୃଶ୍ୟ ପଞ୍ଜାବ ପଠାଣକୋଟରେ ଦେଖିବାକୁ ମିଳିଛି । ଟ୍ରାଫିକ୍ ପୋଲିସ ପକ୍ଷରୁ ଓଭରଲୋଡିଂ ପାଇଁ ଅଟୋ ଚାଳକଙ୍କର ଚାଲାଣ କଟାଯିବାରୁ ଅଟୋ ଚାଳକ ଜଣଙ୍କ ଏଭଳି ଉଦ୍ୟମ କରିଛନ୍ତି । ଅଟୋ ଚାଳକଙ୍କ କହିବା ଅନୁସାରେ ଦୁଇ ଦିନ ପୂର୍ବରୁ ମଧ୍ୟ ତାଙ୍କର ୫ହଜାର ଟଙ୍କାର ଚାଲାଣ କଟିଛି ।

ସୂଚନାଯୋଗ୍ୟ ଯେ, ପଠାଣକୋଟ ଗତ କିଛି ବର୍ଷ ହେବ ଟ୍ରାଫିକ୍ ସମସ୍ୟା ମଧ୍ୟଦେଇ ଗତିକରୁଛି । ଯାହାକୁ ଦୃଷ୍ଟିରେ ରଖି କାଗଜପତ୍ର ନଥାଇ ବେଆଇନ ଭାବେ ଚାଲୁଥିବା ଅଟୋଗୁଡିକର ଚାଲାଣ କଟାଯାଉଛି । ଏହି ପରିପ୍ରେକ୍ଷୀରେ ସୋମବାର ଦିନ ଏକ ଅଟୋ ଚାଳକଙ୍କର ଓଭରଲୋଡିଂ ପାଇଁ ଚାଲାଣ କଟାଯାଇଥିଲା । ଫଳରେ ସଂପୃକ୍ତ ଅଟୋ ଚାଳକ ଅଟୋ ସହ ରଶି ବାନ୍ଧି ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ଏହା ଦେଖି ଅନ୍ୟ ଅଟୋ ଚାଳକମାନେ ଏକତ୍ରିତ ହୋଇଯାଇଥିଲେ । ଆତ୍ମହତ୍ୟା ଉଦ୍ୟମ କରୁଥିବା ଅଟୋ ଚାଳକଙ୍କ ବେକରୁ ରଶି କାଢି ତାଙ୍କୁ ବୁଝାସୁଝା କରିଥିଲେ ।

ଆତ୍ମହତ୍ୟା ଉଦ୍ୟମ କରୁଥିବା ଅଟୋ ଚାଳକ ଜଣଙ୍କ କହିଛନ୍ତି ଯେ, ସେ ତାଙ୍କ ଅଟୋ ପାସେଞ୍ଜରମାନଙ୍କୁ ବସାଇ ନେଇଯାଉଥିଲେ । ତାଙ୍କ ଅଟୋ ସହରର ପୀର ବାବା ଚୌକରେ ପହଞ୍ଚିବା ପରେ ସେଠାରେ ଉପସ୍ଥିତ ଥିବା ଟ୍ରାଫିକ୍ ଏଏସଆଇ ତାଙ୍କ ଅଟୋକୁ ଅଟକାଇଥିଲେ । ଓଭରଲୋଡିଂ ପାଇଁ ଚାଲାଣ କାଟିଥିଲେ । ଟ୍ରାଫିକ୍ ପୋଲିସ ଯେତେବେଳେ ଚାଲାଣ ତାଙ୍କୁ ଦେବାରୁ ଚେଷ୍ଟା କରିଥିଲେ ସେତେବେଳେ ସଂପୃକ୍ତ ଅଟୋ ଚାଳକ ଚାଲାଣ ନନେଇ ଅଟୋରୁ ରଶି ବାହାର କରିଥିଲେ । ବେକରେ ରଶି ଲଗାଇ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ ।

ଅଟୋ ଚାଳକ ଜଣଙ୍କ କହିଛନ୍ତି ଯେ, ଦୁଇ ଦିନ ପୂର୍ବରୁ ମଧ୍ୟ ତାଙ୍କ ୫ହଜାର ଟଙ୍କା ଚାଲାଣ କଟିଛି । ପୁଣି ଆଉ ଥରେ ଚାଲାଣ କଟାଯିବାରୁ ସେ ଏଭଳି ପଦକ୍ଷେପ ନେଇଛନ୍ତି । ଯଦି ଏଭଳି ବାରମ୍ବାର ହେବ ତେବେ ସେ ତାଙ୍କ ପରିବାର ପ୍ରତିପୋଷଣ କିଭଳି ଭାବେ କରିବେ ବୋଲି ପ୍ରଶ୍ନ କରିଛନ୍ତି ।

ଅନ୍ୟପଟେ ଟ୍ରାଫିକ୍ ଅଧିକାରୀ କହିଛନ୍ତି ଯେଉଁ ଅଟୋ ଚାଳକ ସମସ୍ତ ନିୟମ ପାଳନ କରିବେ ସେମାନଙ୍କୁ ହଇରାଣ କରାଯିବନି । ଯେଉଁମାନେ ନିୟମ ପାଳନ ନକରିବେ ସେମାନଙ୍କର ଚାଳାଣ କଟାଯିବ ।

   Related Posts