Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||

‘ଚୀନ ବିରୋଧରେ ଅଷ୍ଟ୍ରେଲିଆ କରିବ ଭାରତକୁ ସହଯୋଗ’- ଅଷ୍ଟ୍ରେଲିଆ ପ୍ରତିରକ୍ଷା ମନ୍ତ୍ରୀ

29/09/2020 at 8:32 PM

ନୂଆଦିଲ୍ଲୀ, ୨୯|୦୯ : ଗତ କିଛି ଦିନ ଧରି ଚୀନର ବିଭିନ୍ନ ଦେଶ ସହ ବିବାଦ ଲାଗି ରହିଛି । ଏହାମଧ୍ୟରୁ ଗୋଟିଏ ଦେଶ ହେଉଛି ଅଷ୍ଟ୍ରେଲିଆ । ଭାରତ ମହାସାଗରରେ ଚୀନ ଆଡୁ ଦେଖାଦେଇଥିବା ବିପଦର ମୁକାବିଲା ପାଇଁ ଅଷ୍ଟ୍ରେଲିଆ ଭାରତର ସହଯୋଗ କରିବ ବୋଲି ଘୋଷଣା କରିଛି । ଅଷ୍ଟ୍ରେଲିଆର ପ୍ରତିରକ୍ଷା ମନ୍ତ୍ରୀ ଲିଣ୍ଡା ରେନୋଲ୍ଡସ୍ କହିଚନ୍ତି ଯେ, ଅଧିକ ସୁରକ୍ଷିତ, ମୁକ୍ତ ଓ ବିଭିନ୍ନ କାରବାର ପାଇଁ ଭାରତ ଓ ପ୍ରଶାନ୍ତ ମହାସାଗରରେ ଅଷ୍ଟ୍ରେଲିଆ ଭାରତ ଭଳି ସମାନ ବିଚାରଧାରା ଦେଶ ସହ ସମ୍ପର୍କ ଅଧିକ ମଜବୁତ କରିବ । ଏହାସହ ଚୀନର ଦବଦବା ଥିବା ଏହି ଅଞ୍ଚଳରେ ନିଜର ଉପସ୍ଥିତି ଜାହିର କରିବ ।

ରେନୋଲ୍ଡସ୍ କହିଛନ୍ତି ଯେ, ଭାରତ ମହାସାଗରରେ କରାଯାଇଥିବା ନୌସେନାର ମିଳିତ ଅଭ୍ୟାସ ରଣନୀତିକ ଭାଗିଦାରୀ ଓ ଭାରତ ସହ ମଜବୁତ ସମ୍ପର୍କକୁ ଦର୍ଶାଉଛି । ଗତ ସପ୍ତାହରେ ଭାରତୀୟ ନୌସେନା ଓ ରୟାଲ ଅଷ୍ଟ୍ରେଲିଆନ ନାଭି ଭାରତ ମହାସାଗରର ଉତ୍ତର-ପୂରବ ପ୍ରାନ୍ତରେ ଦୁଇଦିନିଆ ମିଳିତ ସମରାଭ୍ୟାସ କରିଥିଲେ । ଏହାସହ ଜୁନରେ ଉଭୟ ଦେଶ ମଧ୍ୟରେ ଗୁରୁତ୍ୱପୂର୍ଣ୍ଣ ସାମରିକ ଚୁକ୍ତି ହୋଇଥିଲା ।

ସେ ଆହୁରି କହିଛନ୍ତି ଯେ, ଭାରତ ସହ ଅଷ୍ଟ୍ରେଲିଆର ସମ୍ପର୍କ ଆହୁରି ମଜବୁତ ହେବ । କାରଣ ଉଭୟ ଦେଶ ସମାନ ବିଚାରଧାରର ଅଟନ୍ତି । ଏଥିପାଇଁ ଭାରତ ମହାସାଗରରେ ଭାରତ ଭଳି ଦେଶର ସହଯୋଗରେ ଅଧିକ ସୁରକ୍ଷିତ ଓ ମୁକ୍ତ କାରବାର କରିହେବ । ଚଳିତ ବର୍ଷ ଆରମ୍ବରେ ଡିଜିଟାଲ ଶିଖର ସମ୍ମିଳନୀରେ ଭାରତ ସହ ଅଷ୍ଟ୍ରେଲିଆର ଐତିହାସିକ ପ୍ରତିରକ୍ଷା ଚୁକ୍ତି ସ୍ୱାକ୍ଷରିତ ହୋଇଥିଲା । ଉଭୟ ଦେଶ ମିଳିତ ଭାବେ ସମ୍ପର୍କକୁ ମଜବୁତ ରକିବା ଦିଗରେ ଅନେକ ପଦକ୍ଷେପ ନେଉଛନ୍ତି । ଆଗକୁ ମଧ୍ୟ ଏହି ସମ୍ପର୍କ ଅତୂଟ ରହିବ ବୋଲି ସେ କହିଛନ୍ତି ।

   Related Posts