Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

‘ହାର୍ଦ୍ଦିକ ପାଣ୍ଡ୍ୟା ଧୋନୀଙ୍କ ଭଳି ବିପଦଜ୍ଜନକ, ମ୍ୟାଚ୍ ଛଡାଇନେଲେ’, ମାନିଲେ ଅଷ୍ଟ୍ରେଲିଆ କୋଚ୍

7/12/2020 at 10:15 AM

ସିଡନୀ,୦୭/୧୨: ଭାରତ ଅଷ୍ଟ୍ରେଲିଆ ବିପକ୍ଷରେ ଦ୍ୱିତୀୟ ଟି୨୦ ମ୍ୟାଚ୍ ଜିତିଛି । ଏହାସହ ସିରିଜକୁ ମଧ୍ୟ ୨-୦ରେ ଆଗୁଆ କବଜା କରିନେଇଛି । ଏହି ମ୍ୟାଚର ହିରୋ ଥିଲେ ହାର୍ଦ୍ଦିକ ପାଣ୍ଡ୍ୟା । ତାଙ୍କର ବିସ୍ଫୋରକ ବ୍ୟାଟିଂରେ ଭାରତ କଙ୍ଗାରୁ ବିପକ୍ଷରେ ଦମଦାର୍ ବିଜୟ ହାସଲ କରିଛି ।

ଏହି ବିଜୟ ପରେ ପାଣ୍ଡ୍ୟାଙ୍କ ପ୍ରଦର୍ଶନକୁ ନେଇ ଅଷ୍ଟ୍ରେଲିଆ କୋଚ୍ ଜଷ୍ଟିନ୍ ଲାଙ୍ଗର୍ କହିଛନ୍ତି ଯେ, ପାଣ୍ଡ୍ୟା ଦ୍ୱିତୀୟ ଟି୨୦ରେ ଅବିଶ୍ୱସନୀୟ ଇନିଂସ ଖେଳିଥିଲେ । ଏହାସହ ସେ ପାଣ୍ଡ୍ୟାଙ୍କୁ ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସହ ତୁଳନା କରିଛନ୍ତି ।

ପାଣ୍ଡ୍ୟା ଶେଷ ୨୨ ବଲରୁ ୪୨ ରନ୍ ସଂଗ୍ରହ କରିବା ଦ୍ୱାରା ଭାରତ ୬ ଓ୍ୱିକେଟରେ ବିଜୟଲାଭ କରିଥିଲା । ଏହାସହ ଶିଖର ଧାଓ୍ୱନ ମଧ୍ୟ ୩୬ ବଲରୁ ୫୨ ରନ୍ କରିଥିଲେ ।

ଲାଙ୍ଗର୍ ମ୍ୟାଚ୍ ପରେ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ପାଣ୍ଡ୍ୟା ହେଉଛନ୍ତି ବହୁତ ବିପଦଜ୍ଜନକ । ସେ ପୂର୍ବରୁ ଧୋନୀଙ୍କୁ ଦେଖିଛନ୍ତି । ପାଣ୍ଡ୍ୟା ଧୋନୀଙ୍କ ଭଳି ବ୍ୟାଟିଂ କରୁଛନ୍ତି । ଭାରତୀୟ ଦଳରେ ଅନେକ ଅନୁଭବୀ ଖେଳାଳି ଅଛନ୍ତି । ଯାହା ଦଳକୁ ଫାଇଦା ଦେଉଛି । ତେବେ ଅଷ୍ଟ୍ରେଲିଆ ଫିଲ୍ଡିଂକୁ ସେ ପ୍ରଶଂସା କରିଛନ୍ତି ।

ଏହାସହ ସେ ବିରାଟ କୋହଲିଙ୍କୁ ପ୍ରଶଂସା କରିଛନ୍ତି । କାରଣ କୋହଲି ଗତ ମ୍ୟାଚରେ କିଛି ଆକର୍ଷଣୀୟ ସଟ୍ ଖେଳିଥିଲେ । ସେ ୨୪ ବଲରୁ ୪୦ ରନ୍ କରି ମଧ୍ୟ ଓଭରରେ ରନ୍ ଗତି କମିବାକୁ ଦେଇନଥିଲେ । ବିରାଟ ସର୍ବଶ୍ରେଷ୍ଠ ଖେଳାଳିଙ୍କ ମଧ୍ୟରୁ ଜଣେ ବୋଲି ଲାଙ୍ଗର କହିଛନ୍ତି ।  

   Related Posts