Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ବିରାଟ କୋହଲିଙ୍କ ଅର୍ଦ୍ଧଶତକ ନିଷ୍ଫଳ, ଶେଷ ଟି-୨୦କୁ ୧୨ ରନରେ ଜିତି ସମ୍ମାନ ରଖିଲା ଅଷ୍ଟ୍ରେଲିଆ, ୨-୧ରେ ସିରିଜ୍ ଜିତିଲା ଭାରତ

8/12/2020 at 5:23 PM

ସିଡନୀ ୦୮।୧୨: ୨୦୧୬ର ସଫଳତାକୁ ଦୋହରାଇବାରେ ବିଫଳ ହୋଇଛି ଭାରତୀୟ ଦଳ। ଅଧିନାୟକ ବିରାଟ କୋହଲିଙ୍କ ଦମଦାର ଅର୍ଦ୍ଧଶତକ ଇନିଂସ ସତ୍ଵେ ଶେଷ ଟି-୨୦ ମୁକାବିଲାରେ ଭାରତ ଅଷ୍ଟ୍ରେଲିଆ ହାତରୁ ୧୨ ରନରେ ପରାଜିତ ହୋଇଛି। ଏହି ବିଜୟ ସହିତ ଘରୋଇ ଅଷ୍ଟ୍ରେଲିଆ ହ୍ଵାଇଟ୍‌ ଓ୍ଵାଶରୁ ବର୍ତ୍ତିବା ସହ ନିଜର ସମ୍ମାନ ରକ୍ଷା କରି ପାରିଛି। ଶେଷ ଟି-୨୦ ହାରିବା ସତ୍ଵେ ଭାରତ  ତିନି ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ରେ ୨-୧ରେ ବିଜୟୀ ହୋଇଛି। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ମାଥ୍ୟୁ ଓ୍ଵାଦେଙ୍କ ୮୦ ରନ ଓ ଗ୍ଲେନ ମ୍ୟାକ୍ସଓ୍ଵେଲଙ୍କ ୫୪ ରନ ବଳରେ ନିର୍ଦ୍ଧାରିତ ଓଭରରେ ୫ ଓ୍ଵିକେଟ୍ ହରାଇ ୧୮୬ ରନ କରିଥିଲା। ଜବାବରେ ଅଧିନାୟକ ବିରାଟ କୋହଲିଙ୍କ ୮୫ ରନର ଦମଦାର ସତ୍ଵେ ଭାରତ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୭୪ ରନ କରିବାକୁ ସକ୍ଷମ ହୋଇଥିଲା।

୧୮୭ ରନର ବିଜୟ ଲକ୍ଷ୍ୟକୁ ପିଛା କରିଥିବା ଭାରତକୁ ପ୍ରଥମ ଓଭରର ଦ୍ଵିତୀୟ ବଲରେ ଝଟକା ଲାଗିଥିଲା। ଲୋକେଶ ରାହୁଲ ଖାତା ଖୋଲିବା ପୁର୍ବରୁ ପାଭିଲିୟନ ଫେରିଥିଲେ। ଏହା ପରେ ଶିଖର ଧାଓ୍ଵନ ଓ ବିରାଟ କୋହଲି ଦଳର ଇନିଂସ ଆଗକୁ ବଢାଇଥିଲେ। ଉଭୟ ଦ୍ଵିତୀୟ ଓ୍ଵିକେଟ୍‌ ପାଇଁ ୭୪ ରନ ଯୋଡି ବିଜୟର ମୂଳଦୁଆ ପକାଇଥିଲେ। ଶିଖର ଧାଓ୍ଵନ ୨୮ ରନ କରି ଆଉଟ୍ ହୋଇଥିଲେ। ପରେ ଭାରତ ସଅଳ ଦୁଇଟି ଓ୍ଵିକେଟ୍ ହରାଇଥିଲା। ସଞ୍ଜୁ ସାମସନ ମିଳିଥିବା ସୁଯୋଗର ଫାଇଦା ଉଠାଇ ପାରିନଥିଲେ। ସେ ୧୦ ରନ କରି ପାଭିଲିୟନ ଫେରିଥିଲେ। ଶ୍ରେୟସ ଆୟର ଖାତା ଖୋଲିବା ପୂର୍ବରୁ ଆଉଟ୍ ହୋଇଥିଲେ।

ଅନ୍ୟପଟେ କ୍ରିଜରେ ଜମି ରହିଥିବା କୋହଲି ଟି-୨୦ ଅନ୍ତରାଷ୍ଟ୍ରୀୟରେ ୨୪ତମ ଅର୍ଦ୍ଧଶତକ ହାସଲ କରିଥିଲେ। କୋହଲି ହାର୍ଦ୍ଦିକ ପାଣ୍ଡ୍ୟାଙ୍କ ସହ ମିଶି ପଞ୍ଚମ ଓ୍ଵିକେଟ୍‌ରେ ୪୪ ରନ ଯୋଡିଥିଲେ। ଏହି ଯୋଡି କ୍ରିଜରେ ଥିବା ପର୍ଯ୍ୟନ୍ତ  ଭାରତର ବ୍ୟାଟିଂ ଆଶା ଉଜ୍ଜିବୀତ ଥିଲା। ହେଲେ ଆଡମ ଜାମ୍ପା ହାର୍ଦ୍ଦିକଙ୍କୁ ଆଉଟ୍ କରି ଭାରତକୁ ଜୋରଦାର ଝଟକା ଦେଇଥିଲେ। ପାଣ୍ଡ୍ୟା ୧୩ ବଲରୁ ୨୦ ରନ କରି ଆଉଟ୍  ହୋଇଥିଲେ। ବିରାଟ କୋହଲି ଆଉଟ୍ ହେବା ଭାରତ ବିଜୟଠୁ ଦୂରେଇ ଯାଇଥିଲା। କୋହଲି ୬୧ ବଲରୁ ୪ ଚୌକା ଓ ୩ ଛକା ସହ ୮୫ ରନର ଦମଦାର ଇନିଂସ ଖେଳି ଆଉଟ୍ ହୋଇଥିଲେ। ଭାରତ ୨୦ ଓଭରରେ ୭ ଓ୍ଵିକେଟ୍ ହରାଇ ୧୭୪ ରନରେ ସୀମିତ ହୋଇଥିଲା। ଶାର୍ଦ୍ଦୁଳ ଠାକୁର ୭ ବଲରୁ ୧୭ ରନ କରିଥିଲେ ହେଁ ଦଳ ପାଇଁ ପର୍ଯ୍ୟାପ୍ତ ହୋଇନଥିଲା।

ଅଷ୍ଟ୍ରେଲିଆ ତରଫରୁ ମିଚେଲ ସ୍ଵେପସନ ୨୩ ରନ ଦେଇ ୩ ଓ୍ଵିକେଟ୍ ନେଇଥିଲେ। ଗ୍ଲେନ ମ୍ୟାକ୍ସଓ୍ଵେଲ,  ଆଡମ ଜାମ୍ପା ଓ ସିନ ଆବଟ ପ୍ରତ୍ୟେକ ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।

   Related Posts