Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

୨୪ ବର୍ଷ ପରେ ପାକିସ୍ତାନ ଗସ୍ତରେ ଯିବ ଅଷ୍ଟ୍ରେଲିଆ କ୍ରିକେଟ ଟିମ, ମ୍ୟାଚ୍‌ ସୂଚୀ ଜାରିକଲା ପିସିବି

8/11/2021 at 4:36 PM

ନୂଆଦିଲ୍ଲୀ ୦୮/୧୧ : ପାକିସ୍ତାନ ଗସ୍ତରେ ଯିବ ଅଷ୍ଟ୍ରେଲିଆ କ୍ରିକେଟ ଟିମ । ଆସନ୍ତା ମାର୍ଚ୍ଚ ୨୦୨୨ରେ କଙ୍ଗାରୁ ବାହିନୀ ପାକିସ୍ତାନ ଗସ୍ତ କରିବାକୁ ଯାଉଛି । ଏ ନେଇ ପୁରା ମ୍ୟାଚ ସୂଚୀ ଜାରି କରିଛି ପାକିସ୍ତାନ କ୍ରିକେଟ ବୋର୍ଡ (ପିସିବି) । ଅଷ୍ଟ୍ରେଲିଆର ଏହି ଗସ୍ତ ପାକିସ୍ତାନ ଦଳ ପାଇଁ ବେଶ ଗୁରୁତ୍ବପୂର୍ଣ୍ଣ । କାରଣ ଟ୍ବେଣ୍ଟି ଟ୍ବେଣ୍ଟି ବିଶ୍ବକପର ଠିକ ପୂର୍ବରୁ ପାକିସ୍ତାନ ଗସ୍ତ କରିଥିଲା ନ୍ୟୁଜିଲାଣ୍ଡ । ତେବେ ସେଠାରେ ସେମାନଙ୍କ ଧମକ ମିଳିବାରୁ ଟସ ପଡିବାର କିଛି ସମୟ ପୂର୍ବରୁ ଖେଳିବାକୁ ମନା କରିଦେଇଥିଲା କିଓ୍ବି ଟିମ । ସେହିଭଳି ଇଂଲଣ୍ଡ ମଧ୍ୟ ପାକିସ୍ତାନ ଗସ୍ତ କରିବାକୁ ପ୍ରଥମରୁ ହିଁ ମନା କରିଦେଇଥିଲା ।

ତେଣୁ ଏବେ ଅଷ୍ଟ୍ରେଲିଆର ପାକିସ୍ତାନ ଗସ୍ତ ବେଳେ ସେଭଳି କିଛି ବିପଦ ଆଶଙ୍କା ଥିବାରୁ ସତର୍କ ରହିବାକୁ ହେବ । ସେପଟେ ଅଷ୍ଟ୍ରେଲିଆ ଟିମ ପାକିସ୍ତାନ ଯିବା ପାଇଁ ରାଜି ହେବା ପିସିବିକୁ ଆଶ୍ବସ୍ତୀ ଦେଇଛି । କାରଣ ଦୀର୍ଘ ୨୪ ବର୍ଷ ପରେ ପାକିସ୍ତାନ ଗସ୍ତ କରିବାକୁ ଯାଉଛି ଅଷ୍ଟ୍ରେଲିଆ । ଏହା ପୂର୍ବରୁ ୧୯୯୮ ମସିହାରେ ଶେଷ ଥର ପାଇଁ ପାକିସ୍ତାନ ଗସ୍ତ କରିଥିଲା କଙ୍ଗାରୁ ଟିମ । ତେବେ ଅଷ୍ଟ୍ରେଲିଆ ଦଳ ପାକିସ୍ତାନ ଗସ୍ତରେ କେତେ ସୁରକ୍ଷିତ ମାନ କରିବ ତାହା ତ ଭିନ୍ନ କଥା, ପାକ୍‌ ବିପକ୍ଷ ସିରିଜ୍‌ ପାଇଁ ଆହୁରି ୫ ମାସ ସମୟ ଥିବାରୁ ପାକିସ୍ତାନ ଗସ୍ତରେ ଯିବ କି ନାହିଁ ସେ ନେଇ ପୁଣି ଥରେ ସମୀକ୍ଷା କରିପାରେ କ୍ରିକେଟ ଅଷ୍ଟ୍ରେଲିଆ ।

ପାକିସ୍ତାନ ଗସ୍ତରେ ୩ଟି ଟେଷ୍ଟ, ୩ଟି ଦିନିକିଆ ଏବଂ ଗୋଟିଏ ଟେଣ୍ଟି ଟ୍ବେଣ୍ଟି ମ୍ୟାଚ ଖେଳିବ କଙ୍ଗାରୁ ଦଳ । ପ୍ରଥମ ଟେଷ୍ଟ ମାର୍ଚ୍ଚ ୩ ରୁ ୭ ତାରିଖ ମଧ୍ୟରେ ଖେଳାଯିବାକୁ ଥିବା ବେଳେ, ଦ୍ବିତୀୟ ଟେଷ୍ଟ ୧୨ ରୁ ୧୬, ତୃତୀୟ ୨୧ ରୁ ୨୫ ଲାହୋରରେ ଖେଳାଯିବ । ସେହିଭଳି ମାର୍ଚ୍ଚ ୨୯ରେ ପ୍ରଥମ ଦିନିକିଆ, ୩୧ ରେ ଦ୍ବିତୀୟ ଏବଂ ଏପ୍ରିଲ ୨ ତାରିଖରେ ତୃତୀୟ ଦିନିକିଆ ଲାହୋରେ ଖେଳାଯିବ । ଶେଷରେ ଏପ୍ରିଲ ୫ ତାରିଖରେ ଲାହୋରରେ ଏକ ମାତ୍ର ଟ୍ବେଣ୍ଟି ଟ୍ବେଣ୍ଟି ମ୍ୟାଚ ଖେଳାଯିବ । ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍‌ ବିଶ୍ବ ଟେଷ୍ଟ ଚାମ୍ପିୟନସିପ୍‌ ସୁପର ଲିଗ୍‌ର ଅଂଶ ରହିବ ବୋଲି ଆଇସିସି ପକ୍ଷରୁ ସୂଚନା ଦିଆଯାଇଛି ।

   Related Posts