Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ମ୍ୟାକ୍ସଓ୍ଵେଲଙ୍କ ପସନ୍ଦର ‘ସ୍ଵିଚ୍ ସଟ୍’ ଉପରେ କଟକଣା ଲଗାଇବାକୁ ଆଇସିସିକୁ ଅପିଲ୍ କଲେ ଇଆନ ଚାପେଲ୍, କହିଲେ ଏପରି କଥା

1/12/2020 at 10:44 PM

ସିଡନୀ ୦୧।୧୨: ଅଷ୍ଟ୍ରେଲିଆରେ ପୂର୍ବତନ ଅଧିନାୟକ ଇଆନ ଚାପେଲ୍‌ ଆଇସିସିକୁ ‘ସ୍ଵିଚ୍ ହିଟିଙ୍ଗ୍‌’ ଉପରେ କଟକଣା ଲଗାଇବାକୁ ଅପିଲ୍ କରିଛନ୍ତି। ସେ କହିଛନ୍ତି ଏହି ସଟ୍‌ ବୋଲର ଓ ଫିଲ୍ଡିଂ କରୁଥିବା ଟିମ୍‌ ପାଇଁ ବହୁତ ଅନୁଚିତ୍। ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍‌ରେ ଡେଭିଡ୍ ଓ୍ଵାର୍ଣ୍ଣର ଓ ଗ୍ଲେନ ମ୍ୟାକ୍ସଓ୍ଵେଲ ଅନେକ ଥର ସ୍ଵିଗ୍ ସଟ୍‌ ଉପଯୋଗ କରିଥିଲେ।

ଚାପେଲ୍‌ ଓ୍ଵାଇଡ୍ ଅଫ୍ ସ୍ପୋର୍ଟ୍ସ ସହ ଆଲୋଚନା ବେଳେ କହିଛନ୍ତି, ମ୍ୟାକ୍ସଓ୍ଵେଲ ଓ ଓ୍ଵାର୍ଣ୍ଣର ଦ୍ଵିତୀୟ ମ୍ୟାଚ୍‌ରେ ଅନେକ ଥର ଏମିତି ସଟ୍‌ ଖେଳିଥିଲେ। ଯଦି କୌଣସି ବ୍ୟାଟମସ୍ୟାନ ବଲ୍ ପଡିବା ପୂର୍ବରୁ ନିଜ ପୋଜିସନ ବଦଳାଇ ଦେଉଛନ୍ତି, ତେବେ ଏହା ଅବୈଧ ସଟ୍ ହେବା ଉଚିତ୍। ବୋଲରଙ୍କୁ  ତ ବୋଲିଂ କରିବା ପୂର୍ବରୁ ଅମ୍ପାୟରଙ୍କୁ ସେ କେମିତି ବଲ୍ ପକାଇବେ ତାହା ଜଣାଇବାକୁ ପଡୁଛି। ତେବେ ବ୍ୟାଟସମ୍ୟାନଙ୍କ କ୍ଷେତ୍ରରେ ଏମିତି କାହିଁକି ହେବ ନାହିଁ। ବ୍ୟାଟସମ୍ୟାନ ଯଦି ଡାହାଣହାତୀ ହୋଇଥାନ୍ତି ତେବେ ଅଧିନାୟକ ସେହି ପରି କ୍ଷେତ୍ର ରକ୍ଷଣ ସଜାଇଥାନ୍ତି। କିନ୍ତୁ ବ୍ୟାଟସମ୍ୟାନ ଅଚାନକ ବାମହାତୀ ହୋଇ ସଟ୍‌ ଖେଳୁଛନ୍ତି ଯାହା ବିପକ୍ଷ ବୋଲର ଓ ଫିଲ୍‌ଡର ପାଇଁ ଅନ୍ୟାୟ।

ପୂର୍ବତନ ଅଧିନାୟକ କହିଛନ୍ତି, ମୁଁ ବୁଝି ପାରୁନାହି ଯେ, ବୋଲର କାହିଁକି ଏହାର ଅଭିଯୋଗ କରୁ ନାହାନ୍ତି। ସେ କହିଛନ୍ତି କ୍ରିକେଟ୍ ପ୍ରଶଂସକଙ୍କୁ ଏହା ଉପରେ ରୋକ୍ ଲଗାଇବା ଉଚିତ୍। ଦ୍ଵିତୀୟ ଦିନିକିଆରେ ଗ୍ଲେନ ମ୍ୟାକ୍ସଓ୍ଵେଲ ୨୯ ବଲରୁ ୬୩ ରନର ଧୂଆଁଧାର ଇନିଂସ ଖେଳିଥିଲେ। ଏହି ସମୟରେ ସେ ଅନେକ ଥର ସ୍ଵିଚ୍‌ ହିଟ୍‌ ସଟ୍ ଖେଳିଥିଲେ। ସିରିଜ୍‌ର ତୃତୀୟ ତଥା ଅନ୍ତିମ ମ୍ୟାଚ୍‌ ଡିସେମ୍ବର ୨ରେ ଖେଳାଯିବ।

   Related Posts