Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

‘ପେଟେ ପିଇବା, ପଡିଆରେ ନାଚିବା, ତା’ପରେ…’ ବାବୁଙ୍କ ମନରେ ଖାଲି କାମନା

6/07/2020 at 5:23 PM

 ଭୁବନେଶ୍ବର୬/୭: ଫୋନ୍‌ ଅଡ଼ିଓରେ ବାବୁଙ୍କ ବିକଳ ପ୍ରେମ… ପଦାରେ ପଡିଗଲା ଉଚ୍ଚ ପଦାଧିକାରଙ୍କ କୁତ୍ସିତ ଅଶ୍ଳୀଳ କାରନାମା। ଅଫିସର ଜଣଙ୍କ ଏକ ଗୁରୁତ୍ବପୂର୍ଣ୍ଣ ପଦବିରେ ଅବସ୍ଥାପିତ ବରିଷ୍ଠ ଓଏଏସ୍ ଅଫିସର‌। ପଦ ମର୍ଯ୍ୟଦା ଭୁଲିଗଲେ। ଅଶ୍ଳୀଳ କାମନାକୁ ରୋକି ପାରିଲେ ନାହିଁ। ଏବେ ତାଙ୍କ କଥା ସାଧାରଣରେ ଚର୍ଚ୍ଚା। ସୋସିଆଲ ମିଡିଆରେ ଯୁବତୀଙ୍କୁ ଅଶ୍ଳୀଳ ମେସେଜ୍ ପଠାଇଛନ୍ତି। ଅତି କୁତ୍ସିତ କାମନା ପ୍ରକାଶ କରିଛନ୍ତି। ଆଉ ଏବେ ହରଡ଼ଘଣାରେ ପଡିଛନ୍ତି ଓଏଏସ୍‌ ଅଧିକାରୀ। ଫୋନ୍ କଲରେ ଶୁଣନ୍ତୁ ଓଏଏସ୍‌ ଅଧିକାରୀଙ୍କ ଅଶ୍ଳୀଳ କଥା…

ଅଫିସର ଜଣଙ୍କ ଆୟୁଷ ନିର୍ଦ୍ଦେଶାଳୟର ସର୍ବୋଚ୍ଚ ଅଧିକାରୀ। ଅର୍ଥାତ ନିର୍ଦ୍ଦେଶକ ପଦରେ ଅଛନ୍ତି। କିନ୍ତୁ ସେ ଅଭିଯୋଗକାରିଣୀ ଯୁବତୀଙ୍କୁ ପଠାଇଥିବା ମେସେଜ୍‌ ପ୍ରମାଣ କରୁଛି ଯେ, ଯୁବତୀଙ୍କୁ ସେ କିଭଳି ଭାବେ ମାନସିକ ନିର୍ଯାତନ ଦେଉଥିଲେ। ଏନେଇ ଭୁବନେଶ୍ବର ମହିଳା ଥାନାର ଦ୍ବାରସ୍ଥ ହୋଇଛନ୍ତି ସଂପୃକ୍ତ ଯୁବତୀ। ତାଙ୍କ ସହ ଶାରୀରିକ ସଂପର୍କ ନ ରଖିଲେ, ଚାକିରି ଚାଲିଯିବ ବୋଲି ଯୁବତୀଙ୍କୁ ସେ ଧମକ ମଧ୍ୟ ଦେଉଥିଲେ ନିର୍ଦ୍ଦେଶକ ମହାଶୟ। ଏବେ ଆୟୁଷ୍ ନିର୍ଦ୍ଦେଶାଳୟର ଏହି ସର୍ବୋଚ୍ଚ ଅଧିକାରୀଙ୍କ ନାଁରେ ଏଭଳି ସଂଗୀନ ଅଭିଯୋଗ ସୃଷ୍ଟି କରିଛି ଆଲୋଡ଼ନ। ଖାଲି ଫୋନ୍‌ରେ ଅଶ୍ଳୀଳ କଥା କହୁନଥିଲେ, ଯୁବତୀଙ୍କ ମୋବାଇଲ୍‌ ହ୍ବାଟସ୍‌ଆପ୍‌କୁ ଅଶ୍ଳୀଳ ଭିଡିଓ ଓ ମେସେଜ୍‌ ମଧ୍ୟ ପଠାଉଥିଲେ। ତାଙ୍କ ଶାରୀରିକ ସଂପର୍କ ରଖିବାକୁ ନିବେଦନ ମଧ୍ୟ କରିଥିଲେ। ଶୁଣନ୍ତୁ ଯୁବତୀ ଜଣଙ୍କ କଣ କହୁଛନ୍ତି….

 ଏହି ସମସ୍ତ ପ୍ରମାଣ ଧରି ନ୍ୟାୟ ପାଇବା ଆଶାରେ ମହିଳା ଥାନାର ଦ୍ବାରସ୍ଥ ହୋଇଛନ୍ତି ପୀଡିତା।  ୨୫ ବର୍ଷ ବୟସ୍କା ଯୁବତୀ ଜଣଙ୍କ ଆୟୁଷ ନିର୍ଦ୍ଦେଶାଳୟରେ ଆକାଉଣ୍ଟସ୍‌ ମ୍ୟାନେଜର ଭାବେ କାର୍ଯ୍ୟ କରନ୍ତି । ଏହି ସମୟରେ ଆୟୁଷ୍ ନିର୍ଦ୍ଦେଶାଳୟର ଅଧିକାରୀ ଜଣଙ୍କ ଯୁବତୀଙ୍କୁ ବାରମ୍ବାର ହଇରାଣ କରୁଥିଲେ ।  ଏହି ଓଏଏସ୍‌ ଅଧିକାରୀ ଜଣଙ୍କ ଫୋନ୍‌ରେ ଯୁବତୀଙ୍କୁ ଯାହା କହୁଛନ୍ତି ତାହା ଶୁଣିବା ପରେ ଆପଣ ବି ତାଜୁବ ହୋଇଯିବେ। ଗାଧୁଆ ଘରେ ଉଲଗ୍ନ ଅବସ୍ଥାରେ ଭିଡିଓ କଲ କରିବାକୁ ଯୁବତୀଙ୍କୁ ଅଫିସର ଜଣକ ବାଧ୍ୟ କରୁଛନ୍ତି।  ସଂପର୍କ ନିବିଡ କରିବାକୁ ହେଲେ ଏ ସବୁ କରିବାକୁ ପଡେ ବୋଲି ଯୁବତୀଙ୍କୁ ସେ ବୁଝାଉଛନ୍ତି। ଏ ସବୁ କରିବାକୁ ଯୁବତୀ ଜଣଙ୍କ ମନା କରିବାରୁ ଓଏଏସ୍‌ ଅଧିକାରୀ ଜଣଙ୍କ ତାଙ୍କୁ ବୁଝାଇବାକୁ ବହୁତ ଚେଷ୍ଟା କରୁଛନ୍ତି। ଏବେ ଏହି ଅଡ଼ିଓ, ମୋବାଇଲ୍ ଚାଟିଂ ଏବଂ ଥାନାରେ ଅଭିଯୋଗକୁ ନେଇ ଆଲୋଡ଼ନ। ଜଣେ ବରିଷ୍ଠ ଓଏଏସ୍‌ ଅଫିସର ତାଙ୍କ ପଦ ପର୍ଯ୍ୟଦାର ଦୁରୁପଯୋଗ କରି କାମନା ଚରିତାର୍ଥ କରିବାକୁ ଏପରି କରିବା ଯେତିକି ବିସ୍ମୟକର ସେତିିକି ଚିନ୍ତାଜନକ। ଏବେ ଅପେକ୍ଷା ବାବୁଙ୍କ ଉପରେ କେବେ ପଡିବ କାର୍ଯ୍ୟାନୁଷ୍ଠାନର ପ୍ରହାର ?

   Related Posts