ଅନୁଗୋଳ ୧୧।୦୫: ଟ୍ରେନ୍ ରୁ ପ୍ରବାସୀ ଓଡ଼ିଆ ଫେରାର । ଅହମ୍ମଦାବାଦରୁ ପ୍ରବାସୀ ଓଡିଆଙ୍କୁ ଆଣି ଆସୁଥିବା ଶ୍ରମିକ ଏକ୍ସପ୍ରେସ୍ ରୁ ୬ଜଣ ପ୍ରବାସୀ ଓଡିଆ ଅନୁଗୁଳ ନିକଟରେ ଚେନ୍ ଟାଣି ଫେରାର ହୋଇଯାଇଥିଲେ । ଅନୁଗୋଳ ମଝିକା ଶିବ ମନ୍ଦିର ନିକଟରେ ଟ୍ରେନ୍ ଚେନ୍ ଟାଣି ପଳାଇବାକୁ ପ୍ରୟାସ କରିଥିଲେ । ସେମାନଙ୍କୁ ଅନୁଗୋଳ ପୋଲିସ ଅଟକ ରଖିବା ସହ ଜିଲ୍ଲା ପ୍ରଶାସନକୁ ହସ୍ତାନ୍ତର କରିଛି ।
{"id":267970,"sizeSlug":"large"}ସୂଚନାଯୋଗ୍ୟ ଯେ, ଗୁଜୁରାଟ ଅହମ୍ମଦାବାଦରୁ ଓଡିଶା ଆସୁଥିଲା ଏକ ଟ୍ରେନ୍ । ଏହି ଶ୍ରମିକ ସ୍ୱତନ୍ତ୍ର ଟ୍ରେନ୍ଟି ଖୋର୍ଦ୍ଧା ଅଭିମୁଖେ ଆସୁଥିଲା । କିନ୍ତୁ ଅନୁଗୋଳ ମଝିକା ଶିବ ମନ୍ଦିର ନିକଟରେ ହଠାତ୍ ଟ୍ରେନ୍ଟି ଅଟକିଯାଇଥିଲା । ଅତିକମ୍ରେ ଟ୍ରେନ୍ ପ୍ରାୟ ୧୦ମିନିଟ ପର୍ଯ୍ୟନ୍ତ ଅଟକି ରହିଥିଲା । ତେବେ ଏହି ସମୟରେ କିଛି ଲୋକ ଟ୍ରେନ୍ ମଧ୍ୟରୁ ଓହ୍ଲାଇ ଦୌଡିବାକୁ ଲାଗିଥିଲେ । ପ୍ରବାସାମାନେ ଟ୍ରେନ୍ର ଚେନ୍ ଟାଣି ଫେରାର ହେବାକୁ ଉଦ୍ୟମ କରିଥିଲେ । କିନ୍ତୁ କିଛି ବାଟ ଦୌଡି ପରେ ପୋଲିସ ସେମାନଙ୍କୁ ଧରିବାରେ ସକ୍ଷମ ହୋଇଥିଲା । ଏବଂ ସମସ୍ତଙ୍କ ଅଟକ ରଖି ଜିଲ୍ଲା ପ୍ରଶାସନକୁ ହସ୍ତାନ୍ତର କରିଛି । ରାତିର ଅନ୍ଧାରର ସୁଯୋଗ ନେଇ ଖସିଯିବାକୁ ଉଦ୍ୟମ କରୁଥିଲେ । ଯାହା କି ବିଫଳ ହୋଇଛି।