Sunday, July 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଜେପୁରରେ ବିଜେପି ପ୍ରାର୍ଥୀ ସନତ ଗଡତିଆଙ୍କ ଗାଡି ଉପରକୁ ଇଟା ମାଡ, ଭଟଲିରେ ମଧ୍ୟ ବିଜେପି କର୍ମୀଙ୍କୁ ଆକ୍ରମଣ

ବିଜେପୁର ୧୭|୪: ବରଗଡ ଜିଲ୍ଲା ବିଜେପୁରରେ ବିଜେପି ପ୍ରାର୍ଥୀଙ୍କ ଗାଡିକୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ବିଜେପୁରରୁ ବିଜେପିରୁ ପ୍ରାର୍ଥୀ ହୋଇଥିବା ସନତ ଗଡତିଆଙ୍କ ଗାଡି ଉପରକୁ ଦୁର୍ବୃତ୍ତମାନେ ଆକ୍ରମଣ କରିଥିବା ଅଭିଯୋଗ ହୋଇଛି । ସନତ ଗଡତିଆଙ୍କ ଗାଡି ଉପରକୁ ଇଟା ମାଡ କରାଯାଇଥିବାବେଳେ ତାଙ୍କ ଗାଡି କାଚ ଭାଙ୍ଗିଯାଇଛି । ଆକ୍ରମଣରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ଏହି ଆକ୍ରମଣ ଘଟଣାରେ ସୁଧିର ବରିହା ନାମକ ଜଣେ ଯୁବକଙ୍କ ନାଁରେ ବରଗଡ ଥାନାରେ ମାମଲା ରୁଜୁ ହୋଇଛି । ତେବେ ସୁଧିର ବରିହା ବିଜେଡ଼ି କର୍ମୀ ବୋଲି ଅଭିଯୋଗ ଆଣିଛି ବିଜେଡି ।

ଅନ୍ୟପଟେ ବରଗଡ ଭଟଲି ନିର୍ବାଚନ ମଣ୍ଡଳୀ ତରାକନାରେ ବିଜେପି କର୍ମୀଙ୍କୁ ରକ୍ତାକ୍ତ ଆକ୍ରମଣ ହୋଇଛି । ଫଳରେ ଦୁଇ ଜଣ ଗୁରୁତର ହୋଇଛନ୍ତି । ବିଜେପି ନେତା ତଥା ପୂର୍ବତନ ଭଟଲି ସରପଞ୍ଚ ପ୍ରହଲ୍ଲାଦ ପ୍ରଧାନ ଏବଂ ଭଟଲି ପିଏସିଏସ ଅଧ୍ୟକ୍ଷ ଭାଗିରଥୀ ପ୍ରଧାନଙ୍କୁ ତରାକନାଠାରେ ଆକ୍ରମଣ ହୋଇଛି ।

190 Views

   ସମ୍ବନ୍ଧିତ ଖବର