ଖଇରା ୨୨|୨: ସାରା ଦେଶ ପୁଲୱାମା ଆକ୍ରମଣରେ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଦେଉଥିବା ବେଳେ ବାଲେଶ୍ବର ଖଇରା ଅଞ୍ଚଳରେ ଛୁଟିରେ ଆସିଥିବା ଜଣେ ଯବାନଙ୍କୁ ଆକ୍ରମଣ ହୋଇଛି। ଘଟଣା ଘଟିଛି ବାଲେଶ୍ବର ଖଇରା ଥାନା ରଟିଣା ଗାଁରେ।
{"id":87496}ସୂଚନା ଅନୁସାରେ ଛୁଟିରେ ଆସିଥିବା ଯବାନ ଅମୂଲ୍ୟ କୁମାର ବିନ୍ଧାଣୀ ତିନି ଦିନ ତଳେ ପୁଲୱାମା ସହିଦଙ୍କ ପାଇଁ କ୍ୟାଣ୍ଡେଲ ଶୋଭାଯାତ୍ରା କରିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର କିଛି ନେତା ଫେରୁଥିବା ବେଳେ ସେମାନଙ୍କର କୌଣସି କାରଣରୁ ଯବାନ ଅମୂଲ୍ୟ କୁମାର ବିନ୍ଧାଣୀଙ୍କ ସହିତ ଯୁକ୍ତିତର୍କ ହୋଇଥିଲା।
ଏହାପରେ ଯବାନ ଅମୂଲ୍ୟ ବିନ୍ଧାଣୀ ଓ ତାଙ୍କ ବାପାଙ୍କୁ ସେମାନେ ଆକ୍ରମଣ କରିଥିବା ଅଭିଯୋଗ ହୋଇଛି। ଏନେଇ ଖଇରା ଥାନାରେ ଅଭିଯୋଗ ହୋଇଥିବା ବେଳେ ପୋଲିସ ଏହାର ତଦନ୍ତ କରୁଛି।