ନୀଳଗିରି୧୦।୦୯: ରାସ୍ତାରେ ବନ୍ଧୁକ ଦେଖାଇ ବାପା ଓ ପୁଅଙ୍କ ଠାରୁ ଲୁଟ୍ । ବାଲେଶ୍ୱର ଜିଲ୍ଲା ସେରଗଡ଼ ନିକଟରେ ଘଟିଛି ଘଟଣା । ଏନେଇ ଥାନାରେ ଏକ ମାମଲା ମଧ୍ୟ ରୁଜୁ ହୋଇଛି । ପୋଲିସ ଛାନ୍ଭିନ୍ ଆରମ୍ଭ କରିଛି ।
ଖବର ଅନୁଯାୟୀ, ରେମୁଣା ବ୍ଲକ ଖନ୍ତାପଡା ଥାନା ଭୂଇଁପଡା ଗାଁର ପଦ୍ମଲୋଚନ ବାରିକଙ୍କର ସେରଗଡ଼ ହସ୍ପିଟାଲ ରୋଡ଼ରେ ଗୋଟିଏ ଷ୍ଟେସନାରୀ ଓ ମୋବାଇଲ ଦୋକାନ ରହିଛି । ତେବେ ଗତକାଲି ରାତି ୯ଟା ସମୟରେ ପଦ୍ମଲୋଚନ ଓ ତାଙ୍କ ପୁଅ ରାଜକିଶୋଇ ମୋଟର ସାଇକେଲ ଯୋଗେ ଘରକୁ ଫେରୁଥିଲେ । କିନ୍ତୁ ଏହି ସମୟରେ ସାଆନ୍ତା ଛକରେ ଥିବା ସ୍କୁଲ ନିକଟରୁ ଗୋଟିଏ ବାଇକ ସାମ୍ନା ପଟୁ ଆସି ସେମାନଙ୍କୁ ଅଟକାଇଥିଲେ । ବାପା ଓ ପୁଅ ପଛ ପଟେ ଯିବାକୁ ଚେଷ୍ଟା କରିବା ଦ୍ୱାରା ପଛରୁ ଆସି ଗୋଟେ ବାଇକ୍ରେ ଆସି ଅଟକାଇଥିଲା । ଦୁର୍ବୃତ୍ତମାନେ ମାଡ଼ ମାରିବା ସହ କଟୁରି ଓ ବନ୍ଧୁକକୁ ମୁଣ୍ଡ ଓ ଛାତିକୁ ଲଗାଇଥିଲା ।
ଦୁର୍ବୁତ୍ତ ମାନେ ସ୍କୁଟିର ଡିକି ଖୋଲିବାକୁ କହିଥିଲେ। ସେମାନେ ପ୍ରତିବାଦ କରିବାରୁ ଆରମ୍ବ କରିଥିଲେ ମରଣାନ୍ତକ ଆକ୍ରମଣ। ଜୋରଜବରଦସ୍ତ ଡିକି ଭାଙ୍ଗିଦେଇଥିଲା ଦୁର୍ବୃତ୍ତ, ସେଥିରୁ କିଛି ନପାଇବାରୁ ପାଖରେ ଥିବା ୩ଟି ମୋବାଇଲ ଓ ୫୦୦ ଟଙ୍କା ଛଡ଼ାଇ ନେଇଥିଲେ। ଏହାପରେ ସ୍କୁଟି ଚାବି ନପାଇବାରୁ ଗାଡିଟିକୁ ନେଇ ପାରିନଥିଲେ।
ରକ୍ତାକ୍ତ ଅବସ୍ଥାରେ ବାପ ଓ ପୁଅ ପାଟି କରିବାରୁ ଦୁର୍ବୃତ୍ତମାନେ ଘଟଣାସ୍ଥଳ ଛାଡି ପଳାଇଥିଲେ । ଖବର ପାଇ ସେରଗଡ଼ ଫାଣ୍ଡିରୁ ପୋଲିସ ଘଟଣା ସ୍ଥଳରୁ ଦୁଇଟି ଅଫୁଟା ଗୁଳି ଓ କଟୁରି ଜବତ କରିଛନ୍ତି। ଏନେଇ ଥାନାରେ ଏକ ମାମଲା ରୁଜୁକରି ତଦନ୍ତ ଆରମ୍ବ ହୋଇଛି। ଏହାପୂର୍ବରୁ ମଧ୍ୟ ବାପା ଓ ପୁଅଙ୍କ ଆକ୍ରମଣ ହୋଇଥିଲା । ଦୁଇ ଦୁଇ ଥର ଗୋଟିଏ ପରିବାରକୁ ମରଣାନ୍ତକ ଆକ୍ରମଣ ହେଉଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ପୋଲିସର ହାତ ଖାଲି ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ବୃଦ୍ଧି ପାଇଛି।