Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ସୁଝିଲାନି ଜାତକ, ବିବାହ ପାଇଁ ମନା କଲେ ପରିବାର ଲୋକେ ; ଏକାଠି ଝୁଲି ପଡିଲେ ପ୍ରେମୀ ଯୁଗଳ

13/04/2021 at 11:47 AM

ଝାରସୁଗୁଡ଼ା ୧୩।୦୪: ପ୍ରେମ ପାଇଁ ଗଲା ଜୀବନ । ବଞ୍ଚିବା ଏକାଠି, ନେହେଲେ ମରିବା ଏକାଠି । ଆମେ ଯଦି ଆମର ନହେବା, ତାହେଲେ କାହାର ହେବାନି । ନା ତୁ ହେବୁ କାହାର, ମୁଁ ହେବି କାହାର ।ସାମାନ୍ୟ ଜାତକ ଆମ ଦୁହିଁକୁ ଅଲଗା କରିପାରିବନି । ଏପରି  କିଛି ନିଷ୍ପତ୍ତି ନେଇ ନିଜ ଜୀବନ ହାରିଦେଇଛନ୍ତି ପ୍ରେମୀ ଯୁଗଳ । କାହାଣୀ ଟି ଗପ ଲାଗୁଥିଲେ ବି ଘଟଣାଟି ସତ ।  ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ କୁମ୍ଭାରବନ୍ଧ ପୋଲିସ ଫାଣ୍ଡି ରେଙ୍ଗାଳି କିଷାନପଡ଼ା ଗାଁରେ ଘଟିଯାଇଛି ଏପରି ଅଭାବନୀୟ ଘଟଣା ।

ଖବର ଅନୁଯାୟୀ, କିଷାନପଡ଼ା ଗାଁର ଜଣେ ୨୭ବର୍ଷୀୟ ଯୁବକ ସମ୍ବଲପୁରର ଜଣେ ୨୨ବର୍ଷୀୟ ଯୁବତୀଙ୍କ ସହ ପ୍ରେମ ସଂପର୍କ ଗଢିଉଠିଥିଲା । ଉଭୟ ପ୍ରେମକୁ ବିବାହର ରୂପ ଦେବାକୁ ଚେଷ୍ଟା କରିଥିଲେ । ପରିବାରକୁ ମଧ୍ୟ ପ୍ରେମ ସଂପର୍କ ବିଷୟରେ କହିଥିଲେ । ଉଭୟ ଗୋଟିଏ ଜାତିର ହୋଇଥିବାରୁ ବିବାହ ପାଇଁ ପରିବାର ଲୋକେ ରାଜି ହୋଇଥିଲା । କିନ୍ତୁ ପ୍ରେମର ଏହି ରାସ୍ତାରେ ବାଧକ ସାଜିଲା ଜାତକ ସୁଝା । ପରିବାର ଲୋକେ ଜାତକ ସୁଝା ପରେ ଉଭୟଙ୍କ ନାମ ପାଞ୍ଚି ଅନୁସାରେ ମେଳ ଖାଇନଥିଲା । ବିବାହ ପାଇଁ ରାଜି ହୋଇନଥିଲେ ।

ସେପଟେ ଯୁବକଙ୍କ ପରିବାର ଲୋକେ ଯୁବକଙ୍କ ବିବାହ ଅନ୍ୟ ଜାଗାରେ ଠିକ୍‌ କରିଦେଲେ । ଆସନ୍ତା ମେ ୫ତାରିଖରେ ବିବାହ ପାଇଁ ଲଗ୍ନ ସ୍ଥିର ମଧ୍ୟ ହୋଇଥିଲା । ଯୁବକର ଏହି ବାହାଘରେ କୌଣସି ପ୍ରକାରର ଉଚ୍ଛାନଥିଲା । ଏମିତିକି ପ୍ରେମିକାକୁ ବାଇକ୍‌ ଯୋଗେ ନିଜ ଘରକୁ ଆଣିଥିଲା ପ୍ରେମିକ । ଉଭୟଙ୍କ ପରିବାର ଲୋକ ଏହା ଜାଣିବା ପରେ ପ୍ରେମିକଙ୍କ ଘରେ କିଛି ସମାଧାନ ନେଇ ଆପୋଷ ବୁଝାମଣା ହୋଇଥିଲା । କିନ୍ତୁ ସେହିଦିନ ରାତିରେ ଉଭୟ ପ୍ରେମୀଯୁଗଳ ଗୋଟିଏ କୋଠରୀରେ ନିଜକୁ ବନ୍ଦ କରିଦେଇଥିଲା ।

ସକାଳ ହେବାରୁ ପରିବାର ଲୋକେ ଘର ଭିତରୁ କୌଣସି ଶବ୍ଧ ହେବାରୁ ଘରର କବାଟ ଖୋଲିଥିଲେ । କବାଟ ଖୋଳି ଦେଖିବା ବେଳକୁ ଘର ଭିତରେ ଝୁଲୁଛି ୨ଜଣଙ୍କ ମୃତଦେହ । ଘଟଣାସ୍ଥଳରେ କୁମ୍ଭାରବଦ୍ଧା ଫାଣ୍ଡି ଅଧିକାରୀ ପହଞ୍ଚି ଛାନ୍‌ଭିନ୍‌ ଜାରି ରଖିଛନ୍ତି । ଏପରିକି ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ  ନିକଟସ୍ଥ ମେଡିକାଲକୁ ପଠାଇଛି ।

   Related Posts