ଢ଼େଙ୍କାନାଳ୩/୧: ଢେଙ୍କାନାଳ ଜିଲ୍ଲା ମୋଟଙ୍ଗା ନିମବାହାଳି ଏଟିଏମ୍ ଲୁଟ ଘଟଣାର ମାଷ୍ଟରମାଇଣ୍ଡକୁ ବାଲେଶ୍ବର ପୋଲିସ ଗିରଫ କରିଛି। ଏଥିସହ ସଂପୃକ୍ତ ଅଭିଯୁକ୍ତଠାରୁ ନଗଦ ଟଙ୍କା ସହ ବିଭିନ୍ନ ପ୍ରକାର ସାମଗ୍ରୀ ଜବତ କରିଛି। ଯାହାର ଆନୁମାନିକ ମୂଲ୍ୟ ୪ ଲକ୍ଷ ୨୫ହଜାର ଟଙ୍କା ହେବ।
ଗିରଫ ଲୁଟେରା ବାଲେଶ୍ବର ଅଞ୍ଚଳର ଅଜୟ ମହାନ୍ତି। ଅଜୟ ଠାରୁ ପୁଲିସ ନଗଦ ଟଙ୍କା ଆକାରରେ ୭ ହଜାର ଟଙ୍କା, ଅପୋଲ ମୋବାଇଲ , ଚେକ ଓ ତାର ବ୍ୟାଙ୍କ ଆକାଉଣ୍ଟରୁ ମିଶି ମୋଟ ୪ ଲକ୍ଷ ୨୫ ହଜାର ଟଙ୍କା ଉଦ୍ଧାର କରାଯାଇଛି। ଗିରଫ ଅଜୟ ଜଣେ ପେଷାଦାର ଏଟିଏମ ଲୁଟେରା ଓ ତା ନାଁରେ ବାଲେଶ୍ୱରରେ ୬ଟି ଏଟିଏମ ଲୁଟ ମାମଲା ରହିଛି।
ତେବେ ଗତମାସ ୧୪ ତାରିଖ ରାତିରେ ନିମବାହାଳି ଛକରେ ଥିବା ଏସବିଆଇ ଏଟିଏମକୁ ଗ୍ୟାସ କଟରରେ କାଟି ୫୬ ଲକ୍ଷ ୨୭ ହଜାର ଟଙ୍କା ଲୁଟି ନେଇଥିଲେ । ଏହି ଲୁଟ ଘଟଣାରେ ୬ ଜଣ ସାମିଲ ଥିବା ପୁଲିସ ତଦନ୍ତରୁ ଜାଣିପାରିଛି। ପୂର୍ବରୁ ସ୍ଥାନୀୟ ମୋଟଙ୍ଗା ଗ୍ରାମରୁ ୪ଜଣଙ୍କୁ ଗିରଫ କରି ତାଙ୍କ ଠାରୁ ୪୨ ହଜାର ଟଙ୍କା ଉଦ୍ଧାର କରାଯାଇଥିଲା । ମାତ୍ର ଗିରଫ ଅଜୟ ଏହି ଲୁଟ ଘଟଣାର ଏକ ମାଷ୍ଟର ମାଇଣ୍ଡ ବୋଲି ଢେଙ୍କାନାଳ ଏସଡ଼ିପିଓ ସୂଚନା ଦେଇଛନ୍ତି।