ଜୋହାନ୍ସବର୍ଗ, ୦୩/୦୧: ଆଫ୍ରିକୀୟ ଦେଶ ନାଇଜେରିଆରେ ଏକ ବଡ ଧରଣର ଆତଙ୍କବାଦୀ ଆକ୍ରମଣ ହୋଇଛି । ଏଥିରେ ଅତିକମରେ ୭୦ଜଣ ସାଧାରଣ ଲୋକ ପ୍ରାଣ ହରାଇଛନ୍ତି । ଏହାସହ ୨୦ରୁ ଅଧିକ ଆହତ ହୋଇଛନ୍ତି । ମାଲି ସୀମାରେ ଥିବା ଦୁଇଟି ଗ୍ରାମରେ ଆତଙ୍କବାଦୀମାନେ ଏହି ନରସଂହାର କରିଛନ୍ତି ।
ଆତଙ୍କବାଦୀମାନେ ଯେଉଁ ଗ୍ରାମରେ ଆକ୍ରମଣ କରିଛନ୍ତି ସେଠାରେ ଦୀର୍ଘ ଦିନ ଧରି ହିଂସା ଓ ଗୃହ ଯୁଦ୍ଧ ଲାଗି ରହିଛି । ୨୦୧୭ରୁ ଏଠାରେ ଜରୁରିକାଳୀନ ସ୍ଥିତି ଲାଗି ରହିଛି । ଗଣମାଧ୍ୟମ ରିପୋର୍ଟ ଅନୁସାରେ, ମୃତକଙ୍କ ସଂଖ୍ୟା ବଢିପାରେ । ସରକାର ବାରମ୍ବାର ଦାବି କରୁଛନ୍ତି ଯେ ଏହି ସ୍ଥାନରେ ସେନା ଆତଙ୍କବାଦୀଙ୍କୁ ନିପାତ କରିଛି । ଏହାସତ୍ତ୍ୱେ ଆତଙ୍କବାଦୀମାନେ ଏପରି ଜଘନ୍ୟ କାଣ୍ଡ ଘଟାଇଛନ୍ତି । ଏହି ସ୍ଥାନରେ ଅଲକାଏଦା ଓ ଇସଲାମିକ ଷ୍ଟେଟ୍ ସହ ଜଡିତ ଅନେତ ଆତଙ୍କବାଦୀ ସଙ୍ଗଠନ ସକ୍ରିୟ ରହିଛି ।
ସୂଚନାଯୋଗ୍ୟ, ଡିସେମ୍ବର ୨୭ରେ ନାଇଜର ନିକଟରେ ଥିବା ନାଇଜେରିଆରେ ବୋକୋ ହାରାମ ପ୍ରାୟ ୧୦ ଲୋକଙ୍କୁ ହତ୍ୟା କରିଥିଲା । ସଙ୍ଗଠନ ପକ୍ଷରୁ ୪ଟି ଗ୍ରାମକୁ ଟାର୍ଗେଟ୍ କରାଯାଇଥିଲା । ସେମାନେ ବିଶେଷ କରି ସରକାରୀ କାର୍ଯ୍ୟାଳୟ ଓ ଥାନାକୁ ଟାର୍ଗେଟ୍ କରୁଛନ୍ତି ।
