ତାଇପେ ୨।୧:  ତାଇୱାନ ବାୟୁସେନାର ଏକ  ହେଲିକପ୍ଟର ଗୁରୁବାର ଦୁର୍ଘଟଣାରେ ଧ୍ୱଂସ୍ତ ହୋଇଛି। ଫଳରେ ଏଥିରେ ଯାତ୍ରାକରୁଥିବା ଚିଫ୍ ଅଫ ଜେନେରାଲ ଷ୍ଟାଫ ଶେନ ୟୀ-ମିଙ୍ଗଙ୍କ ସମେତ ୮ ଜଣଙ୍କ ମୃତ୍ୟୁ ହୋଇଛି। ହେଲିକପ୍ଟର ଦୁର୍ଘଟଣାର କାରଣ ଜଣାପଡି ନାହିଁ। ତେବେ ରାଜଧାନୀ ତାଇପେଇ ନିକଟସ୍ଥ ସୋଙ୍ଗସେନ ବାୟୁସେନା ଘାଟିରୁ ହେଲିକପ୍ଟର ଉଡାଣ କରିବାର ୧୬ ମିନିଟ୍ ପରେ ଗ୍ରାଉଣ୍ଡ କଣ୍ଟ୍ରୋଲ ସହ ଏହାର ସମ୍ପର୍କ ବିଛିନ୍ନ ହୋଇଥିଲା।

{"id":206003,"sizeSlug":"large"}

ହେଲିକପ୍ଟରର ଧ୍ୱଂସାବଶେଷ ନ୍ୟୁ ତାଇପେ ସହର ବୁଲଇ ଜିଲ୍ଲାର ପାହାଡରେ ମିଳିଛି। ହୁଏତ ପାଇଲଟ ହେଲିକପ୍ଟରକୁ ଜରୁରି ଲ୍ୟାଣ୍ଡିଂ କରିବାକୁ ଉଦ୍ୟମ କରି ବିଫଳ ହୋଇଥାଇପାରନ୍ତି ବୋଲି ଏବେ ଅନୁମାନ କରାଯାଉଛି। ସେନାମୁଖ୍ୟ ମିଙ୍ଗ ୮ ଜଣ ଉଚ୍ଚ ସେନାପଦାଧିକାରୀଙ୍କ ସହ ସକାଳେ ୟିଲାନର ଡୋଙ୍ଗାଓ ବେସ୍ ପରିଦର୍ଶନରେ ବାହାରିଥିଲେ। ଦୁର୍ଘଟଣା ବେଳେ ହେଲିକପ୍ଟରରେ ଚାଳକ ଦଳର ୩ ସଦସ୍ୟଙ୍କ ସମେତ ମୋଟ ୧୩ ଜଣ ଯାତ୍ରୀ ଥିଲେ।

{"id":206004,"sizeSlug":"large"}

ବାୟୁସେନା କମାଣ୍ଡର ଇନ୍ ଚିଫ ହିସୁଙ୍ଗ ହୋଉ-ଚି ହେଲିକପ୍ଟର ଦୁର୍ଘଟଣା  ସମ୍ପର୍କରେ ଗଣମାଧ୍ୟମକୁ ସୂଚିତ କରିଛନ୍ତି। ଘଟଣା ସ୍ଥଳକୁ ୪ ବିମାନ ଓ ୧୧୧ ଜଣ ଉଦ୍ଧାରକାରୀ ଦଳ ପହଞ୍ଚିଥିବା ସେ କହିଛନ୍ତି। ସମସ୍ତ ମୃତ ସୈନ୍ୟ ଅଧିକାରୀ ଉଚ୍ଚପଦାଧିକାରୀ ଥିଲେ ବୋଲି ଜଣାପଡିଛି। ସେମାନଙ୍କ ସହ ଜଣେ ସୈନ୍ୟ ସମ୍ବାଦଦାତା ବି ହେଲିକପ୍ଟରରେ ଯାତ୍ରା କରୁଥିଲେ।