Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଭେନେଜୁଏଲା ଜେଲ୍‌ରେ ଦଙ୍ଗା : ପ୍ରାୟ ୪୦ ମୃତ, ଓ୍ବାର୍ଡେନ ସମେତ ୫୦ ଆହତ

2/05/2020 at 12:41 PM

କାରାକସ ୨।୫: କେନ୍ଦ୍ରୀୟ ଭେନେଜୁଏଲା ଜେଲରେ ଶୁକ୍ରବାର ଦିନ ଦଙ୍ଗା ହୋଇଛି । ଏଥିରେ ପ୍ରାୟ ୪୦ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଲୋକ ଆହତ ହୋଇଛନ୍ତି । କର୍ତ୍ତୃପକ୍ଷଙ୍କ କହିବା ଅନୁସାରେ ଆହତଙ୍କ ମଧ୍ୟରେ ଜଣେ ନ୍ୟାସନାଲ ଗାର୍ଡ ଅଧିକାରୀ ଏବଂ ଜଣେ ୱାର୍ଡେନ ଅଛନ୍ତି । ବିସ୍ଫୋରଣରେ ନ୍ୟାସନାଲ ଗାର୍ଡ ଅଧିକାରୀ ଆହତ ହୋଇଥିବା ବେଳେ ୱାର୍ଡେନଙ୍କୁ ଛୁରାମାଡ ହୋଇଛି । ଏହି ଜେଲ୍ କେରେକସର ରାଜଧାନୀର ଦକ୍ଷିଣ-ପଶ୍ଚିମରେ ୪୫୦କି.ମି. ଦୂର ଗୁଆନେରେ ସହରରେ ରହିଛି ।

ଆଇନଜୀବୀ ମାରିଆ ବିଟ୍ରିଜ ମାର୍ଟିନେଜ କହିଛନ୍ତି ଯେ, ଲାଲାନୋସ୍ ପେନିଣ୍ଟେଟରୀ ସେଣ୍ଟରରେ କଏଦୀ ଏବଂ ଗାର୍ଡଙ୍କ ମଧ୍ୟରେ ସଶସ୍ତ୍ର ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ବର୍ତ୍ତମାନ ସୁଦ୍ଧା ଏହା ଜଣାପଡିନାହିଁ ଯେ, କଣ ପାଇଁ ଏହି ସଂଘର୍ଷ ହୋଇଛି । ମାର୍ଟିନେଜ କହିଛନ୍ତି ଯେ, ଜେଲରେ ମୃତ ଓ ଆହତଙ୍କ ବିଷୟରେ ତାଙ୍କ ପାଖରେ ସଠିକ୍ ତଥ୍ୟ ନାହିଁ । ସେ କହିଛନ୍ତି ଯେ, ଗ୍ରେନେଡ ବିସ୍ଫୋରଣରେ ନ୍ୟାସନାଲ ଗାର୍ଡ ଅଧିକାରୀ ଆହତ ହୋଇଥିଲେ ।

ଭେନେଜୁଏଲର ପେନିଣ୍ଟେଟରୀ ସେବା ମନ୍ତ୍ରୀ ଆଇରିସ୍ ବରେଲା ଏହି ଦଙ୍ଗାକୁ ନିଶ୍ଚିତ କରିଛନ୍ତି । ସେ ସ୍ଥାନୀୟ ଖବରକାଗଜ ଅଲ୍ଟିମାସ୍ ନୋଟିକିଆସକୁ କହିଛନ୍ତି ଯେ, କଏଦୀଙ୍କ ଏକ ଗୋଷ୍ଠୀ ଜେଲ ବାହାରେ ଠିଆ ହୋଇଥିବା ଅଧିକାରୀଙ୍କ ଉପରେ ଆକ୍ରମଣ କରିଥିଲେ । ଜଣେ କଏଦୀଙ୍କ ଛୁରାମାଡରେ ୱାର୍ଡେନ ଆହତ ହୋଇଛନ୍ତି ।

ଗୋଟିଏ ପଟେ ସମୃଦ୍ଧ ତୈଳ ଦେଶ ଭେନେଜୁଏଲା ଗଭୀର ରାଜନୈତିକ ଏବଂ ଅର୍ଥନୈତିକ ସଙ୍କଟ ମଧ୍ୟରେ ରହିଛି । ଦେଶରେ ହିଂସା ଏକ ସାଧାରଣ କଥା । ଗତ କିଛି ବର୍ଷ ମଧ୍ୟରେ ଜନସେବାକୁ ଉଚ୍ଛେଦ କରିବା ଫଳରେ ପ୍ରାୟ ୫ ମିଲିୟନ ଲୋକ ପଳାଇ ଯାଇଥିଲେ ।

ଭେନେଜୁଏଲାରେ ପ୍ରାୟ ୩୦ଟି କାରାଗାର ଏବଂ ୫୦୦ ଜେଲ ଅଛି ଯେଉଁଥିରେ ପ୍ରାୟ ୧୧୦,୦୦୦ କଏଦୀଙ୍କୁ ରଖାଯାଇପାରିବ । ମାନବାଧିକାର ଅଧିକାରୀମାନେ କହିଛନ୍ତି ଯେ, ଜେଲ୍ ଗୁଡିକ ହିଂସାତ୍ମକ ଏବଂ ଜନଗହଳିପୂର୍ଣ୍ଣ ।

ପ୍ରାୟ ଏକ ବର୍ଷ ପୂର୍ବେ ପର୍ତ୍ତୁଗୀଜ୍ ରାଜ୍ୟରେ ମଧ୍ୟ ଏହିପରି ଦଙ୍ଗା ହୋଇଥିଲା । ଯେଉଁଠାରେ ୨୯ ଜଣ କଏଦୀଙ୍କ ମୃତ୍ୟୁ ହୋଇଥିଲା । ଯେଉଁ କାରାଗାରରେ ଶତାଧିକ ବନ୍ଦୀ ଥିଲେ । ସଶସ୍ତ୍ର କଏଦୀମାନେ ଜେଲରେ ପ୍ରବେଶ କରୁଥିବା ଅଧିକାରୀଙ୍କ ଉପରେ ଆପତ୍ତି ଉଠାଇଥିଲେ ସେତେବେଳେ ହିଂସା ଆରମ୍ଭ ହୋଇଥିଲା ।

   Related Posts