Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିରିଜ୍ ଅଧାରୁ କୋଭିଡ୍ ସଂକ୍ରମିତ ହେଲେ ଭାରତୀୟ ଅଲରାଉଣ୍ଡର କ୍ରୁନାଲ ପାଣ୍ଡ୍ୟା, ଭାରତ-ଶ୍ରୀଲଙ୍କା ଦ୍ବିତୀୟ ଟ୍ବେଣ୍ଟି ଟ୍ବେଣ୍ଟି ବାତିଲ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ ପଜିଟିଭ୍, ୪୧୫ ମୃତ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୦ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୨୯ କରୋନା ପଜିଟିଭ୍
  • ||
  • ମୟୂରଭଞ୍ଜ : ଗାଧୋଇବା ବେଳେ ଖସିଗଲା ଗୋଡ, ପୋଖରୀରେ ବୁଡି ୨ ଶିଶୁ ମୃତ
  • ||
  • ସମ୍ବଲପୁର : ଯୁବକଙ୍କୁ ନିର୍ମମ ଭାବେ ହତ୍ୟା, ଉଦ୍ଧାର ହେଲା ରକ୍ତ ଜୁଡୁବୁଡୁ ମୃତଦେହ
  • ||

ଭାରତରେ ଗୋଟିଏ ଦିନରେ ରେକର୍ଡ ୪.୨୦ ଲକ୍ଷ କରୋନା ଟେଷ୍ଟ, ମାତ୍ର ଚିନ୍ତା ବଢାଉଛି ସଂକ୍ରମଣ ସଂଖ୍ୟା

25/07/2020 at 10:05 PM

ନୂଆଦିଲ୍ଲୀ ୨୫।୦୭: ଭାରତରେ ପ୍ରଥମ ଥର ଗୋଟିଏ ଦିନରେ ରେକର୍ଡ ୪.୨୦ ଲକ୍ଷ କରୋନା ପରୀକ୍ଷଣ କରାଯାଇଛି। କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରଣାଳୟ ଶନିବାର ଏହି ସୂଚନା ଦେଇଛନ୍ତି। ସ୍ଵାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଟେଷ୍ଟିଂ ଲ୍ୟାବ୍ ସଂଖ୍ୟା ବୃଦ୍ଧି ହେବାରୁ ଏତେ ସଂଖ୍ୟାରେ ଯାଞ୍ଚ କରିବା ସମ୍ଭବ ହୋଇ ପାରିଛି। କିନ୍ତୁ ଗତ ୨୪ ଘଣ୍ଟାରେ ୪୮,୮୯୪ ନୂତନ ସଂକ୍ରମିତ ଚିହ୍ନଟ ମଧ୍ୟ ହୋଇଛନ୍ତି। ଉଲ୍ଲେଖନୀୟ ଭାରତରେ ଜାନୁଆରୀ ମାସରେ କୋଭିଡ୍-୧୯ର ଯାଞ୍ଚ ପାଇଁ କେବଳ ଗୋଟିଏ ଲ୍ୟାବ୍‌ ଥିଲା, ମାତ୍ର ଏହାର ସଂଖ୍ୟା ବଢି ବର୍ତ୍ତମାନ ୧୩୦୧ରେ ପହଞ୍ଚିଛି। ଏଥିରେ ଘରୋଇ ଲ୍ୟାବ୍ ମଧ୍ୟ ସାମିଲ।

ସ୍ଵାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଆଇସିଏମଆରର ସଂଶୋଧିତ ମାର୍ଗଦର୍ଶିକା ଓ ରାଜ୍ୟ ପକ୍ଷରୁ ହୋଇଥିବା ପ୍ରୟାସ ଜାରଣରୁ ଆଜି ଏତେ ସଂଖ୍ୟାରେ କରୋନା ଯାଞ୍ଚ କରିବାରେ ଆମେ ସଫଳ ହୋଇଛୁ। ଦେଶରେ ଶୁକ୍ରବାର ସୁଦ୍ଧା କୋଭିଡ୍-୧୯ର ମୋଟ୍ ୧ କୋଟି ୫୮ ଲକ୍ଷ  ୪୯ ହଜାର ୬୮ଟି ନମୂନା ଯାଞ୍ଚ କରାଯାଇଛି। ମନ୍ତ୍ରଣାଳୟ କହିଛି ଭାରତରେ ଗତ ଏକ ସପ୍ତାହରେ ପ୍ରତି ଦିନ ୩.୫୦ ଲକ୍ଷ ଟେଷ୍ଟ କରାଯାଉଛି। ଗତ ୨୪ ଘଣ୍ଟାରେ ୪,୨୦,୮୯୮ ଟେଷ୍ଟ କାରଣରୁ ଦେଶରେ  ପ୍ରତି ୧୦ ଲକ୍ଷ୍ୟ ବ୍ୟକ୍ତିଙ୍କ ଉପରେ ଯାଞ୍ଚ ହାର ୧୧,୪୮୫ରେ ପହଞ୍ଚିଛି। ଏଥିରେ ଲଗାତାର ବୃଦ୍ଧି ଘଟୁଥିବା ସ୍ଵାସ୍ଥ୍ୟ ମନ୍ତ୍ରଣାଳୟ କହୁଛି।

ଭାରତରେ  ମୃତ୍ୟୁହାର ସବୁଠୁ କମ

କୋଭିଡ୍-୧୯ ଯାଞ୍ଚ ବଢିବାରୁ ଶନିବାର ମୃତ୍ୟୁହାରରେ ମହତ୍ଵପୂର୍ଣ୍ଣ ହ୍ରାସ ଦେଖିବାକୁ ମିଳିଛି। ଦେଶରେ ସଂପ୍ରତି କରୋନାଜନିତ ମୃତ୍ୟୁହାର ୨.୩୫ ପ୍ରତିଶତ ରହିଥିବା ବେଳେ ସୁସ୍ଥହାର ସୁଧୁରି ୬୩.୫୪ ପ୍ରତିଶତରେ ପହଞ୍ଚିଛି। ଦୁନିଆରେ ସର୍ବାଧିକ କରୋନା ପ୍ରଭାବିତ ଦେଶଗୁଡିକ ତୂଳନାରେ ଭାରତର ମୃତ୍ୟୁହାର ସବୁଠୁ କମ ରହିଛି ବୋଲି ସ୍ଵାସ୍ଥ୍ୟ ମନ୍ତ୍ରଣାଳୟ କହିଛି।

ଦେଶରେ ଏ ପର୍ଯ୍ୟନ୍ତ ୮ ଲକ୍ଷ ୪୯ ହଜାର ୪୩୧ ଜଣ ସୁସ୍ଥ ହୋଇ ଘରକୁ ଫେରି ସାରିଛନ୍ତି। ସୁସ୍ଥ ହୋଇ ସାରିଥିବା ଲୋକଙ୍କ ସଂଖ୍ୟା ଚିକିତ୍ସାଧୀନ ରୋଗୀଙ୍କ ସଂଖ୍ୟାଠୁ ୩ ଲକ୍ଷ ୯୩ ହଜାର ୩୬୦ ଅଧିକ ରହିଛି। ମହାମାରୀଜନିତ ମୃତ୍ୟୁ ସଂଖ୍ୟା ବଢି ୩୧,୩୫୮ରେ ପହଞ୍ଚିଛି।

   Related Posts