ନୂଆଦିଲ୍ଲୀ, ୦୯।୦୯ : ଆଇସିସି ଟି୨୦ ବିଶ୍ୱକପ ପାଇଁ ଭାରତୀୟ ଦଳର ଘୋଷଣା ହୋଇସାରିଛି । ବିସିସିଆଇର ଚୟନ କମିଟି ୧୫ ଜଣିଆ ଦଳ ଘୋଷଣା କରିଛି । ଏଥିରେ ଲେଗ୍ ସ୍ପିନର ଆର ଅଶ୍ୱିନଙ୍କୁ ସାମିଲ କରାଯାଇଛି  । ସେ ଦୀର୍ଘଦିନ ପରେ ଟି୨୦ ଦଳକୁ ଫେରିଛନ୍ତି । ୨୦୧୭ରେ ସେ ଶେଷ ଟି୨୦ ମ୍ୟାଚ୍ ଖେଳିଥିଲେ । ଏହାପରଠୁ ତାଙ୍କୁ ଟେଷ୍ଟ କ୍ରିକେଟ ଖେଳୁଥିଲେ ମଧ୍ୟ ସୀମିତ ଓଭରରେ ସ୍ଥାନ ପାଉନଥିଲେ ।

ତେବେ ଟି୨୦ ବିଶ୍ୱକପ ଟିମରେ ସ୍ଥାନ ମିଳିବା ପରେ ଅଶ୍ୱିନ ଯେଉଁ ଟ୍ୱିଟ୍ କରିଛନ୍ତି ତାହା ଭାଇରାଲ ହେବାରେ ଲାଗିଛି । ଟ୍ୱିଟରେ ଅଶ୍ୱିନ ଏକ ଫଟୋ ପୋଷ୍ଟ କରିଛନ୍ତି । ଏଥିରେ ଲେଖାଯାଇଛି ଯେ, ସବୁ ଅନ୍ଧାର ଗଳିର ଶେଷରେ ଆଲୋକ ଥାଏ । ସେ ସେହି ଆଲୋକକୁ ଦେଖିବା ପାଇଁ ଜୀବିତ ରହିଥାନ୍ତି ।

wp:html

2017: I wrote this quote down a million times in my diary before putting this up on the wall! Quotes that we read and admire have more power when we internalise them and apply in life.

Happiness and gratitude are the only 2 words that define me now.? #t20worldcup2021 pic.twitter.com/O0L3y6OBLl

— Mask up and take your vaccine???? (@ashwinravi99) September 8, 2021

/wp:html

 ସେ ଆହୁରି ଲେଖିଛନ୍ତି ଯେ, ଏହି ଉକ୍ତିଟି ସେ ୨୦୧୭ରେ ଲେଖିଥିଲେ । ପୂର୍ବରୁ ଅନେକ ଥର ଏହାକୁ ସେ ଡାଏରୀରେ ଲେଖିଥିଲେ । ଏହାକୁ ସେ ନିଜ ଜୀବନରେ ପାଳନ କରିଥାନ୍ତି । ଅଶ୍ୱିନଙ୍କ ଏହି ଟ୍ୱିଟ୍ ଖୁବ୍ ବାଇରାଲ ହେବାରେ ଲାଗିଛି ।ଦଳରେ ଚୟନ ହେବା ପରେ ପ୍ରଶଂସକମାନେ ବି ଖୁସି ଅଛନ୍ତି ।

ଭାରତୀୟ ଦଳ- ବିରାଟ କୋହଲି, ରୋହିତ ଶର୍ମା, କେଏଲ ରାହୁଲ, ସୂର୍ଯ୍ୟକୁମାର ଯାଦବ, ଋଷଭ ପନ୍ତ, ଇଶାନ କିଶନ, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ରାହୁଲ ଚହର, ଆର ଅଶ୍ଵିନ, ଅକ୍ଷର ପଟେଲ୍, ବରୁଣ ଚକ୍ରବର୍ତ୍ତୀ, ଯଶପ୍ରୀତ ବୁମରା, ଭୁବନେଶ୍ଵର କୁମାର ଓ ମହମ୍ମଦ ଶାମି।