Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||
  • ରାଜ୍ୟର ୪ ବରିଷ୍ଠ ଆଇଏଏସଙ୍କୁ ପ୍ରମୋସନ, ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି
  • ||
  • କୋଟିଆରେ ହେବ ପଞ୍ଚାୟତ ନିର୍ବାଚନ, ୧୩ଟି ବୁଥରେ ମତଦାନ
  • ||

ରାହୁକାଳରେ ୨୦୧୯ର ଲୋକସଭା ନିର୍ବାଚନ ତାରିଖ ଘୋଷଣା, ଜାଣନ୍ତୁ କ’ଣ ପଡିବ ପ୍ରଭାବ

11/03/2019 at 8:50 AM

ନୂଆଦିଲ୍ଲୀ ୧୧|୩ : ଚଳିତ ୨୦୧୯ର ଲୋକସଭା ନିର୍ବାଚନ ପାଇଁ ତାରିଖ ଘୋଷଣା ହୋଇସାରିଛି । ତେବେ ନିର୍ବାଚନ ତାରିଖ ରାହୁକାଳରେ ଘୋଷଣା ହେବା ପଛରେ ବିଭିନ୍ନ ଜ୍ୟୋତିଷମାନଙ୍କର ଭିନ୍ନ ଭିନ୍ନ ମତ ପ୍ରକାଶ ପାଇଛି ।

ଲକ୍ଷ୍ନୌର ଜଣେ ଜ୍ୟୋତିଷଙ୍କ ମତରେ ରାହୁକାଳ ସମୟରେ ନିର୍ବାଚନ ଆୟୋଗ ତାରିଖ ଘୋଷଣା କରିଛନ୍ତି ତେଣୁ ଏହାର ପ୍ରଭାବ ନିଶ୍ଚୟ ପଡିବ । ସେ କହିଛନ୍ତି ଯେ, ରାହୁକାଳରେ ତାରିଖ ଘୋଷଣାର ଅର୍ଥ ଯୁଦ୍ଧ ଭଳି ସ୍ଥିତି ଦେଖାଦେଇପାରେ  ।  ଏହି ପରିପ୍ରେକ୍ଷୀରେ ଗୋରଖପୁରର ଅନ୍ୟ ଜଣେ ଜ୍ୟୋତିଷ କହିଛନ୍ତି ଯେ, ରାହୁକାଳରେ ଲୋକସଭା ନିର୍ବାଚନ ତାରିଖ ଘୋଷଣା ହେବା ଫଳରେ ଏହାର କୌଣସି ପ୍ରଭାବ ପଡିବନାହିଁ । ସେ କହିଛନ୍ତି ଯେ, ନିର୍ବାଚନ ବେଳେ ଏହାର ନକରାତ୍ମକ କିମ୍ବା ସକରାତ୍ମକ ପ୍ରଭାବ ପଡିବାର ନାହିଁ । ସେ ଆହୁରି ମଧ୍ୟ ଦୃଢତାର ସହ କହିଛନ୍ତି ଯେ, ରାହୁକାଳରେ ନିର୍ବାଚନ ତାରିଖ ଘୋଷଣା ହେବା ପଛରେ କିଛି ତଥାକଥିତ ଜ୍ୟୋତିଷମାନଙ୍କର ଷଡଯନ୍ତ୍ର ରହିଛି । ଯେଉଁମାନେ କି ମନଗଢା କାହାଣୀ କହି ବାଃ ବାଃ ନେବାକୁ ପ୍ରୟାସ କରିଥାନ୍ତି ।

ସନ୍ଧ୍ୟା ୫ଟା ବେଳେ ନିର୍ବାଚନ ତାରିଖ ଘୋଷଣା ହେବା ପରେ ଦକ୍ଷିଣ ଭାରତର ନେତାମାନଙ୍କର ଚିନ୍ତା ବଢିଯାଇଛି । ସେମାନଙ୍କର ଚିନ୍ତାର କାରଣ ନିର୍ବାଚନ ନୁହେଁ ବରଂ ଜ୍ୟୋତିଷ ମାନଙ୍କର ଭବିଷ୍ୟବାଣୀ । ପ୍ରକୃତରେ ଗତକାଲି ଦିନ ୪ଟା ୩୦ଠାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ରାହୁକାଳ ଥିଲା । ନେତାମାନଙ୍କ ମତରେ ଏହି ସମୟରେ କିଛି ବି ଶୁଭ କାମ ହୁଏନାହିଁ । ତେଣୁ ଦକ୍ଷିଣ ଭାରତର ଜଣେ ଗଭର୍ଣ୍ଣରଙ୍କ ସହ ଅନେକ ନେତା ଚାହୁଁଥିଲେ ଯେ, ନିର୍ବାଚନ ତାରିଖ ଘୋଷଣାର ସମୟ ବଦଳାଯାଉ ବୋଲି । ମାତ୍ର ସେହି ସମୟରେ ହିଁ ନିର୍ବାଚନ ତାରିଖ ଘୋଷଣା ହୋଇସାରିଛି । ତେବେ ଏହାର କୌଣସି ନକରାତ୍ମକ କିମ୍ବା ସକରାତ୍ମକ ପ୍ରଭାବ ପଡୁଛି କି ନାହିଁ ତାହା ଆଗାମୀ ଦିନରେ ସ୍ପଷ୍ଟ ହେବ ।

   Related Posts