Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

ଜ୍ୟୋତିଷଙ୍କ ଗଣନା ଅନୁସାରେ ଜୁଲାଇ ୧୬ ପରେ ଆସିବ କରୋନା ଔଷଧ, କ’ଣ କହୁଛି ଭାରତର କୁଣ୍ଡଳୀ

20/04/2020 at 11:59 AM

ନୂଆଦିଲ୍ଲୀ ୨୦।୪: ହିନ୍ଦୁ ନବବର୍ଷ ତଥା ବିକ୍ରମ ନବସଓ୍ବନ୍ତ ୨୦୭୭ର ଆରମ୍ଭ ମାର୍ଚ୍ଚ ୨୪ ତାରିଖରେ ହୋଇଥିଲା । ହିନ୍ଦୁ ନବ ବର୍ଷର ଆରମ୍ଭ ସେତେବେଳେ ହୋଇଥିଲା ଯେତେବେଳେ ଦେଶରେ ଆଶିଂକ ଲକ୍ ଡାଉନ୍ ପରିସ୍ଥିତି ଥିଲା । ବିକ୍ରମ ନବସଓ୍ବନ୍ତ ର ୭ମ ଘରେ ଦୁଇ କ୍ରୁର ଗ୍ରହ ମଙ୍ଗଳ ଏବଂ ଶନିଙ୍କ ସ୍ଥିତି ୭ମ ଘରେ ହେବା କାରଣରୁ ଅର୍ଥବ୍ୟବସ୍ଥା, ବାଣିଜ୍ୟ ଓ ବ୍ୟବସାୟ, ସାମାଜିକ ଭ୍ରାତୃଭାବରେ ଅଶାନ୍ତି ଦର୍ଶାଇଥାଏ ।

ଦେଶର ଜଣେ ପ୍ରମୁଖ ଜ୍ୟୋର୍ତିବିଦ୍ ଙ୍କ ଅନୁସାରେ ବିକ୍ରମ ନବସଓ୍ବନ୍ତ ର ରାଜା ବୁଧ ତଥା ଚନ୍ଦ୍ର ମନ୍ତ୍ରୀ । ନବସଓ୍ବନ୍ତ କୁଣ୍ଡଳୀରେ ୭ମ ଏବଂ ୮ମ ଘରର ସ୍ବାମୀ ଶନି ଅଟନ୍ତି । ଯାହାଙ୍କର ଦୃଷ୍ଟି ଚନ୍ଦ୍ର ଉପରେ ରହିବା କାରଣରୁ ସ୍ବାସ୍ଥ୍ୟ ସମ୍ବନ୍ଧିତ ସଙ୍କଟ ଉପୁଜିବାର ସଙ୍କେତ ଦେଇଥାଏ । ସେ କହିଛନ୍ତି ଯେ, ମଙ୍ଗଳ ମେ ୮ରେ ଗୋଚରରେ ରାଶି ପରିବର୍ତ୍ତନ କରିବେ । ଯାହାଦ୍ବାରା କରୋନା ଭାଇରସ୍ ସଙ୍କଟରେ କିଛିଟା ଆଶ୍ବସ୍ତିର ସଙ୍କେତ ମିଳୁଛି ।

ଗୋଚରରେ ରାହୁ ଆଦ୍ରା ନକ୍ଷତ୍ରରେ ୧୮ ବର୍ଷ ପରେ ସଞ୍ଚାର କରୁଛି । ଏହି କାରଣରୁ ସମଗ୍ର ବିଶ୍ବରେ ଲୋକମାନଙ୍କ ଆଖିରେ ଲୁହ କୌଣସି ନା କୌଣସି କାରଣରୁ ଦେଖାଯାଉଛି । ଯଦି ପୂର୍ବ କଥା ଦେଖିବା ତେବେ ରାହୁଙ୍କର ଆଦ୍ରା ନକ୍ଷତ୍ର ସମୟରେ ଆମେରିକାରେ ୯/୧୧ ଘଟଣା, ଗୁଜୁରାଟ ଭୂକମ୍ପ ଇତ୍ୟାଦି ସଙ୍କଟ ଦେଖାଦେଇଥିଲା । ବର୍ତ୍ତମାନ ସମୟରେ ଆଦ୍ରା ନକ୍ଷତ୍ରୁ ମେ ୨୨ରେ ରାହୁ ବିଦାୟ ନେବେ । ଯାହା ଫଳରେ ବିଶ୍ବରେ ଆଶ୍ବସ୍ତିକର ପରିସ୍ଥିତି ଦେଖାଦେବ ।

ସେ ଆହୁରି କହିଛନ୍ତି ଯେ, ଜୁନ୍-ଜୁଲାଇରେ ୩ଟି ଗ୍ରହଣ ସମ୍ଭାବନା ରହିଛି । ଯେଉଁଥିରୁ ଦୁଇଟି ଗ୍ରହଣ ଭାରତରେ ଦେଖାଯିବ ଯାହା ଭାରତର କୁଣ୍ଡଳୀରେ ୨ୟ ଏବଂ ୮ମ ଘରକୁ ନିଜ ଅକ୍ତିଆରରେ ନେବ ଯାହା ଫଳରେ କିଛି ଅପ୍ରତ୍ୟାଶିତ ସମସ୍ୟା ଉପୁଜିପାରେ ।

ମେ ୨୧ରେ ସୂର୍ଯ୍ୟଗ୍ରହଣ ଭାରତର ସ୍ଥାପନା କୁଣ୍ଡଳୀରେ ମଙ୍ଗଳ ଉପରେ ୨ୟ ଘରେ ଲାଗିବ । ଯାହା ଫଳରେ କିଛି ସଙ୍କଟ ଯେପରି ଭାଇରସ୍ ଦ୍ବାରା ପୁଣି ମୃତ୍ୟୁ ଘଟିବ, ବିଦେଶୀ ଶତ୍ରୁମାନଙ୍କ ଦ୍ବାରା ଭାରତର ଆଭ୍ୟନ୍ତରୀଣ ପ୍ରସଙ୍ଗରେ ହସ୍ତକ୍ଷେପ କରିବା, ସମସ୍ୟା ସୃଷ୍ଟି କରିବା, ଧାର୍ମିକ ମତାନ୍ତର ସମ୍ବନ୍ଧିତ ଘଟଣାମାନ ଘଟିପାରେ ।

ସେ କହିଛନ୍ତି ଯେ, ଭାରତକୁ ଏହି ସମୟରେ ଚନ୍ଦ୍ର ମହାଦଶାରେ ଶନିଙ୍କର ଅନ୍ତର୍ଦଶା ଏବଂ କେତୁଙ୍କର ପ୍ରତିଅନ୍ତ୍ର ଦଶା ୩୦ରୁ ୪ ଜୁଲାଇ ପର୍ଯ୍ୟନ୍ତ ରହିବ । ଗ୍ରହମାନଙ୍କର ଗୋଚର ଦ୍ବାରା କିଛି ସକାରତ୍ମକ ଘଟଣାମାନ ହେବାର ସଙ୍କେତ ଦେଖାଦେଉଛି । କରୋନା ଭାଇରସ୍ ଦ୍ବାରା ପୀଡିତ ରୋଗୀମାନଙ୍କର ଚିକିତ୍ସା ପାଇଁ ନୂଆ ଔଷଧ ୧୬ ଜୁଲାଇ ଅଥବା ତାର ନିକଟ ସମୟରେ ବିକଶିତ ହୋଇପାରେ ।

ଶନି ଯିଏକି ଜନତା ତଥା ଲୋକତନ୍ତ୍ରର କାରକ ଗ୍ରହ ତାହା ଏବେ ଭାରତର କୁଣ୍ଡଳୀରେ ୯ମ ଘରେ ବୃହସ୍ପତ୍ତି ସହ ରହିଛି । ଏହାଦ୍ବାରା ସମାଜ ଧାର୍ମିକ କାର୍ଯ୍ୟ ଆଡକୁ ବଢିବାର ସଙ୍କେତ ମିଳୁଛି । ଏହିପରି ଭାବେ ବିଶ୍ବରେ ପୁଞ୍ଜିବାଦ ସହ ସମାଜବାଦ ପୁଣି ଆଦୃତ ହେବ ।

   Related Posts