Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ପୁଣେରେ ଆରମ୍ଭ ହେଲା କରୋନା ଭ୍ୟାକସିନ୍‌ ଉତ୍ପାଦନ, ୧୦୦ କୋଟି ଡୋଜ୍ ପ୍ରସ୍ତୁତ କରିବାକୁ ଲକ୍ଷ୍ୟ

6/06/2020 at 2:55 PM

ପୁଣେ ୦୬।୦୬: କରୋନା ଭୂତାଣୁ ସଂକ୍ରମଣ ମୁକାବିଲା ମଧ୍ୟରେ ପୁଣେରେ ଭ୍ୟାକସିନ୍‌ର ଉତ୍ପାଦନ ଆରମ୍ଭ ହୋଇ ଯାଇଛି। ଅକ୍ସଫୋର୍ଡ ୟୁନିଭର୍ସିଟି ପକ୍ଷରୁ ପ୍ରସ୍ତୁତ ଭ୍ୟାକସିନ୍‌ ପାଇଁ ବ୍ରିଟିଶ-ସ୍ଵିଡିଶ୍ ଫାର୍ମାସ୍ୟୁଟିକଲ୍ସ କମ୍ପାନୀ ଆଷ୍ଟ୍ରାଜେନେକା ଭାରତ ସହ ହାତ ମିଳାଇଛି। ଆଷ୍ଟ୍ରାଜେନେକା ପୁଣେ ସ୍ଥିତ ସିରମ ଇନଷ୍ଟିଚ୍ୟୁୟଟ ସହିତ ମିଶି ଭ୍ୟାକସିନ୍‌ ପ୍ରସ୍ତୁତି ଆରମ୍ଭ କରି ଦେଇଛି। ଉଭୟ କମ୍ପାନୀ ମିଶି ୧ ଅରବ ଅର୍ଥାତ ୧୦୦ କୋଟି କରୋନା ଭ୍ୟାକସିନ୍‌ ଭାରତ ସମେତ କମ ଆୟ ବିଶିଷ୍ଟ ଦେଶକୁ ଯୋଗାଣ କରିବେ। ଏଥିରୁ ୪୦ କୋଟି ଭ୍ୟାକସିନ୍ ୨୦୨୦ ଶେଷ ଆଡକୁ ଯୋଗାଇ ଦେବାକୁ ଲକ୍ଷ୍ୟ ରଖାଯାଇଛି।

ଉଲ୍ଲେଖଯୋଗ୍ୟ, ଭ୍ୟାକସିନ୍‌ ପ୍ରସ୍ତୁତି ଦୌଡରେ ଅକ୍ସଫୋର୍ଡ ୟୁନିଭର୍ସିଟି ସର୍ବାଗ୍ରେ ରହିଛି। ଏଠାରେ ଭ୍ୟାକସିନ୍‌ର ପରୀକ୍ଷଣ ଦ୍ଵିତୀୟ ପର୍ଯ୍ୟାୟରେ ପହଞ୍ଚିଛି। ଅନ୍ୟପଟେ ପୁଣେ ସ୍ଥିତ ସିରମ ଇନଷ୍ଟିଚ୍ୟୁୟଟ୍ସ(SII) ଏଠାରେ ବିକଶିତ ହେଉଥିବା ଭ୍ୟାକସିନ୍‌ ଉପରେ କାମ କରୁଛି। ନିକଟରେ ଅକ୍ସଫୋର୍ଡ ୟୁନିଭର୍ସିଟି AZD1222ର ଦ୍ଵିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣ ଘୋଷଣା କରିଛି। ଏଥିରେ ୧୦ ହଜାର  ବରିଷ୍ଠ ବ୍ୟକ୍ତିଙ୍କୁ ସାମିଲ କରାଯିବ। ଅନେକ ଦେଶରେ ମଧ୍ୟ ଏହାର ବାକି ଟ୍ରାଏଲ ଆରମ୍ଭ ହେବାକୁ ଯାଉଛି। ବ୍ରାଜିଲ୍‌ ଅକ୍ସଫୋର୍ଡର କରୋନା ଭ୍ୟାକସିନ୍‌ର କ୍ଲିନିକଲ ଟ୍ରାଏଲକୁ ମଞ୍ଜୁରୀ ଦେଇଛି।

ବ୍ରିଟିଶ ଔଷଧ ନିର୍ମାତାକାରୀ ସଂସ୍ଥା ନୂତନ ଭ୍ୟାକସିନ୍‌ ନିର୍ମାଣ ଓ ବିତରଣରେ ସାହାଯ୍ୟ ଯୋଗାଉଥିବା ସଂସ୍ଥା ସେପି ଓ ଗଭି ସହିତ ୭୫୦ ମିଲିୟନ ଡଲାରର ରାଜିନାମା କରିବାକୁ ଯାଉଛି। ଏହାରି ମାଧ୍ୟମରେ ସମ୍ଭାବିତ ଭ୍ୟାକସିନ୍‌ର ୩୦ କୋଟି ଡୋଜ୍‌ର କ୍ରୟ ଓ ବିତରଣ କରାଯିବ। ଭ୍ୟାକସିନ୍‌ର ଯୋଗାଣ ଚଳିତ ମାସ ଶେଷ ସୁଦ୍ଧା ଆରମ୍ଭ ହୋଇପାରେ। ପୁଣେ ସ୍ଥିତ ସିରମ ଇନଷ୍ଟିଚ୍ୟୁୟଟ୍ସ(SII) ସିଇଓ ପୁନାଓ୍ଵାଲା କହିଛନ୍ତି ଆମେ ଏହି ଭ୍ୟାକସିନ୍‌କୁ ଭାରତ ସହିତ ଅନ୍ୟ କମ୍‌ ଆୟ ବିଶିଷ୍ଟ ଦେଶକୁ ଯୋଗାଇ ଦେବୁ। ଏଥିପାଇଁ ଆମେ ଆଷ୍ଟ୍ରାଜେନେକା ସହିତ ଭାଗିଦାରୀ କରି ପ୍ରସନ୍ନ ଅଛୁ। ଗତ ୫୦ ବର୍ଷରେ ଏସଆଇଆଇ ବିଶ୍ଵସ୍ତରରେ ଭ୍ୟାକସିନ୍‌ ନିର୍ମାଣ ଓ ଯୋଗାଣରେ ମହତ୍ଵପୂର୍ଣ୍ଣ କ୍ଷମତା ହାସଲ କରିଛି।

   Related Posts