Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଭିନ୍ନକ୍ଷମ ଝିଅକୁ ବିବାହ କରି ଉଦାହରଣ ସୃଷ୍ଟି କଲେ ସୁଶାନ୍ତ, ସାମାଜିକ ସୁରକ୍ଷା ଓ ଭିନ୍ନକ୍ଷମ ଶଶକ୍ତି କରଣ ବିଭାଗ ପକ୍ଷରୁ ମିଳିଲା ୨.୫ ଲକ୍ଷ

15/11/2021 at 11:48 AM

ଦାରିଙ୍ଗବାଡି,୧୫/୧୧: ସମାଜରେ ଭିନ୍ନକ୍ଷମ ବ୍ୟକ୍ତି ଅନ୍ୟମାନଙ୍କ ଭଳି ସାଧାରଣ ଜୀବନ ଯାପନ କରିବାରେ ଅନେକ ସମସ୍ୟାର ସମ୍ମୁଖୀନ ହୋଇଥାନ୍ତି । ବିଶେଷ କରି ସେମାନଙ୍କ ବୈବାହିକ କ୍ଷେତ୍ରରେ କୌଣସି ସୁବିଧା ସୁଯୋଗ ମିଳି ନଥାଏ। କିନ୍ତୁ ଏ କ୍ଷେତ୍ରରେ ସୁଶାନ୍ତ ନାୟକ ଏକ ଭିନ୍ନକ୍ଷମ ଝିଅକୁ ବିବାହ କରି ଏକ ଉଦାହରଣ ସୃଷ୍ଟି କରିପାରିଛନ୍ତି ଏବଂ ସରକାରଙ୍କ ଠାରୁ ପୁରସ୍କୃତ ମଧ୍ୟ ହୋଇଛନ୍ତି। ଓଡ଼ିଶା ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ଶଶକ୍ତିକରଣ ବିଭାଗ ପକ୍ଷରୁ ଭିନ୍ନକ୍ଷମ ପୁଅଝିଅଙ୍କ ଶିକ୍ଷା, ସ୍ୱାସ୍ଥ୍ୟର ବିକାଶ କରିବା ଓ ସାମାଜିକ ସୁରକ୍ଷା ନେଇ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନାରେ ଆର୍ଥିକ ସହାୟତା ପ୍ରଦାନ କରି ମୁଖ୍ୟ ସ୍ରୋତରେ ଆଣି ଅନ୍ୟମାନଙ୍କ ଭଳି ଜୀବନ ବଞ୍ଚିବା ପାଇଁ ଵ୍ୟଵସ୍ଥା କରାଯାଇଛି ।

ଏହି ସମସ୍ତ ସୁବିଧା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ପ୍ରଶାସନ ବିଭିନ୍ନ ସ୍ତରରେ ଯୋଗାଇ ଦେଇଆସୁଛି । ହେଲେ ବ୍ଳକରେ ପ୍ରଥମ କରି ଭିନ୍ନକ୍ଷମ ଯୁବତୀଙ୍କୁ ବିବାହ କରିଥିବା ଯୁବକଙ୍କୁ ଓଡ଼ିଶା ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ଶଶକ୍ତି କରଣ ବିଭାଗ ପକ୍ଷରୁ ଆଢ଼େଇ ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରାଯାଇଛି । ସେମାନେ ହେଲେ ଉକ୍ତ ବ୍ଳକର  ଭ୍ରମରବାଡ଼ି ଗ୍ରାମ ପଞ୍ଚାୟତ ଅନ୍ତର୍ଗତ କେରୁବାଡ଼ି ଗ୍ରାମର ପ୍ରମୋଦ କୁମାର ନାୟକ ଓ ଜେର୍ମିନାଙ୍କ ପୁଅ ସୁଶାନ୍ତ ନାୟକ । ଉକ୍ତ ବ୍ଳକର ଗଦାପୁର ଗ୍ରାମ ପଞ୍ଚାୟତ ଅନ୍ତର୍ଗତ ମାଣ୍ଡିପଙ୍କା ଗ୍ରାମର ସୁଦାମ ଉଠାଣସିଂ ଓ ଇଂରେଶାଙ୍କ ଭିନ୍ନକ୍ଷମ ଝିଅ ସସ୍ମିତା ଉଠାଣସିଂଙ୍କୁ ବିବାହ କରିଥିଲେ । ଏଥିପାଇଁ ସରକାରଙ୍କ ଯୋଜନା ପ୍ରକାରେ ଆଜି ସୁଶାନ୍ତ ନାୟକ ଓ ସସ୍ମିତା ଉଠାଣସିଂଙ୍କୁ ପ୍ରତ୍ସାହନ ଅଢେଇ ଲକ୍ଷ ଟଙ୍କାର ଚେକ ବ୍ଳକ କାର୍ଯ୍ୟାଲୟରେ ବିଡିଓ ଗଦାଧର ପାତ୍ର ପ୍ରଦାନ କରିଛନ୍ତି ।

ଏହାଫଳରେ  ଭିନ୍ନକ୍ଷମ ଯୁବତୀଙ୍କୁ ବିବାହ କରିବା ପାଇଁ ଯୁବକଙ୍କ ମଧ୍ୟରେ ଉତ୍ସାହ ପ୍ରକାଶ ପାଇବ ବୋଲି ସାଧାରଣରେ ପ୍ରକାଶ ପାଇଛି । ଏହାକୁ ସଫଳ କରିବା ପାଇଁ ବ୍ଳକ ବିଏସଏସଓ କ୍ଷେତିଶ ପ୍ରିୟଦର୍ଶି ସାହୁ, ଭିନ୍ନକ୍ଷମ ସଂଗଠନ ଜିଲ୍ଲା ସଭାପତି ଅଜୟ ମୁଠାମାଝୀ, ସଂପାଦକ ବିପିନ ଦିଗାଲ କାର୍ଯ୍ୟରେ ସହଯୋଗ କରିଥିଲେ ।

   Related Posts