Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ଦ୍ୱିତୀୟ ଦିନରେ ସ୍ମିତାରାଣୀ ଝଡରେ କମ୍ପିଲା ବିଧାନସଭା

14/11/2019 at 6:25 PM

ଭୁବନେଶ୍ୱର ୧୪।୧୧ – ଶୀତ ଅଧିବେଶନ ଦିତୀୟ ଦିନରେ ଗୃହରେ ବୋହିଥିଲା ସ୍ମିତାରାଣୀ  ଝଡ଼ । ପୂରା ପ୍ରଶ୍ନ କାଳ ଧୋଇ ଯାଇଥିଲା ବିରୋଧୀଙ୍କ ନାରାବାଜିରେ । କଂଗ୍ରେସ  ସ୍ମିତାରାଣୀଙ୍କ  ପ୍ରସଙ୍ଗରେ  ଆଣିଥିବା ମୁଲତବୀ ପ୍ରସ୍ତାବ ଆଲୋଚନା ହୋଇଥିଲା । ସେପଟେ ସିବିଆଇ ତଦନ୍ତ ଦାବିରେ କିନ୍ତୁ ଅଟଳ ଥିଲା ବିରୋଧୀ ଦଳ । ଏହାରି  ଭିତରେ ଆଲୋଚନା ପରେ ମୁଲତବୀ ପ୍ରସ୍ତାବକୁ ନାକଚ କରିଥିଲେ ବାଚସ୍ପତି ।

ସ୍ମିତାରାଣୀ ଝଡରେ ଆଜିବି ଧୋଇଗଲା ପ୍ରଶ୍ନକାଳ । ବିଧାନସଭା ଶୀତ ଅଧିବେଶନର ଦ୍ବିତୀୟ ଦିନର ପ୍ରଶ୍ନକାଳର ଦୃଶ୍ୟ ଥିଲା ଏମିତି । ଆରମ୍ଭରୁ  ଏହି ପ୍ରସଙ୍ଗରେ ବିରୋଧୀ ଆରମ୍ଭ କରିଥିଲେ ନାରାବାଜି । ବିଜେପି ସଦସ୍ୟମାନେ ପ୍ଲାକାର୍ଡ ଧରି ସିବିଆଇ ତଦନ୍ତ ଦାବି କରିଥିଲେ । ଆଉ କଂଗ୍ରେସ ବିଧାୟକମାନେ ସମାନ ପ୍ରସଙ୍ଗରେ ଆଲୋଚନା ଦାବି କରି ହୋହଲ୍ଲା କରିଥିଲେ । ୧୨ଟା ୩୯ରେ କଂଗ୍ରେସ ଆଣିଥିବା ମୁଲତବୀ ପ୍ରସ୍ତାବ ଉପରେ ଆଲୋଚନା ହୋଇଥିଲା। କଂଗ୍ରେସ ପ୍ରଶ୍ନ କରିଥିଲା  ଘଟଣାରେ ଗିରଫ ହୋଇଥିବା ରୁପେଶ ଭଦ୍ରା ପଛରେ କାହାର ହାତ । ସେ କୋଟି କୋଟି ଟଙ୍କାର ମାଲିକ ହେଲେ କେମିତି ।

 ରଙ୍ଗଶାଳା ଗେଷ୍ଟ ହାଉସରେ ସେକ୍ସ ରାକେଟ ଚାଲିଥିଲା, ଏଥିରେ କିଏ ସଂପୃକ୍ତ। ସରକାର ଜାଣିଶୁଣି ମାମଲାକୁ ଚପେଇବାକୁ ତେଷ୍ଟା କରୁଛନ୍ତି । ପୋଷ୍ଟ ମର୍ଟମ ରିପୋର୍ଟକୁ ତଦନ୍ତ ପରିସର କରିବାକୁ ଦାବି ରଖିଥିଲେ । ଆଲୋଚନା ବେଳେ ସେମିତି ପ୍ଲାକଡ ଧରି ସିବିଆଇ ତଦନ୍ତ ଦାବିରେ ନାରାବାଜି ଜାରି ରଖି ଥିଲେ ବିଜେପି ବିଧାୟକ ।

ନାରାବାଜି ଭିତରେ ଉତ୍ତର ରଖିଥିଲେ ଗୃହରାଷ୍ଟ୍ରମନ୍ତ୍ରୀ  କ୍ୟାପଟେନ ଦିବ୍ୟଶଙ୍କର ମିଶ୍ର। ସ୍ମିତାରାଣୀଙ୍କ ମୃତଦେହ ଗେଷ୍ଟ ହାଉସରେ ଝୁଲନ୍ତା ଅବସ୍ଥାରେ ମିଳିଥିଲା । ତାଙ୍କ ବାପାଙ୍କ ଏତଲା ଅନୁସାରେ ଅପମୃତ୍ୟୁ ମାମଲା ହୋଇଛି । ତଦନ୍ତ ଆଧାରରେ ରୁପେଶ ଭଦ୍ରାଙ୍କୁ ଦୋଷୀ ଭାବେ ଗିରଫ କରାଯାଇ କୋର୍ଟ ଚାଳଣ ହୋଇଛି । ସେ ଏବେ ଜେଲରେ ଅଛନ୍ତି । ସେପଟେ ବିଜେଡି କହିଛି ସରକାର କୈଣସି ପ୍ରସଙ୍ଗରେ ଆଲୋଚନା କରିବାକୁ ପଛଘୁଞ୍ଚା ଦେଇ ନାହାନ୍ତି । ବିରୋଧୀ ଦଳ ପାଖରେ ତଥ୍ୟ ଥିଲେ କୋର୍ଟକୁ ଦିଅନ୍ତୁ । ଟିକିରି ଇତିଶ୍ରୀ ମୃତ୍ୟୁ ପ୍ରସଙ୍ଗରେ  ସିବିଆଇ ତଦନ୍ତ କରୁଥିଲା କଣ ହେଲା ବୋଲି ପାଲଟା ପ୍ରଶ୍ନ ଆଣିଛି ବିଜେଡି ।

ମନ୍ତ୍ରୀ ସ୍ପଷ୍ଟ କଲେ ସ୍ମିତାରାଣୀ ଆତ୍ମ ହତ୍ୟା କରିଛନ୍ତି। ହେଲେ ସ୍ମିତାରାଣୀ କାହିଁକି ଆତ୍ମହତ୍ୟା କରିଥିଲେ ସେଦିନ ଗେଷ୍ଟ ହାଉସରେ କଣ କଣ ଘଟିଥିଲା ତାହା ଗୃହର ୧ ଘଣ୍ଟା ୪୦ ମିନିଟର ଆଲୋଚନାରେ ବାହାରିଲାନି । ସରକାର ଏସାଇଟି କି ସିବିଆଇ ତଦନ୍ତ କଥା ନଖିବାରୁ କଂଗ୍ରେସ କକ୍ଷ ତ୍ୟାଗ କରିଥିଲେ ।

   Related Posts