Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ମିଜୋରାମ ସୀମାରେ ୪ ହଜାର ସୈନ୍ୟ ମୁତୟନ କରିବ ଆସାମ, କେନ୍ଦ୍ର ଗୃହ ସଚିବ ଡାକିଲେ ମୁଖ୍ୟ ସଚିବ ଓ ଡିଜିପିଙ୍କ ବୈଠକ

28/07/2021 at 5:09 PM

ନୂଆଦିଲ୍ଲୀ ୨୮।୭: ଆସାମ ଏବଂ ମିଜୋରାମ ମଧ୍ୟରେ ସୀମା ବିବାଦକୁ ନେଇ ହୋଇଥିବା ରକ୍ତାକ୍ତ ସଂଘର୍ଷ ପରେ ମଧ୍ୟ ପରିସ୍ଥିତି ସ୍ବାଭାବିକ ନୁହେଁ।  ଦୁଇ ରାଜ୍ୟ ମଧ୍ୟରେ ସୀମାରେ ଏବେ ବି ଉତ୍ତେଜନା ଲାଗି ରହିଛି।  ଏହି ସମୟରେ ଆସାମ ସରକାର ମିଜୋରାମ ସୀମାରେ ୪ ହଜାର ସୈନ୍ୟ ମୁତୟନ କରିବାକୁ ନିଷ୍ପତ୍ତି ନେଇଛନ୍ତି।  ଏହା ବ୍ୟତୀତ କେନ୍ଦ୍ର ସରକାରଙ୍କ ପକ୍ଷରୁ ଦୁଇ ରାଜ୍ୟ ମଧ୍ୟରେ ତିକ୍ତତାକୁ ଦୂର କରିବା ପାଇଁ ଉଦ୍ୟମ ଆରମ୍ଭ କରିଛନ୍ତି।  କେନ୍ଦ୍ର ଗୃହ ସଚିବ ଅଜୟ କୁମାର ଭଲ୍ଲା ବୁଧବାର ଦିନ ଆସାମ ଏବଂ ମିଜୋରାମର ମୁଖ୍ୟ ସଚିବ ଏବଂ ଡିଜିପିମାନଙ୍କର ବୈଠକ ଡାକିଛନ୍ତି।  ଏହି ବୈଠକରେ ଦୁଇ ରାଜ୍ୟ ମଧ୍ୟରେ ଶାନ୍ତି ପାଇଁ ସୂତ୍ର ଖୋଜିବା ଉପରେ ଆଲୋଚନା ହେବ।

ମଙ୍ଗଳବାର ସଂସଦରେ ଦିଆଯାଇଥିବା ବିବୃତ୍ତିରେ ଗୃହ ମନ୍ତ୍ରଣାଳୟ ପକ୍ଷରୁ ଏହି ବିବାଦକୁ ନେଇ କୁହାଯାଇଛି ଯେ, ରାଜ୍ୟ ମଧ୍ୟରେ ମତଭେଦ ଆଲୋଚନା ଏବଂ ପାରସ୍ପରିକ ସହଯୋଗ ଦ୍ବାରା ସମାଧାନ ହୋଇପାରିବ।  କେନ୍ଦ୍ର ସରକାର ଏହି ବିବାଦର ସମାଧାନ କରିବା ପାଇଁ ଜଣେ ଅଧ୍ୟସ୍ତି ଭାବରେ ନିଜ ଭୂମିକା ଗ୍ରହଣ କରିପାରନ୍ତି।  ଆସାମ ମୁଖ୍ୟମନ୍ତ୍ରୀ ହିମନ୍ତା ବିଶ୍ବ ସରମା କହିଛନ୍ତି ଯେ, ସେ ଇନର୍ ଲାଇନ୍ ବନ ସଂରକ୍ଷଣରେ ହୋଇଥିବା ଅତିକ୍ରମକୁ ବିରୋଧ କରି ସୁପ୍ରିମକୋର୍ଟକୁ ଯିବେ ।  ଏହା ବ୍ୟତୀତ ମିଜୋରାମ ସୀମାରେ ୪ ହଜାର ସୁରକ୍ଷାକର୍ମୀ ନିୟୋଜିତ ହେବେ।  କେବଳ ଏତିକି ନୁହେଁ ହିମନ୍ତା ବିଶ୍ବ ସରମା କହିଛନ୍ତି ଯେ, ଆସାମର ଏକ ଇଞ୍ଚ ଜମି ମଧ୍ୟ ପଡୋଶୀ ରାଜ୍ୟ ଦ୍ବାରା ଅତିକ୍ରମ କରିବାକୁ ଦେବେ ନାହିଁ।

ଆସାମ ମୁଖ୍ୟମନ୍ତ୍ରୀ କହିଛନ୍ତି, ସାଟେଲାଇଟ୍ ଚିତ୍ରରୁ ଜଣାପଡିଛି ଯେ ଝୁମ୍ ଚାଷ ​​ପାଇଁ ରାସ୍ତା ନିର୍ମାଣ କରାଯାଉଛି ଏବଂ ଜଙ୍ଗଲ ସଫା କରାଯାଇଛି।  ସୀମା ଆଖପାଖରେ ଏହି କାମ କରାଯାଉଛି । ଯାହାକୁ ଅନୁମତି ଦିଆଯାଇପାରିବ ନାହିଁ । ଆମେ ସୁପ୍ରିମକୋର୍ଟକୁ ଯିବୁ ଫଳରେ ଜଙ୍ଗଲ ସୁରକ୍ଷିତ ହୋଇପାରିବ।  ଏହା ବ୍ୟତୀତ ଆମେ ୪ ହଜାର କମାଣ୍ଡୋ ମଧ୍ୟ ନିୟୋଜିତ କରିବୁ । ଅନ୍ୟପଟେ CRPF ସୂତ୍ରରୁ ଜଣାପଡିଛି ଯେ, ହିଂସା ପ୍ରଭାବିତ ଅଞ୍ଚଳରେ ଶାନ୍ତି ପ୍ରତିଷ୍ଠା ପାଇଁ ଉଦ୍ୟମ ଚାଲିଛି।  ମଙ୍ଗଳବାର ଦିନ CRPF ଡିଜି କୁଲଦୀପ ସିଂହ ବରିଷ୍ଠ ଅଧିକାରୀଙ୍କ ଏକ ବୈଠକ ଡାକିଥିଲେ ଯେଉଁଥିରେ ହିଂସା ଥିବା ଅଞ୍ଚଳରେ ଶାନ୍ତି ସ୍ଥାପନ ପାଇଁ ଆଲୋଚନା ହୋଇଥିଲା।

   Related Posts