ଗୌହାଟୀ ୨୧।୧୧: ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କ ସ୍ୱାସ୍ଥ୍ୟାବସ୍ଥା ଶନିବାର ଗୁରୁତର ହୋଇପଡିଛି। ତାଙ୍କୁ ଗୌହାଟୀ ମେଡିକାଲ କଲେଜ ଓ ହସ୍ପିଟାଲରେ ରଖି ଚିକିତ୍ସା କରାଯାଉଛି। ତାଙ୍କୁ ଏବେ ମେକାନିକାଲ ଭେଣ୍ଟିଲେଟରରେ ରଖାଯାଇଥିବା ହସ୍ପିଟାଲ ସୁପରିଣ୍ଟେଣ୍ଡେଣ୍ଟ ଡା.ଅଭିଜିତ ଶର୍ମା କହିଛନ୍ତି।

{"id":365596,"sizeSlug":"large"}

ସନ୍ଧ୍ୟାରେ ସ୍ୱାସ୍ଥ୍ୟାବସ୍ଥା ବିଗିଡିବାରୁ ତାଙ୍କୁ ପ୍ରଥମେ ଇନୋଟ୍ରୋପିକ ସପୋର୍ଟରେ ରଖାଯାଇଥିଲା। ହେଲେ ତାହା ଯଥେଷ୍ଟ ନ ହେବାରୁ ତାଙ୍କୁ ମେକାନିକାଲ ଭେଣ୍ଟିଲେଟରକୁ ସ୍ଥାନାନ୍ତରଣ କରିବାକୁ ପଡିଥିଲା। ୮୬ ବର୍ଷ ବୟସ୍କ ଗୋଗୋଇ  ୨ ମାସ ପୂର୍ବେ କୋଭିଡ ଚିହ୍ନଟ ହୋଇଥିଲେ।  ତେବେ ଗତ ୨ ତାରିଖ ଦିନ ସେ ଅସହଜ ଅନୁଭବ କରିବାରୁ ତାଙ୍କୁ ଗୌହାଟୀ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା। 

{"id":365597,"width":576,"height":338,"sizeSlug":"large"}

ଶନିବାର ମଧ୍ୟାହ୍ନରେ ସେ ନିଶ୍ୱାସପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲେ। ଏଣୁ ଡାକ୍ତରମାନେ ତାଙ୍କୁ ତୁରନ୍ତ ଇନୋଟ୍ରୋପିକ ସପୋର୍ଟକୁ ନେଇଥିଲେ। ଏବେ ଗୋଗୋଇ ସମ୍ପୂର୍ଣ୍ଣ ଅଚେତ ଅଛନ୍ତି ଓ ତାଙ୍କ ଶରୀରର କେତେକ ଅଙ୍ଗ ଅଚଳ ହୋଇଯାଇଥିବାର ଡାକ୍ତର ଆଶଙ୍କା କରୁଛନ୍ତି। ଔଷଧ ଏବଂ ଅନ୍ୟ ଉପାୟରେ ତାଙ୍କର ଅଙ୍ଗଗୁଡିକୁ ପୁଣି ସଚଳ କରିବାକୁ ଡାକ୍ତର ଉଦ୍ୟମ ଜାରି ରଖିଛନ୍ତି। ବରିଷ୍ଠ କଂଗ୍ରେସ ନେତା ଗୋଗୋଇ ୩ ଥର ରାଜ୍ୟର ମୁଖ୍ୟମନ୍ତ୍ରୀ ଅବସ୍ଥାପିତ ଥିଲେ। କରୋନା ସଂକ୍ରମଣରୁ ମୁକ୍ତ ହେବା ପରେ ତାଙ୍କୁ ଗତ ଅକ୍ଟୋବର ୨୫ ତାରିଖରେ ହସ୍ପିଟାଲରୁ ଛୁଟି ଦିଆଯାଇଥିଲା।