Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଆସାମର ମହିଳା ଡାକ୍ତର କୋରନାର ୨ଟି ଭାରିଏଣ୍ଟରେ ଆକ୍ରାନ୍ତ, ନିର୍ଦ୍ଧିଷ୍ଟ ସମୟରେ ନେଇଥିଲେ ୨ ଡୋଜ୍ ଟିକା

21/07/2021 at 6:59 PM

ଦିବ୍ରୁଗଡ ୨୧।୭: ଆସାମର ଦିବ୍ରୁଗଡ଼ରେ ଜନୈକ ମହିଳା ଡାକ୍ତର କରୋନାର ୨ଟି ପ୍ରକାର ଡେଲ୍ଟା ଓ ଆଲଫାରେ ଆକ୍ରାନ୍ତ ହୋଇଛନ୍ତି। ରିଜିଓନାଲ ମେଡିକାଲ ରିସର୍ଚ୍ଚ ସେଣ୍ଟର ଦିବ୍ରୁଗଡର ବରିଷ୍ଠ ବୈଜ୍ଞାନିକ ଡା.ବି.ଜେ ବୋରକାକୋଟି ଏହି ସୂଚନା ଦେଇଛନ୍ତି। ତେବେ ସବୁଠାରୁ ଯାହା ବଡ଼ କଥା ତାହା ହେଉଛି ମହିଳା ଡାକ୍ତର ନିୟମିତ ସମୟ ବ୍ୟବଧାନରେ କରୋନା ନିରୋଧୀ ଟିକାର ୨ଟି ଜାକ ଡୋଜ ନେଇସାରିଥିଲେ।

ତେବେ ଡା.ବୋରକାକୋଟି କହିଛନ୍ତି ଯେ ଏପରି ଡବଲ ସଂକ୍ରମଣ କୌଣସି ମୋନୋ ସଂକ୍ରମଣ ସହ ସମାନ। ଏପରି ନୁହେଁ କି କେହି ଦୋହରା ସଂକ୍ରମଣର ଶିକାର ହେଲେ ଅସୁସ୍ଥ ଗୁରୁତର ହୋଇପଡିବେ। ଆମେ ଏହି ମାମଲା ଉପରେ ଗତ ୧ ମାସ ହେଲା ନଜର ରଖି ରହିଛୁ। ସଂକ୍ରମିତ ବିଲକୁଲ ସୁସ୍ଥ ଅଛନ୍ତି ତାଙ୍କଠାରେ ଚିନ୍ତାଜନକ କିଛି ଲକ୍ଷଣ ଏପର୍ଯ୍ୟନ୍ତ ଦେଖାଯାଇ ନାହିଁ ବୋଲି ସେ କହିଛନ୍ତି।

ତେବେ କେବଳ ଭାରତରେ ନୁହେଁ ଅତୀତରେ ବ୍ରିଟେନ, ବ୍ରାଜିଲ ଓ ପର୍ତ୍ତୃଗାଲରେ ମଧ୍ୟ ଏପରି ସଂକ୍ରମଣର ମାମଲା ମିଳିଛି। ଏପରି ସଂକ୍ରମଣ ସେତେବେଳେ ହୋଇଥାଏ ଯେତେବେଳେ କୌଣସି ବ୍ୟକ୍ତିଙ୍କୁ ଏକ ସାଙ୍ଗରେ ଅଥବା ଖୁବ୍ କମ ବ୍ୟଧାନରେ ଭୂତାଣୁ ଦ୍ୱାରା ଆକ୍ରାନ୍ତ ହୁଅନ୍ତି। କେହି ସଂକ୍ରମିତ ହେଲେ ଆଣ୍ଟିବଡି ତିଆରି ଲାଗି ଶରୀରକୁ ୨ରୁ ୩ ଦିନ ସମୟ ଲାଗିଥାଏ। ଏହି ସମୟ ମଧ୍ୟରେ କେହି ପୁଣି ଥରେ ମଧ୍ୟ ସଂକ୍ରମିତ ହୋଇପାରନ୍ତି ବୋଲି ସେ କହିଛନ୍ତି।

ଏଥିରେ ମହିଳା ଡାକ୍ତରଙ୍କ ସ୍ୱାମୀ ଆଲଫା ଭାରିଏଣ୍ଟ ଦ୍ୱାରା ସଂକ୍ରମିତ ହୋଇଥିଲେ। ଏଣୁ ଏପରି ସ୍ଥଳେ କେହି ଦୋହରା ସଂକ୍ରମଣର ଶିକାର ହେବା ସାଧାରଣ କଥା ବୋଲି ଦିଲ୍ଲୀ ସିଏସଆଇଆର-ଆଇଜିବିଆଇଙ୍କ ନିର୍ଦ୍ଦେଶକ ଡା. ଅନୁରାଗ ଅଗରୱାଲ କହିଛନ୍ତି। ଗତ ଫେବୃଆରୀ- ମାର୍ଚ୍ଚ ମାସରେ ଆସାମାରେ ଆଲଫା ଭାରିଏଣ୍ଟର ସଂକ୍ରମଣ ହେଉଥିଲା। ତେବେ ଏପ୍ରିଲରେ ବିଧାନସଭା ନିର୍ବାଚନ ପରେ ପରେ ରାଜ୍ୟରେ  ଡେଲ୍ଟା ଭାରିଏଣ୍ଟର ସଂକ୍ରମଣ ଆରମ୍ଭ ହୋଇଯାଇଥିଲା। ସେବେଠାରୁ ପୂର୍ବୋତ୍ତରରେ କରୋନା ଭାଇରସ ମହାମାରୀର ସଂକ୍ରମଣ ହାର ବଢିକି ରହିଛି।  

   Related Posts