Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଫ୍ୟାନରେ ରାଶି ଲଗାଇ ଟିଭି ଅଭିନେତା ରାହୁଲ ଦୀକ୍ଷିତଙ୍କ ଆତ୍ମହତ୍ୟା

31/01/2019 at 5:11 PM

ମୁମ୍ବାଇ ୩୧/୧ : ଟିଭି କଳାକାର ରାହୁଲ ରାଶି ଲଗାଇ ଆତ୍ମହତ୍ୟା କରିଛନ୍ତି | ଗତକାଲି ସକାଳେ ରାହୁଲ ଆତ୍ମହତ୍ୟା କରିଥିଲେ | ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ କରୁଛି | ପୋଲିସକୁ ଘଟଣାସ୍ଥଳରେ କୌଣସି ସୂଈସାଇଡ ନୋଟ ମିଳିନଥିଲା |


ସୂଚନାଯୋଗ୍ୟ ଯେ, ଷ୍ଟ୍ରଗଲିଙ୍ଗ ଆକ୍ଟର ରାହୁଲ ଅଭିନୟ କରିବା ପାଇଁ ଜୟପୁରରୁ ମୁମ୍ବାଇ ଆସିଥିଲେ | ସେ ଯମୁନା ନଗର ସ୍ଥିତ ଓସିବାରାରେ ରହୁଥିଲେ | ସେ କେତେକେ ଟିଭି ସିରିଏଲରେ ଛୋଟ ମୋଟା ଭୂମିକାରେ ଅଭିନୟ କରିଥିଲେ | ତାଙ୍କୁ ଏବେ ଯାଇଁ ବଡ ବ୍ରେକ ମିଳିନଥିଲା | ରାହୁଲ ରହୁଥିବା ଓସିବାରାରେ ନିଜ ରୁମର ଫ୍ୟାନରେ ରାଶି ଲଗାଇ ଆତ୍ମହତ୍ୟା କରିଥିଲେ | ରାହୁଲଙ୍କ ସହିତ ତାଙ୍କର ଜଣେ ମହିଳା ବନ୍ଧୁ ମଧ୍ୟ ରହୁଥିଲେ | ସେ ଭୋର ୪ଟା ରେ ଉଠି ଦେଖିଥିଲେ ଯେ, ରାହୁଲଙ୍କ ମୃତଦେହ ପଙ୍ଖାରେ ଝୁଲୁଛି | ସେ ତାଙ୍କର ଆଉ କିଛି ବନ୍ଧୁଙ୍କ ସହାୟତାରେ ରାହୁଲଙ୍କୁ ହସ୍ପିଟାଲକୁ ନେଇ ଯାଇଥିଲେ କିନ୍ତୁ ଡାକ୍ତର ତାଙ୍କୁ ମୃତ ଘୋସମା କରିଥିଲେ |


ରାହୁଲଙ୍କ ଫେସବୁକ ପେଜରୁ ପୋଲିସ ଜାଣିବାକୁ ପାଇଥିଲା ଯେ, ୨୯ ତାରିଖ ରାତିରେ ରାହୁଲ ରହୁଥିବା ଘରେ ପାର୍ଟି ଥିଲା | ତେବେ ପାର୍ଟି ପରେ କ’ଣ ହେଲା ସେ କାହିଁକି ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହୋଇପାରିନାହିଁ |


ରାହୁଲଙ୍କ ବାପା ମହେଶ ଦୀକ୍ଷିତ ଫେସବୁକରେ ପୁଅର ମୃତ୍ୟୁକୁ ନେଇ ଏକ ପୋଷ୍ଟ କରିଛନ୍ତି | ରୁପାଲୀ କଶ୍ୟପ ନାମକ ଜଣେ ମହିଳାଙ୍କୁ ସେ ରାହୁଲଙ୍କ ଆତ୍ମହତ୍ୟା ପାଇଁ ଦାୟୀ କରିଛନ୍ତି | ରାହୁଲଙ୍କ ବାପା ରାହୁଲ ଆତ୍ମହତ୍ୟା କରିଥିବା ଘଟଣା ଅସ୍ବୀକାର କରିଛନ୍ତି | ସେ କହିଛନ୍ତି ଯେ, ତାଙ୍କ ପୁଅକୁ ହତ୍ୟା କରିଦିଆଯାଇଛି |

   Related Posts