Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ଟିକେଟ କଟିବା ପରେ କ୍ଷୋଭ ପ୍ରକାଶ କଲେ ଆସିକା ବିଧାୟକ ଦେବରାଜ ମହାନ୍ତି, କହିଲେ ବିଜେଡି ପାଇଁ କରିବିନି ପ୍ରଚାର

19/03/2019 at 2:41 PM

ଭୁବନେଶ୍ବର ୧୯/୩ : ଟିକେଟ କଟିଥିବା ଆସ୍କା ବିଧାୟକ ଦେବରାଜ ମହାନ୍ତି ଭୀଷଣ ଅସନ୍ତୋଷ ପ୍ରକାଶ କରିଛନ୍ତି | ଦେବରାଜଙ୍କ ଭୁବନେଶ୍ୱର ସ୍ଥିତ ସରକାରୀ ବାସଭବନରେ ଆସିକା ଅଂଚଳର ସରପଞ୍ଚ ସମିତି ସଭ୍ୟ ଓ କର୍ମୀଙ୍କ ମେଳି କରିଛନ୍ତି | କର୍ମୀ ଓ ସ୍ଥାନୀୟ ନେତାମାନେ ବିଧାୟକଙ୍କ ଟିକେଟ କଟିବା ନେଇ କ୍ଷୋଭ ପ୍ରକାଶ କରିଛନ୍ତି |


ଅପରପକ୍ଷରେ ଟିକେଟ କଟିବା ନେଇ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି ଦେବରାଜ ମହାନ୍ତି | ଦଳ ପାଇଁ ଶତ ପ୍ରତିଶତ କାମ କରି ଆସୁଥିଲେ ବୋଲି କହିଛନ୍ତି | ସେ କହିଛନ୍ତି ଯେ, ଟିକେଟ ପାଇବି ବୋଲି ସେ ବେଶ ଆଶାବାଦୀ ଥିଲେ | ଟିକେଟ ମିଳିବ ବୋଲି ଦଳୀୟ ନେତୃତ୍ୱ କହିଥିଲେ | କିନ୍ତୁ ଶେଷରେ ଆଶ୍ଚର୍ଯ୍ୟଜନକ ଭାବେ ଟିକେଟ କାଟିଦେଲେ ବୋଲି କ୍ଷୋଭର ସହିତ କହିଛନ୍ତି | ଟିକେଟ ପାଇବା ପାଇଁ ସେ କୌଣସି କ୍ଷେତ୍ରରେ ଅଯୋଗ୍ୟ ନୁହନ୍ତି ବୋଲି ଦେବରାଜ କହିଛନ୍ତି | ଟିକେଟ ନମିଳିବା ଯୋଗୁଁ ତାଙ୍କର କର୍ମୀମାନେ ଅସନ୍ତୁଷ୍ଟ ଅଛନ୍ତି | ସେ ବିଜେଡି ଛାଡି ଅନ୍ୟ କୌଣସି ଦଳକୁ ଯିବେ କି ନାହିଁ ସିଧାସଳଖ ସ୍ପଷ୍ଟ କରି ନାହାନ୍ତି | ତେବେ ସେ କହିଛନ୍ତି ଯେ, ବହୁ ପ୍ରସ୍ତାବ ଆସୁଛି, ହେଲେ ମୋତ କୁଆଡେ ଯିବାର ନାହିଁ | ବିଜେଡି ପାଇଁ ମୁଁ ପ୍ରଚାର ବି କରିବିନି | ମୋ ବିବେକ ମୋତେ ବାଧା ଦେବ ବୋଲି କହିଛନ୍ତି |

   Related Posts