କଟକ,୧୪|୦୯: ଓଡିଶା ଅଲିମ୍ପିକ ଆସୋସିଏସନର ପୂର୍ବତନ ସମ୍ପାଦକ ଆଶୀର୍ବାଦ ଵେହେରାଙ୍କ ପାଇଁ ଆଶ୍ଵସ୍ତିକର ଖବର । ତାଙ୍କ ବିରୋଧରେ ହେଉଥିବା ସି ବି ଆଇ ତଦନ୍ତ ବନ୍ଦ କରିବା ଲାଗି ସର୍ଵୋଚ୍ଚ ନ୍ୟାୟାଳୟ କହିଛନ୍ତି ।
ଗତ ଶୁକ୍ରବାର ସିବିଆଇ ଏ ସକ୍ରାନ୍ତରେ ରିପୋର୍ଟ ଦାଖଲ କରିଥଲା । ଯେଉଁଥିରେ ଉଲ୍ଲେଖ ରହିଥିଲା ଯେ, ଓଡ଼ିଆ ଅଲିମ୍ପିକ ଆସୋସିଏସନ ଜମି ଜବରଦଖଲ କିମ୍ବା ସେଠାରେ ବେଆଇନ ନିର୍ମାଣ ଅବା ତାକୁ ନେଇ ଆର୍ଥିକ ଅନିୟମିତତାର ମାମଲାର ତଦନ୍ତ ହେଉଥିଲା ।
ଯେଉଁ ଅଭିଯୋଗ ଆଧାରରେ ସିବିଆଇ ତଦନ୍ତ ହେଉଥିଲା ସେଥିରେ ଆଶୀର୍ବାଦଙ୍କର କୌଣସି ଅପରାଧୀକ ପୃଷ୍ଠଭୁମୀ ଥିବା ନେଇ ଯୋଗ୍ୟ ପ୍ରମାଣ ମିଳିନାହିଁ । ତେଣୁ ତଦନ୍ତ ବନ୍ଦ କରିବା ପାଇଁ ସିବିଆଇ ରିପୋର୍ଟରେ ଦର୍ଶାଇବା ପରେ ସୁପ୍ରିମକୋର୍ଟ ତାକୁ ମଞ୍ଜୁର କରିଛନ୍ତି ।