Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଆଫଗାନିସ୍ତାନରେ ତାଲିବାନର ବର୍ବରତା : ୪୩ ଜଣଙ୍କୁ ହତ୍ୟା, କନ୍ଧାରରେ ଚାଲିଲା ସଂଗ୍ରାମ

26/07/2021 at 11:40 AM

କାବୁଲ ୨୬/୭: ଆଫଗାନିସ୍ତାନର ୯୦ ପ୍ରତିଶତ ଅଞ୍ଚଳ ନିଜ ଦଖଲକୁ ନେଇଥିବା ଦାବି କରୁଥିବା ତାଲିବାନ ଏବେ ଖେଳୁଛି ରକ୍ତର ହୋଲି । ସ୍ଥାନୀୟ ଲୋକଙ୍କ କହିବାନୁସାରେ, ଗଜନୀରେ ତାଲିବାନ ଆତଙ୍କବାଦୀମାନେ ୪୩ ଜଣଙ୍କୁ ହତ୍ୟା କରିଛନ୍ତି । ଏଥିମଧ୍ୟରେ ସୁରକ୍ଷା ବାହିନୀ ଏବଂ ସାଧାରଣ ନାଗରିକ ରହିଛନ୍ତି । ତାଲିବାନର ଏକ ଭୟଙ୍କର ଆକ୍ରମଣରେ ଭୟଭୀତ ହୋଇପଡିଛନ୍ତି ହଜାର ହଜାର ଲୋକ ।

ଏପରିକି ସାଧାରଣ ନାଗରିକ ନିଜ ଘର ଛାଡି କାବୁଲକୁ ଯିବାରେ ଲାଗିଛନ୍ତି । ଯାହା ବର୍ତ୍ତମାନ ସରକାରୀ ସେନା ଦ୍ୱାରା ନିୟନ୍ତ୍ରିତ ରହିଛି । ତାଲିବାନର ଧମକକୁ ଦୃଷ୍ଟିରେ ରଖି ଆଫଗାନିସ୍ତାନ ସରକାର ଅନେକ ଅନେକ ଅଞ୍ଚଳରେ ନାଇଟ କର୍ଫ୍ୟୁ ଲଗାଯାଇଛି । ଗଜନୀରୁ କାବୁଲକୁ ଆସିଥିବା ଜଣେ ବ୍ୟକ୍ତି କହିଛନ୍ତି ଯେ ତାଙ୍କ ଦୁଇ ପୁଅ ତାଲିବାନ ଗୁଳିର ଶିକାର ହୋଇଛନ୍ତି । ଏହି ଲୋକମାନେ ସରକାରୀ କର୍ମଚାରୀ କିମ୍ବା ସୁରକ୍ଷା କର୍ମୀ ନଥିଲେ ।

ଗଜନୀ ଭିତ୍ତିକ ନାଗରିକ ସମାଜ କାର୍ଯ୍ୟକର୍ତ୍ତା ମୀନା ନାଡେରୀ କହିଛନ୍ତି, “ତାଲିବାନ ଆତଙ୍କବାଦୀମାନେ ମାଲିସ୍ତାନ ଜିଲ୍ଲାରେ ଅବାଧ ପ୍ରବେଶ କରି ଯୁଦ୍ଧ ଅପରାଧ କରିଛନ୍ତି । ଯେଉଁମାନେ ଯୁଦ୍ଧରେ ସାମିଲ ନଥିଲେ ସେଇ ଲୋକଙ୍କୁ ହତ୍ୟା କରିଛନ୍ତି । ଏପରିକି ତାଲିବାନୀମାନେ ଲୋକଙ୍କ ଘରେ ପଶି ଆକ୍ରମଣ କରିବା ସହ ଲୁଟ୍ ମଧ୍ୟ କରିଛନ୍ତି । ଏତିକିରେ ସରିନଥିଲା ସେମାନଙ୍କ ବର୍ବରତା । ଘର ବି ଜାଳି ଦେବାକୁ ପଛାଇନାହାଁନ୍ତି ।

ମୀନା କହିଛନ୍ତି ଯେ ତାଲିବାନ ମାଲିସ୍ତାନ ଜିଲ୍ଲାର ମଧ୍ୟଭାଗରେ ଥିବା ଦୋକାନଗୁଡ଼ିକୁ ନଷ୍ଟ କରି ଲୁଟ୍ କରିଛି । ସେପଟେ ତାଲିବାନ ଏହି ଦାବିକୁ ଗ୍ରହଣ କରିଛି । ତାଲିବାନ ପକ୍ଷରୁ କୁହାଯାଇଛି ଏହି ଯୁକ୍ତି ଭିତ୍ତିହୀନ । ଏହି ସମୟ ମଧ୍ୟରେ କାନ୍ଦାହାରରେ ତାଲିବାନ ଏବଂ ଆଫଗାନିସ୍ତାନ ସେନା ମଧ୍ୟରେ ସଂଘର୍ଷପୂର୍ଣ୍ଣ ସାଧାରଣ ନାଗରିକମାନେ ଆସିଛନ୍ତି । ଏହାକୁ ଦୃଷ୍ଟିରେ ରଖି ୨୨ ହଜାର ଆଫଗାନିସ୍ତାନ ପରିବାର ପଳାୟନ କରିଛନ୍ତି । କାନ୍ଦାହାର ଏକଦା ତାଲିବାନର ଏକ ଗଡ଼ ହୋଇଆସୁଛି ଏବଂ ତାଲିବାନ ଏହାକୁ କାବୁ କରିବା ପାଇଁ ନିଜର ସମ୍ପୂର୍ଣ୍ଣ ଶକ୍ତି ରଖିଛି ।

   Related Posts