Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଜାଗର ପାଇଁ କଟକଣା, ମନ୍ଦିର ଭିତରେ ଓ ବାହାରେ ହେବନି ଗହଳି, ମେଳା ଉପରେ ଲାଗିଲା ରୋକ୍
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୫୭ କୋଭିଡ୍ ପଜିଟିଭ୍, ୩୩୭୮୬୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଉଦଳା : କୂଅ ଭିତରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର, ୫ ତାରିଖରୁ ଥିଲେ ନିଖୋଜ
  • ||
  • ସମ୍ବଲପୁର : ବନ କର୍ମଚାରୀଙ୍କ ଛୁଟି ଉପରେ କଟକଣା, ଅତି ଜରୁରୀ କାମ ନଥିଲେ ନେଇପାରିବେନି ଛୁଟି
  • ||
  • ସୁନ୍ଦରଗଡ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ପାରାଦୀପ : ପଶ୍ଚିମବଙ୍ଗରେ ମହିଳାଙ୍କୁ ଦୁଷ୍କର୍ମ ପରେ କରିଥିଲା ହତ୍ୟା, ପାରାଦୀପରୁ ହେଲା ଗିରଫ
  • ||
  • ଜାଗର ପ୍ରସ୍ତୁତି : ବାବା ଆଖଣ୍ଡଳମଣିଙ୍କ ପୀଠରେ ଲାଗିଲା କଟକଣା, ମାର୍ଚ୍ଚ ୧୦ରୁ ୨ଦିନ ଯାଏଁ ୧୪୪ ଧାରା
  • ||

ଏସିଆ କପ : ଆଜିଠୁ ସୁପର ୪ ମ୍ୟାଚ,ଭାରତ ଓ ବାଂଲାଦେଶ ମୁକାବିଲା

21/09/2018 at 1:48 PM

ଏସିଆ କପ ଗ୍ରୁପ ମ୍ୟାଚ ସରିବା ପରେ ଆଜିଠାରୁ ସୁପର-୪ ମ୍ୟାଚ ଆରମ୍ଭ ହୋଇଛି | ଆଜି ସୁପର-୪ ଶୃଙ୍ଖଳାର ଭାରତ-ବାଂଲାଦେଶ ମଧ୍ୟରେ ମୁକାବିଲା ହେବ | ଦୁବାଇ ଇଣ୍ଟର ନ୍ୟାସନାଲ କ୍ରିକେଟ ଷ୍ଟାଡିୟମରେ ଆଜି ଭାରତୀୟ ସମୟ ଅପରାହ୍ନ ୫ଟାରେ ଆରମ୍ଭ ହେବ | ଆଜି ଅନ୍ୟ ଏକ ମ୍ୟାଚରେ ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ମୁକାବିଲା ହେବ |
ଏସିଆ କପ ଗ୍ରୁପ ମ୍ୟାଚରେ ଭାରତ ୨ଟି ଯାକ ମ୍ୟାଚରେ ବିଜୟୀ ହୋଇଛି | ପ୍ରଥମ ମ୍ୟାଚରେ ହଂକଂ ସହିତ କଡା ମୁକାବିଲା ସତ୍ୱେ ଭାରତ ବିଜୟୀ ହୋଇଥିଲା | ସେହିଭଳି ପାକିସ୍ତାନ ବିପକ୍ଷରେ ଭାରତ ସହଜ ବିଜୟ ହାସଲ କରିଥିଲା | ଅନ୍ୟପକ୍ଷରେ ବାଂଲାଦେଶ ଗରିବ-ବି ର ଦୁଇଟି ମ୍ୟାଚ ମଧ୍ୟରୁ ଗୋଟିଏ ହାରିଥିବା ବେଳେ ଗୋଟିଏ ଜିତିଛି | ବାଂଲାଦେଶ ଶ୍ରୀଲଙ୍କାକୁ ହରାଇଥିବା ବେଳେ ଆଫଗାନିସ୍ଥାନ ଠାରୁ ହାରି ଯାଇଥିଲା |
ଭାରତ ପ୍ଲେଇଂ-୧୧ ରେ ଗୋଟିଏ ପରିବର୍ତ୍ତନ ହେବ | ଆହତ ହୋଇଥିବାରୁ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ଟୁର୍ଣ୍ଣାମେଣ୍ଟରୁ ବାହାର ହେବାକୁ ପଡିଛି | ତେଣୁ ତାଙ୍କ ସ୍ଥାନରେ ରବୀନ୍ଦ୍ର ଜାଡେଜା ବା ଦୀପକ ସୁଯୋଗ ମିଳିପାରେ | ସୂଚନାଯୋଗ୍ୟ ଯେ, ପାଣ୍ଡ୍ୟାଙ୍କ ଭଳି ଆହତ ହୋଇଥିବାରୁ ଶାରଦୁଲ ଠାକୁର ଏବଂ ଅକ୍ଷର ପଟେଲଙ୍କୁ ମଧ୍ୟ ଟୁର୍ଣ୍ଣାମେଣ୍ଟ ଛାଡି ଫେରିବାକୁ ପଡିଛି | ଦଳର ୩ ଜଣ ଆହତ ହେବା କାରଣରୁ ରବୀନ୍ଦ୍ର ଜାଡେଜା, ସିଦ୍ଧାର୍ଥ କୌଲ ଏବଂ ଦୀପକ ଚହରଙ୍କୁ ଦଳରେ ସାମିଲ କରାଯାଇଛି |

ଅପରପକ୍ଷରେ ବାଂଲାଦେଶର ଖେଳାଳି ତାମିମ ଇକବାଲ ମଧ୍ୟ ଆହତ ହେବା କାରଣରୁ ଟୁର୍ଣ୍ଣାମେଣ୍ଟରୁ ବାହାରି ଯାଇଛନ୍ତି |
ଭାରତର ସବୁ ବ୍ୟାଟ୍ସମ୍ୟାନ ବର୍ତ୍ତମାନ ଫର୍ମରେ ଅଛନ୍ତି | ଭାରତର ଆଗଧାଡ଼ିର ବ୍ୟାଟ୍ସମ୍ୟାନ ଶିଖର ଧୱନ ଗୋଟିଏ ଶତକ କରିପାରିଥିବା ବେଳେ ରୋହିତ ଶର୍ମା ଏବଂ ଅମ୍ବାତି ରାୟୁଡୁ ଅର୍ଦ୍ଧ ଶତକ କରିସାରିଛନ୍ତି | ସେହିଭଳି ଗତ ଦୁଇଟି ମ୍ୟାଚରେ ଦୀନେଶ କାର୍ତ୍ତିକ ମଧ୍ୟ ଭଲ ଖେଳ ପ୍ରଦର୍ଶନ କରିସାରିଛନ୍ତି | ଏହି ୪ ଜଣଙ୍କ ବ୍ୟତୀତ ଅନ୍ୟ ବ୍ୟାଟ୍ସମ୍ୟାନ ମାନଙ୍କୁ ଗତ ୨ଟି ମ୍ୟାଚରେ ଖେଳ ପ୍ରଦର୍ଶନରେ ବିଶେଷ ସୁଯୋଗ ମିଳିନାହିଁ |
ତେବେ ବାଂଲାଦେଶର ସ୍ପିନରମାନେ ଭଲ ଫର୍ମରେ ଥିବାରୁ ଭାରତକୁ ଅଡୁଆରେ ପକାଇପାରନ୍ତି ବୋଲି ସମୀକ୍ଷକମାନେ ଆଶଙ୍କା କରୁଛନ୍ତି | ବିଶେଷ କରି ବାଂଲାଦେଶର ସ୍ପିନର ମେହଦି ଦସନ ଏବଂ ସାକିବ ଅଲ ଦସନ ମୁଣ୍ଡ ବଥାର କାରଣ ହୋଇପାରନ୍ତି | ସେହିଭଳି ଦ୍ରୁତ ବୋଲର ମୁସ୍ତାଫିଦୁର ରହେମାନ ମଧ୍ୟ ଆରମ୍ଭ ଓଭର ଗୁଡିକରେ ଘାତକ ସାବ୍ୟସ୍ତ ହୋଇପାରନ୍ତି |

ଭାରତୀୟ ଦଳ:ରୋହିତ ଶର୍ମା (ଅଧିନାୟକ),ଶିଖର ଧାଓ୍ବନ,ଅମ୍ବିତ ରାୟୁଡ଼ୁ, ଦିନେଶ କାର୍ତ୍ତିକ,କେଦାର ଯାଦବ,ମହେନ୍ଦ୍ର ସିଂ ଧୋନୀ,ଦୀପକ ଚାହର,ରବୀନ୍ଦ୍ର ଜାଡ଼େଜା,ଭୁବନେଶ୍ବର କୁମାର,କୁଲଦୀପ ଯାଦବ,ୟୁଜବେନ୍ଦ୍ର ଚହଲ,ଯସପ୍ରିତ ବୁମରାହ,ଲୋକେଶ ରାହୁଲ,ମନୀଷ ପାଣ୍ଡେ, ସିଦ୍ଧାର୍ଥ କୈାଲ ଏବଂ ଖଲିଲ ଅହମଦ।

ବାଂଲାଦେଶ ଦଳ:ମଶରଫ ମୁର୍ତ୍ତଜା(ଅଧିନାୟକ),ଲିଟନ ଦାସ,ଶାକିବ ଅଲ ହାସନ,ମୁସାଫିର ରହିମ୍,ମହମ୍ମୁଲ୍ଲାହ,ମୋସାଜିକ୍ ହୁସେନ୍,ମେହେଦୀ ହସନ,ରୁବେଲ ହୁସେନ,ମୁସ୍ତାଫିଜୁର ରହେମନ,ଅବୁ ହୈଦର,ଆରିଫ ହକ୍,ମୈାମିନୁଲ ହକ୍,ନଜରୁଲ ହୁସେନ ଏବଂ ନଜରୁଲ ଇସ୍ମାଲ।

   Related Posts