Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଏସିଆ କପ ଫାଇନାଲ : ଆଜି ଭାରତ ବାଂଲାଦେଶ ଲଢେଇ

28/09/2018 at 11:06 AM

ଦିଲ୍ଲୀ ୨୮/୯ : ଆଜି ଏସିଆ କପ ୨୦୧୮ ଫାଇନାଲ ମ୍ୟାଚ | ଫାଇନାଲରେ ଆଜି ଭାରତ ସହିତ ମୁକାବିଲା କରିବ ବାଂଲାଦେଶ | ଦ୍ୱିତୀୟ ଥର ପାଇଁ ଆଜି ଭାରତକୁ ସାମ୍ନା କରିବ ବାଂଲାଦେଶ | ଚଳିତ ଏସିଆ କପରେ ଗ୍ରୁପ ପର୍ଯ୍ୟାୟ ଓ ସୁପର-୪ ପର୍ଯ୍ୟାୟର କୌଣସି ମ୍ୟାଚ ଭାରତ ହରିନାହିଁ | ତେବେ ଆଫଗାନିସ୍ତାନ ସହିତ ମ୍ୟାଚ ଟାଇ ହୋଇଥିଲା | ଏହି ମ୍ୟାଚର ବିଶେଷ ଗୁରୁତ୍ୱ ନଥିବାରୁ ଭାରତର ଅଗଧାଡ଼ିର ଖେଳାଳିମାନଙ୍କୁ ବିଶ୍ରାମ ଦେଇ ନୂଆ ଖେଳାଳିଙ୍କୁ ନିଆଯାଇଥିଲା | ଏସିଆ କପ ଫାଇନାଲରେ ଭାରତ ଓ ବାଂଲାଦେଶ ମଧ୍ୟରେ ମୁକାବିଲା ଦ୍ୱିତୀୟ ଥର ପାଇଁ ହେବାକୁ ଯାଉଛି | ଏଠି ପୂର୍ବରୁ ୨୦୧୬ ଏସିଆ କପରେ ଭାରତ ଓ ବାଂଲାଦେଶ ମଧ୍ୟରେ ଫାଇନାଲ ମୁକାବିଲା ହୋଇଥିଲା | ଏହି ମ୍ୟାଚ ଟି-୨୦ ଫର୍ମାଟରେ ଖେଳାଯାଇଥିଲା | ବାଂଲାଦେଶର ଢାକା ଠାରେ ଖେଳାଯାଇଥିବା ଏହି ମ୍ୟାଚରେ ଭାରତ ବାଂଲାଦେଶକୁ ୮ ଉଇକେଟରେ ପରାସ୍ତ କରିଥିଲା |
ଭାରତୀୟ ଦଳର ଓପନିଂ ଯୋଡି ରୋହିତ ଶର୍ମା ଓ ଶିଖର ଧାୱନ ଭଲ ଫର୍ମରେ ରହିଛନ୍ତି | ସେହିଭଳି ପରବର୍ତ୍ତୀ ବ୍ୟାଟ୍ସ ମ୍ୟାନଙ୍କ ମଧ୍ୟରେ ଅମ୍ବାତି ରାୟୁଡୁ, ଦୀନେଶ କାର୍ତିକ ମଧ୍ୟ ଭଲ ଫର୍ମରେ ରହିଛନ୍ତି | ସବୁଠୁ ଗୁରୁତ୍ୱପୂର୍ଣ କଥା ହେଉଛି ଭାରତୀୟ ବୋଲିଂ ଦୁବାଇ ପିଚରେ ବେଶ ଭଲ କାମ କରୁଛି | ଭୁବନେଶ୍ୱର କୁମାର, ଯଶପ୍ରୀତ ବୁମରା, ୟୁବେନ୍ଦ୍ର ଚହଳ ପ୍ରମୁଖ ବେଶ ଭଲ ପ୍ରଦର୍ଶନ କରିଆସିଛନ୍ତି |

ଅପରପକ୍ଷରେ ବାଂଲାଦେଶ ପାକିସ୍ତାନକୁ ହରାଇ ଫାଇନାଲ ଖେଳୁଥିବାରୁ ଦଳର ମନୋବଳ ଦୃଢ ରହିଛି | ଏହା ପୂର୍ବରୁ ଭାରତ ୬ଥର ଏସିଆ କପ ଜିତିଛି | ବାଂଲାଦେଶ ପୂର୍ବରୁ ୨ଥର ଏସିଆ କପ ଜିତିଛି |

ଫାଇନାଲ ମ୍ୟାଚ ଦୁବାଇ ସ୍ଥିତ ଅନ୍ତଃରାଷ୍ଟ୍ରୀୟ କ୍ରିକେଟ ଷ୍ଟାଡିୟମରେ ସନ୍ଧ୍ୟା ୫ଟାରେ ଆରମ୍ଭ ହେବ |
ଆଜି ଭାରତୀୟ ଦଳରେ ଖେଳିବେ- ରୋହିତ ଶର୍ମା, ଶିଖର ଧାୱନ, ଅମ୍ବାତି ରାୟୁଡୁ, ଦୀନେଶ କାର୍ତିକ,ମହେନ୍ଦ୍ର ସିଂ ଧୋନି, କେଦାର ଯାଦବ, ରବୀନ୍ଦ୍ର ଜାଡେଜା, ଭୁବନେଶ୍ୱର କୁମାର, ଯଶପ୍ରୀତ ବୁମରା, ୟୁବେନ୍ଦ୍ର ଚହଳ, କୁଲଦୀପ ଯାଦବ, ମନୀଷ ପାଣ୍ଡେ, ଦୀପକ ଚହାର, ସିଦ୍ଧରତ କୌଲ, କେଅଲ ରାହୁଲ |
ବାଂଲାଦେଶ ଦଳରେ ଆଜି ଖେଳିବେ- ମାତ୍ସରଫି ବିନ ମୂର୍ତ୍ତଜା, ମହମ୍ମଦ ମିଥୁନ, ଲିଟ୍ଟନ କୁମାର ଦାସ, ମୁସଫିକୁର ରହିମ, ଅରୁଫୁଲ ହକ, ମହାମ୍ମୁଦୁଲ୍ଲାହ, ମୋଷଦେକ ହୁସେନ, ନଜମୁଲ ସୋନି, ମେହଦି ମୀରାଜ, ନଜମୁଲ ଇସ୍ଲାମ ଅପ୍ପୁ, ରୁବେଲ ହୁସେନ, ମୁସ୍ତାଫିଜୁର ରହମାନ, ଅବୁ ହେଦର ରୋନି, ସୋମ୍ୟ ସରକାର, ମୋମିନୁଲ ହକ, ଇମ୍ୟୁରୁଲ କାୟେସ |

   Related Posts