Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିଦ୍ଧୁଙ୍କ ଇସ୍ତଫା ପତ୍ର ସ୍ଵୀକାର କଲେନି କଂଗ୍ରେସ ହାଇକମାଣ୍ଡ, ନିଜ ସ୍ତରରେ ସମାଧାନ କରିବାକୁ ରାଜ୍ୟ ନେତାଙ୍କୁ ଦେଲେ ନିର୍ଦ୍ଦେଶ
  • ||
  • IPL 2021: ଦିଲ୍ଲୀ କ୍ୟାପିଟାଲ୍ସର ବିଜୟରେ ଲାଗିଲା ବ୍ରେକ୍, ପନ୍ତଙ୍କ ଟିମ୍‌କୁ ୩ ଓ୍ଵିକେଟ୍‌ରେ ହରାଇଲା କୋଲକାତା ନାଇଟ୍ ରାଇଡର୍ସ
  • ||
  • କଂଗ୍ରେସରେ ମିଶିଲେ କହ୍ନେୟା କୁମାର ଓ ଜିଗ୍ନେଶ ମେଓ୍ଵାଣୀ, ରାହୁଲଙ୍କ ଉପସ୍ଥିତିରେ ଗ୍ରହଣ କଲେ ସଦସ୍ୟତା
  • ||
  • ହରିୟାଣା ଗୃହମନ୍ତ୍ରୀ ଅନିଲ ବିଜଙ୍କ ସ୍ୱାସ୍ଥ୍ୟବସ୍ଥା ଗୁରୁତର, ଦିଲ୍ଲୀ ଏମ୍ସରେ ଭର୍ତ୍ତି
  • ||
  • ଖୋର୍ଦ୍ଧା : ଅଂଳେଇ ମନ୍ଦିରରୁ ଦାନବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • କୋରାପୁଟ : କୋରାପୁଟ ଜିଲ୍ଲା ସୁନାବେଡ଼ା ଟିଟିଏସରେ ଛାତ୍ର ଅଶାନ୍ତି, ଷ୍ଟାଇପେଣ୍ଡ ଟଙ୍କା ନମିଳିବାରୁ ବିକ୍ଷୋଭ
  • ||
  • ଜଳେଶ୍ବର : ଅବକାରୀ ବିଭାଗ ଦ୍ଵାରା ୪ ଚୋରା ଦେଶୀ ମଦ ବେପାରୀ ଗିରଫ, ୨ଶହ ଲିଟରରୁ ଅଧିକ ଦେଶୀ ମଦ ଜବତ
  • ||
  • ଆନନ୍ଦପୁର : କେନ୍ଦୁଝର ଜିଲ୍ଲା ଘଷିପୁରା ଥାନା ଦୀପପାଳ ଗାଁରେ ଅଭାବନୀୟ ଘଟଣା, ଘର ଭିତରୁ ମିଳିଲା ନବ ବିବାହିତାଙ୍କ ମୃତଦେହ, ବାପଘର ପକ୍ଷରୁ ହତ୍ୟା ଅଭିଯୋଗ
  • ||
  • ସାନଖେମୁଣ୍ଡି : ଗଞ୍ଜାମ ଜିଲ୍ଲା ଧରାକୋଟ ଥାନା ସୁଂଦୁରିଆପଲି ଗାଁ ନିକଟ ଋଷିକୁଲ୍ୟା ନଦୀରେ ବୁଡି ବୃଦ୍ଧା ମୃତ, ଶୌଚ ହେବାକୁ ଯାଇଥିବା ବେଳେ ବୁଡିଗଲେ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||

ଆଶ୍ରମ ସଞ୍ଚାଳକ ଦୁଇ ମହିଳାଙ୍କୁ ଦୁଷ୍କର୍ମ କରିବା ସହ ଭିଡିଓ ଭାଇରାଲ୍ ପାଇଁ ଦେଉଥିଲେ ଧମକ, ଥାନାରେ ପହଞ୍ଚିଲେ ପିଡୀତା

25/08/2019 at 10:50 AM

ଡେରାଡୁନ ୨୫|୮: ଉଦୟପୁର ଥାନା ରାଜପୁର ଅଞ୍ଚଳର ସହସ୍ରଧାରା ସ୍ଥିତ ଆଶ୍ରମରେ ଦୁଇ ମହିଳାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ଅଶ୍ରମର ସଞ୍ଚାଳକ ଚନ୍ଦ୍ରମୋହନ ମହାରାଜାଙ୍କ ସହିତ ୪ଜଣଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ଦୁଇ ଜଣ ମହିଳା ଗତ ଶୁକ୍ରବାର ଦିନ ଥାନାରେ ଏଭଳି ଅଭିଯୋଗ କରିଛନ୍ତି । ସେମାନଙ୍କ ମଧ୍ୟରୁ ଜଣେ ମହିଳା କହିଥିଲେ ଯେ, ୨୦୧୩ ମସିହାରୁ ସେମାନେ ପରମଧାମ ନ୍ୟାସ ମୁଖ୍ୟାଳୟର ସଞ୍ଚାଳକ ଜନେଉ କ୍ରାନ୍ତି ଚନ୍ଦ୍ରମୋହନ ମହାରାଜାଙ୍କ ମିଶନ ସହ ଜଡିତ ଥିଲେ । ପରମଧାମ ନ୍ୟାସରେ ମହାନିରୀକ୍ଷକ ପଦବୀରେ କାର୍ଯ୍ୟ କରୁଥିଲେ । ଚନ୍ଦ୍ରମୋହନ ମହାରାଜାଙ୍କ ଆଶ୍ରମ ଏବଂ ବାସଭବନ ସହସ୍ରଧାରା ଶେରାରେ ଥିଲା । ସେଠାକୁ ମିଶନ ସହ ଜଡିତ ଥିବା ମହିଳାମାନେ ଆସିବା ସହ ବୈଠକ କରନ୍ତି । ସେ ୨୦୧୮ ମସିହା ଜୁନ୍ ୨୨ତାରିଖରେ ବୈଠକରେ ଯୋଗଦେବା ପାଇଁ  ସହସ୍ରଧାରା ଶେରା ସ୍ଥିତ ଆଶ୍ରମକୁ ଯାଇଥିଲେ । ଦିନରେ ବୈଠକ ଥିଲା । ବୈଠକ ସରୁ ସରୁ ବିଳମ୍ବ ହୋଇଯାଇଥିଲା । ତେଣୁ ସେ ଆଉ ଘରକୁ ଫେରିପାରିନଥିଲେ । ଫଳରେ ସେ ଆଶ୍ରମର ବାରଣ୍ଡାରେ ଶୋଇଯାଇଥିଲେ ।

ରାତି ପ୍ରାୟ ୧୨ଟା ବେଳେ ଆଶ୍ରମର ଜନେଓ କ୍ରାନ୍ତି ଅଧ୍ୟକ୍ଷ କୁଲଦୀପଙ୍କ ସ୍ତ୍ରୀ ପିଡୀତା ମହିଳାଙ୍କ ନିକଟକୁ ଆସିଥିଲେ । ସେ କହିଥିଲେ ଯେ, ତାଙ୍କୁ କୌଣସି ଜରୁରୀ କାମରେ ଚନ୍ଦ୍ରମୋହନ ମହାରାଜା ତାଙ୍କ ରୁମ୍ କୁ ଡାକିଛନ୍ତି । ଯେତେବେଳେ ପିଡୀତା ମହିଳା ତାଙ୍କ ରୁମ୍ କୁ ଯାଇଥିଲେ ସେଠାରେ ଚନ୍ଦ୍ରମୋହନ ମହାରାଜା ଏବଂ କୁଲଦୀପ ଉଭୟ ଉପସ୍ଥିତ ଥିଲେ । ସେ ଯେତେବେଳେ ରୁମ୍ ରେ ପଶିଥିଲେ ଉଭୟ ଭିତର ପଟୁ କାବାଟ ବନ୍ଦ କରିଦେଇଥିଲେ । ପରେ ଉଭୟ ମିଶି ତାଙ୍କ ସହ ଦୁଷ୍କର୍ମ କରିଥିଲେ । ଏ ସଂପର୍କରେ କାହାରି ଆଗରେ ପ୍ରକାଶ କଲେ ଜୀବନରୁ ମାରିଦେବାକୁ ଧମକ ମଧ୍ୟ ଦେଇଥିଲେ ।

ସେହିଭଲଳି ଅନ୍ୟ ଜଣେ ମହିଳା କହିଥିଲେ ଯେ, ଗତ ଜୁନ୍ ୧୭ତାରିଖରେ ଚନ୍ଦ୍ରମୋହନ ମହାରାଜା ତାଙ୍କ ସହ ମଧ୍ୟ ଏହିଭଳି ଭାବେ ଦୁଷ୍କର୍ମ କରିଥିଲେ । ଦୁଷ୍କର୍ମ ବେଳର ଭିଡିଓ ମଧ୍ୟ ଶୁଟ୍ କରିଥିଲେ । ଘଟଣା ସଂପର୍କରେ କାହାରି ଆଗରେ ପ୍ରକାଶ କଲେ ଭିଡିଓ ଭାଇରାଲ କରିବାକୁ ଧମକ ମଧ୍ୟ ଦେଇଥିଲେ । ଚନ୍ଦ୍ରମୋହନ ମହାରାଜ ଅତ୍ୟନ୍ତ ପ୍ରଭାବଶାଳୀ ଏବଂ ତାଙ୍କର ବହୁ ବଡ ବଡ ଲୋକଙ୍କ ସହ ପରିଚୟ ଥିଲା । ତେଣୁ ମହିଳାମାନେ ତାଙ୍କ ବିରୋଧରେ ଅଭିଯୋଗ କରିବାକୁ ଡରୁଥିଲେ । ମାତ୍ର ସେମାନେ ଏବେ ଏ ନେଇ ପୋଲିସ ନିକଟରେ ଅଭିଯୋଗ କରିଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିବା ସହ  ଦୁଇ ପିଡୀତାଙ୍କର ଡାକ୍ତରୀ ମାଇନା କରାଇଛି । ଘଟଣାର ତଦନ୍ତ ଜାରି ରଖିଛି ପୋଲିସ ।

   Related Posts