ଜୟପୁର ୩୧/୦୬ : ରାଜସ୍ଥାନରେ ରାଜନୈତିକ ସଙ୍କଟ ଏବେ ମଧ୍ୟ ଜାରି ରହିଛି | ମୁଖ୍ୟମନ୍ତ୍ରୀ ଅଶୋକ ଗେହଲତଙ୍କୁ ସମର୍ଥନ କରୁଥିବା କଂଗ୍ରେସର ସମସ୍ତ ବିଧାୟକଙ୍କୁ ଜୈସଲମେର ସ୍ଥାନାନ୍ତର କରାଯାଉଛି | ସମାଚାର ଏଜେନ୍ସି ଏଏନଆଇ ଅନୁଯାୟୀ, ଅନେକ ଦିନ ହେଲା ଜୟପୁର ଫେୟାରମାଉଣ୍ଟ ହୋଟେଲରେ ବନ୍ଦ ଥିବା ଅଶୋକ ଗେହଲତଙ୍କ କଂଗ୍ରେସ ବିଧାୟକ ଜୈସଲମେର ଗସ୍ତରେ ବାହାରିଛନ୍ତି |
{"id":308104,"sizeSlug":"large"}
ଏ ସମସ୍ତ ବିଧାୟକ ଫେୟାରମାଉଣ୍ଟ ହୋଟେଲରୁ ବାହାରି ବସ ଯୋଗେ ସିଧା ଏୟାରପୋର୍ଟ ଗଲେ | ଏୟାରପୋର୍ଟରେ ସମସ୍ତେ ଜୈସଲମେର ଗସ୍ତରେ ଗଲେ | ରାଜସ୍ଥାନରେ ଅଶୋକ ଗେହଲତ ଓ ସଚିନ ପାଇଲଟଙ୍କ ମଧ୍ୟରେ ରାଜନୈତିକ ସଙ୍କଟ ଉତ୍ପର୍ଣ୍ଣ ହୋଇଛି | ସେଥିପାଇଁ ରାଜସ୍ଥାନରେ କଂଗ୍ରେସ ଦୁଇ ଭାଗରେ ବାଣ୍ଟି ହୋଇଯାଇଛି | ଗୋଟିଏ ଦଳ ଗେହଲତଙ୍କ ସମର୍ଥନରେ ଥିବାବେଳେ କଂଗ୍ରେସ ବିଧାୟକଙ୍କ ଏକ ଦଳ ସଚିନଙ୍କ ସହିତ ଅଛି | ଦଳୀୟ କନ୍ଦଳ ଯୋଗୁଁ ଜୁଲାଇ ୧୪ ତାରିଖରେ ସଚିନ ପାଇଲଟଙ୍କୁ ଉପମୁଖ୍ୟମନ୍ତ୍ରୀ ପଦବୀରୁ ବରଖାସ୍ତ କରାଯାଇଥିଲା | ଏହାସହ ତାଙ୍କୁ ପ୍ରଦେଶ ମୁଖ୍ୟ ପଦବୀରୁ ମଧ୍ୟ ହଟାଇ ଦିଆଯାଇଛି |
{"id":308105,"sizeSlug":"large"}
କଂଗ୍ରେସ ଅଭିଯୋଗ କରିଛି ଯେ ଭାରତୀୟ ଜନତା ପାର୍ଟି (ବିଜେପି) ଗେହଲତ ସରକାରଙ୍କୁ ଭାଙ୍ଗିବାକୁ ଉଦ୍ୟମ କରୁଛି | ସେଥିପାଇଁ ବିଧାୟକଙ୍କୁ କିଣିବାରେ ସାମିଲ ରହିଛି | ତେବେ ବିଜେପି ଏହିସବୁ ଅଭିଯୋଗକୁ ଖାରଜ କରିଛି |
