ମାଲକାନଗିରି ୧୨।୭: ମାଲକାନଗିରି ଜିଲ୍ଲାରେ ଜଣେ ଆଶାକର୍ମୀ ନିଖୋଜ ହୋଇଥିବା ତାଙ୍କ ସ୍ବାମୀ ପଡିଆ ଥାନାରେ ଏତଲା ଦେଇଛନ୍ତି । ଆଶାକର୍ମୀ ଜଣଙ୍କ ହେଉଛନ୍ତି କତାଗୁଡା ଗ୍ରାମର ଜଗଦିଶ ବାୟାଙ୍କ ପତ୍ନୀ ସ୍ବପ୍ନା ବାୟା । ତାଙ୍କ ବର୍ଷ ୨୫ ବର୍ଷ । ଆଶାକର୍ମୀଙ୍କ ସ୍ବାମୀଙ୍କ ଅଭିଯୋଗ ଅନୁଯାୟୀ ଗତ ୩ ତାରିଖ ଅପରାହ୍ନରେ ପଡିଆ ମେଡିକାଲରୁ ଜଣେ ଗର୍ଭବତୀଙ୍କୁ ମାଲକାନଗିରି ଜିଲ୍ଲା ହସ୍ପିଟାଲକୁ ନେବାର ଅଛି କହି ଆଶାକର୍ମୀ ଘରୁ ବାହାରିଥିଲେ ।
ରାତି ପର୍ଯ୍ୟନ୍ତ ଘରକୁ ନ ଫେରିବାରୁ ତାଙ୍କ ସ୍ବାମୀ ବନ୍ଧୁବାନ୍ଧବ ଓ ସାଙ୍ଗ ସାଥୀଙ୍କ ଘରେ ଗତ ୩ ଦିନ ଧରି ଖୋଜା ଖୋଜି କରିଥିଲେ । ତାଙ୍କର କିଛି ପତ୍ତା ନ ମିଳିବାରୁ ଓ ମୋବାଇଲ୍ ଫୋନ୍ ସୁଇଚ୍ ଅଫ୍ ଥିବାରୁ ପଡିଆ ଥାନାରେ ତାଙ୍କ ପତ୍ନୀ ନିଖୋଜ ହୋଇଯିବା ସମ୍ପର୍କରେ ଏତଲା ଦେଇଛନ୍ତି । ପଡିଆ ଥାନାରେ ଏକ ମାମଲା ରୁଜୁ କରାଯାଇ ପୋଲିସ ବିଭିନ୍ନ ସ୍ଥାନରେ ଖୋଜାଖୋଜି କରୁଛି।
ଆଶାକର୍ମୀଙ୍କୁ କିଏ ଅପହରଣ କରି ନେଇଥିବା ତାଙ୍କ ପରିବାର ଲୋକ ସନ୍ଦେହ କରୁଛନ୍ତି । ଏହି ଘଟଣାକୁ ଗୁରୁତ୍ବର ସହ ତଦନ୍ତ କରାଯାଉଛି ବୋଲି ପଡ଼ିଆ ଥାନା ଅଧିକାରୀ ପ୍ରଶାନ୍ତ କୁମାର ନିଶାକ ସୂଚନା ଦେଇଛନ୍ତି।
