ବୌଦ୍ଧ ୧୨|୧୦: ବୌଦ୍ଧ ଜିଲ୍ଲା ସ୍ବାସ୍ଥ୍ୟ ବିଭାଗର କେଳେଙ୍କାରୀ ଚରମସୀମାରେ ପହଞ୍ଚିଲାଣି । ଆଜି ପୁରୁଣାକଟକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରୁ ଆସିଛି ଏକ ସଙ୍ଗୀନ ଅଭିଯୋଗ । ଅଭିଯୋଗକାରୀ ହେଉଛନ୍ତି ଜଣେ ଆଶା କର୍ମୀ ।
ତାଙ୍କ ଅଭିଯୋଗ ଅନୁସାରେ ଗତକାଲି ବୌଦ୍ଧ ଜିଲ୍ଲା ତଳଗାଁର ଜଣେ ଆଶା କର୍ମୀ ଜଣେ ଗର୍ଭବତୀ ମହିଳାଙ୍କ ପ୍ରସବ ପାଇଁ ପୁରୁଣାକଟକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ । ଶିଶୁ ଜନ୍ମ ହେବା ପରେ ସଂପୃକ୍ତ ଡାକ୍ତରଙ୍କୁ ଦସ୍ତଖତ ପାଇଁ ଆଶା କର୍ମୀ କହିଥିଲେ । ହେଲେ ଦସ୍ତଖତ ପାଇଁ ଡାକ୍ତର ତାଙ୍କଠାରୁ ୬ଶହ ଟଙ୍କା ଦାବି କରିଥିଲେ ।
ପୂର୍ବରୁ ମଧ୍ୟ ପ୍ରତ୍ୟେକ ପ୍ରସବ କରାଇବା ପରେ ଆଶା କର୍ମୀଙ୍କ ଜରିଆରେ ପ୍ରିୟଜନଙ୍କଠାରୁ ଟଙ୍କା ମଗାଯାଉଥିବାର ଅଭିଯୋଗ ମଧ୍ୟ କରିଛନ୍ତି ଆଶା କର୍ମୀ ।