Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ନିର୍ଭୟା ପ୍ରସଙ୍ଗ – ଝିଅକୁ ନ୍ୟାୟ ଦେବା ପାଇଁ ଏ ସଂଘର୍ଷ ୭ ବର୍ଷ ବିତିଗଲାଣି , ଆଶା ଆଶଙ୍କାରେ ଆଶାଦେବୀ

2/02/2020 at 6:39 PM

ନୂଆଦିଲ୍ଲୀ – ୦୨।୦୨  ଆଜି ଦିଲ୍ଲୀ ହାଇକୋର୍ଟରେ ନିର୍ଭୟା ମାମଲାର ଶୁଣାଣି ହୋଇଛି । ତାରିଖ ପରେ ତାରିଖ ଦୀର୍ଘ ୭ ବର୍ଷ ଧରି ଗଡ଼ିଚାଲିଥିଲା । ଆଉ ଶେଷରେ ସୁପ୍ରିମକୋର୍ଟଙ୍କ ଚୂଡାନ୍ତ ରାୟ ପରେ, ଦୁଇ ଦୁଇ ଥର ଫାଶୀ ତାରିଖ ସ୍ଥିର ହୋଇସାରିଥିଲେ ମଧ୍ୟ ଦୋଷୀ ବର୍ତ୍ତି ଯାଉଛନ୍ତି, ତାକୁ ନେଇ ବ୍ୟଥୀତ ହେଉଛନ୍ତି ନିର୍ଭୟାଙ୍କ ବାପା ମାଆ । ଦ୍ବିତୀୟ ଥର ପାଇଁ ଫାଶୀ ତାରିଖ ଘୁଞ୍ଚିବା ପରେ ସ୍ଥଗିତାଦେଶକୁ ବିରୋଧ କରି କେନ୍ଦ୍ର ସରକାର ଏବଂ ଦିଲ୍ଲୀ ପୋଲିସ ହାଇକୋର୍ଟରେ ଆବେଦନ କରିଛନ୍ତି, ଯାହାର ଶୁଣାଣି ହୋଇଛି ଆଜି ।…

ଆଶା ଆଶଙ୍କା ଭିତରେ ସବୁଦିନ ଆଶାଦେବୀ । ଝିଅକୁ ନ୍ୟାୟ ଦେବା ପାଇଁ ଏ ସଂଘର୍ଷ ୭ ବର୍ଷ ବିତିଗଲାଣି। ମନ ଭିତରେ ତିଳେତିଳେ ଅନୁଭବ କରୁଛନ୍ତି ଝିଅ ପାଇଥିବା ଯନ୍ତ୍ରଣା । ତେଣେ ଦୋଷୀକୁ ଦଣ୍ଡ ଦେବା ଲାଗି ନ୍ୟାୟର ପ୍ରକ୍ରିୟା ଲମ୍ବିଲମ୍ବି ଚାଲିଛି । ବାରମ୍ବାର କୋର୍ଟକୁ ଆସୁଛନ୍ତି ପରିଚୟ ପତ୍ର ଦେଖାଇ ଭିତରକୁ ଯାଉଛନ୍ତି, ଆଉ ଗଲାବେଳେ ଆଖିରୁ ଦୁଇଟୋପା ଲୁହ ଝରାଇ ଫେରୁଛନ୍ତି । ୭ ବର୍ଷ ଧରି ଏମିତି ହାଜିରା ପକାଉଛନ୍ତି ଆଶା ଦେବୀ  ଆଉ ତାଙ୍କ ସ୍ବାମୀ । ଦୋଷୀ ଦଣ୍ଡପାଉ, ଝିଅର ଆତ୍ମ ଶାନ୍ତି ପାଉ ଆଉ କେହି ଝିଅକୁ ହାତ ଦେବା ପୂର୍ବରୁ ଏଭଳି ପିଶାଚମାନଙ୍କ ପ୍ରାଣ ଥରିଉଠୁ ଏମିତି ଶିକ୍ଷା ଯାଉ ସେମାନଙ୍କ ନିକଟକୁ। କିନ୍ତୁ ତାରିଖ ପେ ତାରିଖ ଘୁଞ୍ଚି ଚାଲିଛି।

ପ୍ରଥମେ ଜାନୁଆରୀ ୨୨, ତାପରେ ଫେବ୍ରୁଆରି ୧ରେ ଫାଶୀ ପାଇଁ ତାରିଖ ପୁଣି ଘୁଞ୍ଚିଛି ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ । ହେଲେ ଦୁଇ ଦୁଇ ଥର ଫାଶୀ ଟଳିବା ପରେ ଦିଲ୍ଲୀ ହାଇକୋର୍ଟରେ ପହଞ୍ଚିଥିଲେ କେନ୍ଦ୍ର ସରକାର ଆଉ ଦିଲ୍ଲୀ ପୋଲିସ। ଦୋଷୀମାନେ ଆଇନର ମଜାକ୍ ଉଡାଉଛନ୍ତି, ସେମାନଙ୍କୁ ତୁରନ୍ତ ଫାଶୀ ଦେବାକୁ କୋର୍ଟରେ ଆବେଦନ କରିଥିଲେ, ଯାହାର ଶୁଣାଣି ହୋଇଥିଲା ରବିବାର । ଶୁଣାଣି ସମୟରେ ସଲିସିଟର ଜେନେରାଲ ତୁଷାର ମେହେଟା ସରକାରଙ୍କ ପକ୍ଷ ରଖି କହିଥିଲେ, କି ଜାଣିଶୁଣି ଦୋଷୀଙ୍କ ପକ୍ଷରୁ ବିଳମ୍ବ କରାଯାଉଛି, ଆଇନର ଦୁରୁପଯୋଗ ହେଉଛି । 

ଏବେ ଆସନ୍ତୁ ଜାଣିବା ବର୍ତ୍ତମାନ ୪ ଦୋଷୀଙ୍କର ସ୍ଥିତି କଣ । ବର୍ତ୍ତମାନ ସୁଦ୍ଧା କେବଳ ମୁକେଶ ସିଂହ ଏବଂ ବିନୟ ଶର୍ମାର ଦୁଇ ବିକଳ୍ପ କ୍ୟୁରେଟିଭ ପିଟିସନ ଏବଂ କ୍ଷମା ଆବେଦନ ଖାରଜ ହୋଇସାରିଛି । ଅକ୍ଷୟ ସିଂହର କ୍ୟୁରେଟିଭ ପିଟିସନ ଖାରଜ ହୋଇଥିବା ବେଳେ କ୍ଷମା ଆବେଦନ ରାଷ୍ଟ୍ରପତିଙ୍କ ବିଚାରାଧିନ ରହିଛି ।

ସେହିପରି ପବନ ଗୁପ୍ତା ଏପର୍ଯ୍ୟନ୍ତ କ୍ୟୁରେଟିଭ ପିଟିସନ ଦାଖଲ କରିନାହିଁ କି ରାଷ୍ଟ୍ରପତିଙ୍କ ନିକଟରେ କ୍ଷମା ଆବେଦନ କରିନାହିଁ । ତେଣୁ ଏମାନେ ଫାଶୀ ଖୁଣ୍ଟରେ ଝୁଲିବାରେ ଆହୁରି ବିଳମ୍ବ ହେବାର ଯଥେଷ୍ଟ ସମ୍ଭାବନା ରହିଛି ।

   Related Posts