Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ଚିରାଫଟା ଲୁଗା ପିନ୍ଧି ଅଟୋରେ ଯାଉଥିଲେ ୨ ମହିଳା, ସେମାନଙ୍କଠୁ ମିଳିଲା ୧ କେଜି ୬୬୭ ଗ୍ରାମ ହୀରା, ତଦନ୍ତ ଜାରି

26/06/2019 at 7:28 PM

ଆସାମ:  ଦେଖିବାକୁ ସାଧାରଣ ଗାଉଁଲି, ସେମିତି  ବେଶଭୂଷା କି ପରିପାଟି ବି ନାହିଁ । ହେଲେ ସେମାନଙ୍କଠୁ ମିଳିଲା ୧କେଜି ୬୬୭ ଗ୍ରାମ ହୀରା। ଯାହାର ଆନୁମାନିକ ଅନ୍ତର୍ଜାତୀୟ ବଜାର ମୂଲ୍ୟ ହାରାହାରି ୧୦ କୋଟି ଟଙ୍କା। ମହିଳାମାନଙ୍କୁ ଧରି ନେଇଥିବା ଆସାମ ରାଇଫଲସ ଜବାନମାନେ ଯେତେବେଳେ ଜାଣିଲେ ସେମାନେ ହୀରା ତସ୍କରଙ୍କୁ କାବୁ କରିଛନ୍ତି ସେତେବେଳେ ସେମାନେ ନିଜ ଆଖିକୁ ବି ବିଶ୍ୱାସ କରିପାରିଲେନି। ଏଭଳି ଘଟଣା ଘଟିଛି ଆସାମର ହୈଲାକାଣ୍ଡି ସହରରୁ ୯ କିଲୋମିଟର ଦୂର ମୋନାଚେରାରେ।

ଏକ ଅଟୋରିକ୍ସାର ସନ୍ଦିଗ୍ଧ ଗତିବିଧିକୁ ଦେଖି ଆସାମ ରାଇଫଲସ ଜବାନମାନେ ତାକୁ ଅଟକାଇଥିଲେ। ସେତେବେଳେ ଅଟୋରେ ୨ ଜଣ ଗାଉଁଲି ମହିଳା ବସିଥିବା ଓ ସେମାନଙ୍କ ଗଣ୍ଠିଲି ଥିବା ଜବାନମାନେ ଦେଖିଥିଲେ। ତେବେ ସନ୍ଦେହ ହେବାରୁ ଜବାନ ଗଣ୍ଠିଲି ଯାଞ୍ଚ କରିବା ବେଳେ ସେଥରେ ଖଣ୍ଡେ ହୀରା ଭଳି ଦେଖାଯାଉଥିବା ପଥର ଦେଖିଥିଲେ। ଏଣୁ ଗଣ୍ଠିଲିର ସମ୍ପୂର୍ଣ୍ଣ ତଲାସୀ ନେବା ବେଳେ ସେହିଭଳି ଆଉ କିଛି ପଥର ମିଳିଥିଲା।

ଏଣୁ ସେମାନଙ୍କୁ ଗଣ୍ଠିଲି ସହ ଚୌକିକୁ ନେଇଯାଇଥିଲେ। ସେଠାରେ ଯାଞ୍ଚ ବେଳେ ତାହା ହୀରା ବୋଲି ଜଣାପ଼ଡିଛି। ଆସାମ ରାଇଫଲସ ମହିଳା ଦ୍ୱୟଙ୍କୁ ଗିରଫ କରିଛି। ସେମାନେ ହେଲେ ମୋନିଆ ସଙ୍ଗମା ଓ ମିନାତି ସଙ୍ଗମା। ସେମାନେ ଏତେ ମୂଲ୍ୟବାନ ସାମଗ୍ରୀ ପାଇଲେ କେଉଁଠୁ ଓ କେଉଠାକୁ ନେଉଥିଲେ ସେ ନେଇ ଏବେ ପଚରା ଉଚରା କରାଯାଉଛି।  ସେମାନେ ମୁହଁ ଖୋଲିଲେ ଆସାମ ଅଗମ୍ୟ ଅଞ୍ଚଳରେ ଚାଲିଥିବା ଅବୈଧ ତସ୍କରୀର ପର୍ଦ୍ଦାଫାସ ହେବ ବୋଲି ଆଶା କରାଯାଉଛି।

   Related Posts