ମୁମ୍ୱାଇ ୦୪/୧୦: କ୍ରୁଜରେ ଡ୍ରଗ୍ସ ପାର୍ଟି ଲିଙ୍କରେ ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ଗିରଫ ପରେ ଖୋଲିବାରେ ଲାଗିଛି ଗୁମର । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ରବିବାର ତାଙ୍କୁ ଗିରଫ କରିବା ପରେ ଲଗାତାର ଚାଲୁରହିଛି ପଚରାଉଚରା । ତେବେ ପଚରାଉଚରା ସମୟରେ ଆର୍ଯ୍ୟନ ଖାନ ଖୁବ୍ ଭାଙ୍ଗି ପଡିଥିଲେ ବୋଲି ଚର୍ଚ୍ଚା ହେଉଛି ।
wp:html/wp:html
ଏମିତିକି ପଚରାଉଚୁରାରେ ଆର୍ଯ୍ୟନ ନିଜ କୋହ ସମ୍ଭାଳି ନପାରି କାନ୍ଦିବାକୁ ଲାଗିଥିଲେ । ଏନସିବି ସୂତ୍ର ଅନୁଯାୟୀ ଶାହରୁଖ ଖାନ ତାଙ୍କ ପୁଅ ଆର୍ଯ୍ୟନଙ୍କ ସହ ଫୋନରେ କଥା ହୋଇଛନ୍ତି। ଗିରଫ ପରେ, ଆଇନଗତ ପ୍ରକ୍ରିୟାର ଏକ ଅଂଶ ଭାବରେ, ଏନସିବି ଆର୍ଯ୍ୟନଙ୍କୁ ତାଙ୍କ ପିତା ଶାହାରୁଖଙ୍କ ସହ ତାଙ୍କ ଲ୍ୟାଣ୍ଡଲାଇନ ଫୋନରୁ ମାତ୍ର ୨ ମିନିଟ କଥା ହେବାର ସୁଯୋଗ ଦେଇଥିଲେ ।
ଏନସିବି ଅନୁସନ୍ଧାନରୁ ଜଣାପଡିଛି ଯେ ଆର୍ଯ୍ୟନ ପ୍ରାୟ ୪ ବର୍ଷ ଧରି ଡ୍ରଗ୍ସ ସେବନ କରୁଛନ୍ତି । ଆର୍ଯ୍ୟନ ଭାରତ ବାହାରେ ଡ୍ରଗ୍ ସେବନ କରିଛନ୍ତି । ଆର୍ଯ୍ୟନ୍ ସହ ଧରାପଡିଥିବା ତାଙ୍କ ବନ୍ଧୁ ଅରବାଜ୍ ପ୍ରାୟ ୧୫ ବର୍ଷ ଧରି ସାଙ୍ଗ ହୋଇଥିଲେ ।
