Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ଜେଲରେ ହିଁ ରହିବେ ଆର୍ଯ୍ୟନ: ଖାରଜ ହେଲା ଜାମିନ ଆବେଦନ, ସାମ୍ନାକୁ ଆସିଲା ନୂଆ ଅଭିନେତ୍ରୀଙ୍କ ନାଁ

20/10/2021 at 3:52 PM

ମୁମ୍ବାଇ ୨୦/୧୦ : ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଆବେଦନ NDPS କୋର୍ଟ ଖାରଜ କରିଦେଇଛନ୍ତି। ଅକ୍ଟୋବର ୧୩ ତାରିଖରେ ଉଭୟ ପକ୍ଷର ଯୁକ୍ତିତର୍କ ପରେ କୋର୍ଟ ଫଇସଲା ସୁରକ୍ଷିତ ରଖିଥିଲେ। ୨୦ ତାରିଖ, ବୁଧବାର ଦିନ କୋର୍ଟ ଜାମିନ ଆବେଦନ ଖାରଜ କରିଦେଇଛନ୍ତି। ଆର୍ଯ୍ୟନଙ୍କ ସହ ଗିରଫ ହୋଇଥିବା ଅରବାଜ ମର୍ଚେଣ୍ଟ ଓ ମୁନମୁନ ଧମେଚାଙ୍କ ଜାମିନ ଆବେଦନ ମଧ୍ୟ ଖାରଜ ହୋଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ବୁଧବାର ଦିନ ଏନସିବି କୋର୍ଟରେ ଆର୍ଯ୍ୟନଙ୍କ କିଛି ଡ୍ରଗ୍ସ ସମ୍ବନ୍ଧୀୟ ଚାଟ ଜମା କରିଛି। ଜଣେ ଅପକମିଙ୍ଗ ବଲିଉଡ ଅଭିନେତ୍ରୀ ଓ ଆର୍ଯ୍ୟନଙ୍କ ମଧ୍ୟରେ ଚାଟ ହୋଇଥିବା କୁହାଯାଉଛି।

ସ୍ପେଶାଲ ନାର୍କୋଟିକ୍ସ ଡ୍ରଗ୍ସ ଆଣ୍ଡ ସାଇକୋଟ୍ରପିକ କୋର୍ଟରେ ଆର୍ଯ୍ୟନ ଓ ତାଙ୍କ ସାଥି ଅରବାଜ ଓ ମୁନମୁନଙ୍କ ଜାମିନ ଖାରଜ କରାଯାଇଛି। ANI ରିପୋର୍ଟ ଅନୁଯାୟୀ, ମୁମ୍ବାଇ ଏନସିବି କହିଛି ଯେ ଆର୍ଯ୍ୟନଙ୍କ ହ୍ୱାଟ୍ସଆପ ଚାଟ କୋର୍ଟରେ ଜମା କରାଯାଇଛି। ଏନସିବିକୁ ଡ୍ରଗ୍ସ ସମ୍ବନ୍ଧୀୟ ଚାଟ ହସ୍ତଗତ ହୋଇଛି ଯାହା ଜଣେ ନୂଆ ଅଭିନେତ୍ରୀ ଓ ଆର୍ଯ୍ୟନଙ୍କ ମଧ୍ୟରେ ହୋଇଛି।

ମୁମ୍ବାଇ ଡ୍ରଗ୍ସ ପାର୍ଟି ମାମଲାରେ ଆର୍ଯ୍ୟନଙ୍କ ଜାମିନ ଆବେଦନ ଗତ କିଛି ଦିନ ହେଲା ସ୍ଥଗିତ ରଖାଯାଇଥିଲା। ଅକ୍ଟୋବର ୧୪ ରେ ବିଚାରପତି ଓକିଲଙ୍କ ଦଲିଲ ଶୁଣିବା ପରେ ଫଇସଲା ସୁରକ୍ଷିତ ରଖିଥିଲେ। ବୁଧବାର ଦିନ ଶୁଣାଣି ବେଳେ କୋର୍ଟ ଜାମିନ ଆବେଦନ ଖାରଜ କରିଦେଇଛନ୍ତି। ବର୍ତ୍ତମାନ ଆର୍ଯ୍ୟନଙ୍କୁ ଜେଲରେ ହିଁ ରହିବାକୁ ପଡିବ।

   Related Posts