ମୁମ୍ବାଇ ୧୩/୧୦ : ଆଜି ଶାହାରୁଖ ଖାଁଙ୍କ ପୁଅ ଆର୍ଯ୍ୟନଙ୍କ ଜାମିନ ଆବେଦନ ଉପରେ ଶୁଣାଣି। ତେବେ ତାଙ୍କ ଜାମିନକୁ ବିରୋଧ କରିବ କି NCB। ସୋମବାର ଦିନ କୋର୍ଟ ଶୁଣାଣି ସ୍ଥଗିତ ରଖା ଯାଇଥିଲା । ଏହା ପରେ ଆର୍ଯ୍ୟନ୍ ଖାନ୍ ଏବଂ ଅରବାଜ୍ ମର୍ଚାଣ୍ଟଙ୍କ ଜାମିନ ଆବେଦନ ମାମଲାର ପରବର୍ତ୍ତୀ ଶୁଣାଣି ବୁଧବାର ଅର୍ଥାତ୍ ଆଜି ପାଇଁ ସ୍ଥିର କରାଯାଇଛି। ଆଜି ଏହାର ଉତ୍ତର ପ୍ରଥମେ ଏନସିବି ଜାମିନରେ ଦାଖଲ କରାଯିବ, ଯାହା ପରେ ଆର୍ଯ୍ୟ ଖାନଙ୍କୁ ଜାମିନ ପ୍ରଦାନ କରାଯିବ କି ନାହିଁ ତାହା କୋର୍ଟ ସ୍ଥିର କରିବେ।
କ୍ରୁଜ୍ ଡ୍ରଗସ୍ ମାମଲାରେ ଏଯାଏଁ ୧୫ରୁ ଅଧିକ ଜଣଙ୍କୁ ଗିରଫ କରାଗଲାଣି। ଏହାପୂର୍ବରୁ ଶୁକ୍ରବାର ଦିନ ମୁମ୍ବାଇର ଏକ କୋର୍ଟ ଆର୍ଯ୍ୟ ଖାନ ଏବଂ ଅନ୍ୟ ଦୁଇଜଣଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି। କ୍ରୁଜ୍ ଜାହାଜରେ ଡ୍ରଗ୍ ପାର୍ଟି ଥିବା ଅଭିଯୋଗରେ ଆର୍ଯ୍ୟନ୍, ଅରବାଜ୍ ମର୍ଚାଣ୍ଟ ଏବଂ ମୁମୁନ୍ ଧାମଚାଙ୍କ ଜାମିନ ଆବେଦନ କୋର୍ଟରେ ଶୁଣାଣି ହୋଇଥିଲା ଏବଂ କିଛି ସମୟ ଶୁଣାଣି ପରେ କୋର୍ଟ ସ୍ପଷ୍ଟ କରିଛନ୍ତି ଯେ ସେମାନେ ଜାମିନ ପାଇପାରିବେ ନାହିଁ।ବାସ୍ତବରେ, ଅକ୍ଟୋବର ୨ ରେ ଏକ କ୍ରୁଜ୍ ଜାହାଜରେ କରାଯାଇଥିବା ଏକ ରେଭ୍ ପାର୍ଟି ମାମଲାରେ ଏନସିବି ଡ୍ରଗ୍ର ପ୍ରମାଣ ପାଇଥିଲା, ଏହା ପରେ କହିଛି ଯେ ଏହା ୧୩ ଗ୍ରାମ କୋକେନ୍, ୨୧ ଗ୍ରାମ ଚରସ, ୫ ଗ୍ରାମ MD ଏବଂ ୨୨ MDMA ସଂଗ୍ରହ କରିଛି ଡ୍ରଗ୍ସ ବଟିକା ଅଭିଯୁକ୍ତଙ୍କ ଠାରୁ ମିଳିଥିଲା ।
କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଶାହାରୁଖଙ୍କ ପୁଅ ଆର୍ଯ୍ୟନ ଏବେ ଆର୍ଥର ରୋଡ୍ ଜେଲରେ ଅଛନ୍ତି। ତାଙ୍କ ଅଡୁଆ କମିବାର ନାଁ ନେଉନି । ଆର୍ଯ୍ୟନଙ୍କ ଓକିଲ ସତୀଶ ମାନଶିନ୍ଦେ ସେସନ୍ କୋର୍ଟରେ ଜାମିନ ଆବେଦନ କରିଛନ୍ତି। ଆଜି ତାହାର ଶୁଣାଣି ରହିଛି । ତେବେ ଜାମିନ ମିଳିବା କି ନାହିଁ ତାହା କାଠିକର ପାଠ । କାରଣ ଆର୍ଯ୍ୟନଙ୍କ ଜାମିନକୁ ବିରୋଧ କରିବାକୁ NCB ପ୍ରସ୍ତୁତ ହୋଇ ରହିଛି। ତେବେ ଆର୍ଯ୍ୟନଙ୍କୁ ଆଉ କିଛି ଦିନ ଜେଲ ହାୱା ଖାଇବାକୁ ପଡିବ କି ନାହିଁ ତାହା ଆଜି ଜଣା ପଡିବ ।