Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାମାକ୍ଷାନଗର : ସୁନ୍ଦରମୁଣ୍ଡି ଜଙ୍ଗଲରେ ଲାଗିଲା ନିଆଁ, ମୂଲ୍ୟବାନ ଗଛ ପୋଡି ପାଉଁଶ
  • ||
  • କୁଚିଣ୍ଡା : ଭଡାଘରେ ଚାଲିଥିଲା ସେକ୍ସ ରାକେଟ୍, ମହିଳା ସହ ୨ ଯୁବକଙ୍କୁ ଗିରଫ କଲା ପୋଲିସ
  • ||
  • ମୁନିଗୁଡା : ଆଶ୍ରମ ବିଦ୍ୟାଳୟ ହଷ୍ଟେଲରେ ୯ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅବହେଳା ଅଭିଯୋଗ ଆଣିଲେ ପରିବାର
  • ||
  • ଆର୍.ଉଦୟଗିରି : ଉପକାରାଗାରରୁ ୨ ବିଚାରାଧୀନ କଏଦୀ ଫେରାର, ଗଞ୍ଜେଇ ଚୋରା ଚାଲାଣ ଅଭିଯୋଗରେ ଜେଲ୍‌ରେ ଥିଲେ
  • ||
  • ଚୌଦ୍ବାର : ଚାରବାଟିଆ ଏଆରସିରେ ପୁଣି ଅଗ୍ନିକାଣ୍ଡ, ନିଆଁ ଲିଭା କାର୍ଯ୍ୟରେ ଲାଗିଛି ୬ଟି ଦମକଳ ଗାଡି
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ସମ୍ବଲପୁର : ଭିସୁଟ୍‌ର ୨୫ ଛାତ୍ରଛାତ୍ରୀ କରୋନା ଆକ୍ରାନ୍ତ, ସସପେଣ୍ଡ ହେଲା ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସ୍
  • ||
  • ନୀଳଗିରି : ଛିଣ୍ଡି ପଡିଲା ୧୧କେଭି ବିଦ୍ୟୁତ୍ ତାର, ଅଳ୍ପକେ ବର୍ତିଲେ ଗ୍ରାମବାସୀ
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||

ପୁଲଓ୍ବାମା ଏନ୍‌କାଉଣ୍ଟର : ୪୦ ସହିଦ ଯବାନଙ୍କ ବଳିଦାନର ପ୍ରତିଶୋଧ ନେଲା ଭାରତୀୟ ସେନା

18/02/2019 at 12:49 PM

ପୁଲଓ୍ବାମା ୧୮|୨:  ଦକ୍ଷିଣ କାଶ୍ମୀର ପୁଲଓ୍ବାମାରେ ୧୪ ଫେବୃଆରୀରେ ହୋଇଥିବା ଆତଙ୍କବାଦୀ ଆକ୍ରମଣର ୧୦୦ଘଣ୍ଟା ମଧ୍ୟରେ ପ୍ରତିଶୋଧ ନେଇଛି ସେନାବାହିନୀ । ଗତକାଲିଠାରୁ ଜମ୍ମୁକାଶ୍ମୀର ପୁଲଓ୍ବାମା ଫିଙ୍ଗଲାନରେ ସୁରକ୍ଷାକର୍ମୀ ଜୋରଦାର ସର୍ଚ୍ଚ ଅପରେସନ ଚଳାଇଥିଲେ । ଏନକାଉଣ୍ଟରରେ ।ଜୈସ୍-ଏ-ମହମ୍ମଦର ଆତଙ୍କବାଦୀ ଅବଦୁଲ ରସିଦ ଘାଜି ସହ ଆଉ ଜଣେ ଆତଙ୍କବାଦୀର ମୃତ୍ୟୁ ହୋଇଥିବା ଖବର ଶୁଣିବାକୁ ମିଳୁଛି । ଗତ ୧୪ତାରିଖରେ ପୁଲଓ୍ବାମା ଆତଙ୍କବାଦୀ ଆକ୍ରମଣ ଘଟଣାର ମାଷ୍ଟରମାଇଣ୍ଡ ଥିଲା ଅବଦୁଲ ରସିଦ ଘାଜି । ସିଆରପିଏଫ୍ ଫୌଜ ଉପରେ ଆତ୍ମଘାତୀ ଆକ୍ରମଣରେ ସାମିଲ ଥିବା ଆଦିଲ ଅହମ୍ମଦ ଡାରକୁ ଟ୍ରେନିଂ ଦେଇଥିଲା ଘାଜି ।

ପୁଲଓ୍ବାମା ଅଓ୍ବନ୍ତିପୁରାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣାରେ ଆଦିଲ ଅହମ୍ମଦ ଡାର୍ ନୁହେଁ ବରଂ ଜୈସ୍-ଏ-ମହମ୍ମଦର ଆତଙ୍କବାଦୀ ଅବଦୁଲ ରସିଦ ଘାଜି ଥିଲା ମାଷ୍ଟରମାଇଣ୍ଡ । ଘାଜି ହିଁ ଆଦିଲକୁ ଆକ୍ରମଣ ପାଇଁ ଟ୍ରେନିଂ ଦେଇଥିଲା ଏବଂ ତାକୁ ଆଇଇଡିରେ ଏକ୍ସପର୍ଟ କରିଥିଲା । ସୁରକ୍ଷା ସଂସ୍ଥା ତଥ୍ୟ ଅନୁସାରେ ଘାଜି ଜଣେ ଆଇଇଡି ଏକ୍ସପର୍ଟ ଥିଲା ଏବଂ ସେ ପୁରା ଆକ୍ରମଣ ଘଟଣାକୁ ଶେଷ ପର୍ଯ୍ୟାୟରେ ପହଞ୍ଚାଇଥିଲା । ଘାଜି ରସିଦ ଗତ ବର୍ଷ ଡିସେମ୍ବର ମାସରେ କାଶ୍ମୀରକୁ ଆସିଥିଲା । ଘାଜିକୁ ଜୈସ୍-ଏ-ମହମ୍ମଦ ମୁଖ୍ୟ ମାସୁଦ ଅଜହର ତାର ଦୁଇ ଭଣଜାଙ୍କ ମୃତ୍ୟୁର ପ୍ରତିଶୋଧ ନେବା ପାଇଁ ପଠାଇଥିଲା । ମସୁଦ ଅଜହର ଭଣଜା ତଲହା ରସିଦ ଏବଂ ଉସମାନ ୨୦୧୭ ଏବଂ ୨୦୧୮ରେ ଏନକାଉଣ୍ଟରରେ ମୃତ୍ୟୁ ହୋଇଥିଲା । ଉଭୟଙ୍କୁ ପୁଲଓ୍ବାମାରେ ହିଁ ସୁରକ୍ଷାକର୍ମୀ ଗୁଳି କରି ମାରିଥିଲେ । ଏହାପରେ ଘାଜି ପୁଲଓ୍ବାମାରେ ହିଁ ଅଜହରର ଭଣଜାଙ୍କୁ ମୃତ୍ୟୁର ପ୍ରତିଶୋଧ ନେବାକୁ ନିଷ୍ପତ୍ତି ନେଇଥିଲା ।

ଗୁଇନ୍ଦା ସୂତ୍ର ଅନୁସାରେ ଘାଜି ରସିଦ ପୁଲଓ୍ବାମାର ରାତନିପୋରାର ଏକ ଗାଁରେ ୧୨ ଫେବୃଆରୀରେ ହୋଇଥିବା ଏକ ଏନକାଉଣ୍ଟରରୁ ବର୍ତ୍ତି ଯାଇଥିଲା । ସେହି ଏନକାଉଣ୍ଟରରେ ଜୈସ୍-ଏ-ମହମ୍ମଦର ଜଣେ ସ୍ଥାନୀୟ ଆତଙ୍କବାଦୀ ନିହତ ହୋଇଥିଲା । ମାତ୍ର ତିନି ଜଣ ଆତଙ୍କବାଦୀ ଫେରାର ହେବାରେ ସକ୍ଷମ ହୋଇଥିଲେ । ସେନା ଯବାନ ଏଚ.ବି. ବଲଜିତ୍ ମଧ୍ୟ ଏହି ଏନକାଉଣ୍ଟର ବେଳେ ସହିଦ ହୋଇଥିଲେ । ମାସୁଦ ଅଜହରର ସବୁଠୁ ପ୍ରିୟ ଥିଲା ଘାଜି । ଘାଜି ଉପରେ ଅଜହରର ବହୁତ ଭରସା ଥିଲା । ୨୦୦୮ରେ ଘାଜି ଜୈସ୍-ଏ-ମହମ୍ମଦରେ ଯୋଗଦେଇଥିଲା । ୩୨ ବର୍ଷୀୟ ଘାଜିକୁ ଆଫଗାନିସ୍ତାନରେ ଟ୍ରେନିଂ ଦେଇଥିଲା ତାଲିବାନ ।

   Related Posts