Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଯୁଦ୍ଧ ଥମୁନି : ଆର୍ମେନିଆ-ଅଜରବୈଜାନ ଲଢେଇରେ ୮୪ ନିହତ, ଯୁଦ୍ଧ ବନ୍ଦ ପାଇଁ କହିଲେ ଋଷ ଓ ଆମେରିକା, ଜାତିସଂଘ ବୈଠକ ଡାକିବାକୁ ୟୁରୋପୀୟ ଦେଶଙ୍କ ଦାବି

29/09/2020 at 6:07 PM

ନୂଆଦିଲ୍ଲୀ, ୨୯|୦୯ : ଆର୍ମେନିଆ ଓ ଅଜରବୈଜାନ ମଧ୍ୟରେ ଏବେବି ଉତ୍ତେଜନା ଲାଗି ରହିଛି । ପରସ୍ପର ମଧ୍ୟରେ ଘମାଘୋଟ୍ ଲଢେଇ ଚାଲିଛି । ତେବେ ଏହି ଦୁଇ ଦେଶ ମଧ୍ୟରେ ଉପୁଜିଥିବା ବିବାଦର ସମାଧାନ ପାଇଁ ୟୁଏନଏସସି ବା ଜାତିସଂଘ ହସ୍ତକ୍ଷେପ କରୁ ବୋଲି ଅନେକ ୟୁରୋପୀୟ ଦେଶ ଅନୁରୋଧ କରିଛନ୍ତି । ଜର୍ମାନୀ ସମେତ ଅନେକ ଦେଶ ଏହି ପ୍ରସଙ୍ଗରେ ୟୁଏନଏସସିର ଦ୍ୱାରସ୍ଥ ହୋଇଛନ୍ତି । ଏହାସହ ଜାତିସଂଘ ବୈଠକ ଡାକୁବୋଲି ଦାବି କରିଛନ୍ତି ।

୧୯୯୧ ମସିହାରୁ ଉଭୟ ଦେଶ ମଧ୍ୟରେ ନାଗୋରନୋ-କରବାଖ ଅଞ୍ଚଳକୁ ନେଇ ବିବାଦ ରହିଛି । ୫୦ କିମି ପରିବ୍ୟାପ୍ତ ଏହି ଅଞ୍ଚଳ ଏବେ ବିବାଦର ମୁଖ୍ୟ କାରଣ । କାରଣ ଏହି ଅଞ୍ଚଳ ୧୯୯୦ରେ ଅଜରବୈଜାନଠୁ ସ୍ୱାଧିନ ହୋଇଥିବା ଦାବି କରିଥିଲା । ଏଠାରେ ପ୍ରାୟ ୩୦ ହଜାର ଲୋକ ରୁହନ୍ତି । କିନ୍ତୁ ଏହାକୁ ଏକ ଦେଶ ଭାବେ ସ୍ୱୀକୃତି ମିଳିନାହିଁ ।

ତେବେ ଗତ ୨୭ ତାରିଖରେ ଏହି ଅଞ୍ଚଳ ପାଇଁ ଉଭୟ ଦେଶ ମୁହାଁମୁହିଁ ହୋଇଛନ୍ତି । ଏଥିରେ ପ୍ରାୟ ୮୪ରୁ ଅଧିକ ବ୍ୟକ୍ତି ପ୍ରାଣ ହରାଇଥିବା ବେଳେ ଶତାଧିକ ଆହତ ହୋଇଛନ୍ତି । ଜୁଲାଇମାସରେ  ଦୁଇ ଦେଶ ମଧ୍ୟରେ ଘଟିଥିବା ସଙ୍ଘର୍ଷ ପରେ ଏହା ସବୁଠାରୁ ବଡ ଲଢେଇ ଅଟେ । ଜୁଲାଇରେ ଉଭୟ ପକ୍ଷର ପ୍ରାୟ ୧୬ ଜଣ ପ୍ରାଣ ହରାଇଥିଲେ ।

ନଗୋରନୋ-କରବାଖର ଅଧିକାରୀ ରବିବାର କହିଥିଲେ ଯେ, ଅଜରବୈଜାନ ତରଫରୁ ହୋଇଥିବା ଗୁଳିଗୋଳା ମାଡ ରାଜଧାନୀ ଷ୍ଟେପନାକେର୍ଟ ଓ ମାର୍ଚକେଟରେ ପଡିଥିଲା । ଆର୍ମେନିଆ ପ୍ରତିରକ୍ଷା ମନ୍ତ୍ରୀଳୟ କହିଛି ଯେ, ଅଜରବୈଜାନ ପ୍ରଥମେ ଆକ୍ରମଣ କରିଥିଲା । ତୋପରୁ ମାଡ କରାଯାଇଥିବା ଗୋଳା ସୀମାରେ ପଡିଥିଲା । ଏଥିରେ ୮୪ଜଣ ଜୀବନ ହାରିଥିଲେ ସେମାନଙ୍କ ମଧ୍ୟରୁ ୧୧ଜଣ ହେଉଛନ୍ତି ସାଧାରଣ ଲୋକ।

ଏହି ମାମଲାରେ ଅଜରବୈଜାନର ସହଯୋଗୀ ତୁର୍କୀ ଟ୍ୱିଟ୍ କରି ଆର୍ମେନିଆର ଆକ୍ରମଣକୁ ନିନ୍ଦା କରିଥିଲା । ଏହାସହ ଆର୍ମେନିଆ ଯୁଦ୍ଧ ପାଇ ଉସକାଉଥିବା ଓ ନିୟମକୁ ଭଙ୍ଗ କରୁଥିବା ଅଭିଯୋଗ କରିଛି । ଆର୍ମେନିଆ ନିଆଁ ସହ ଖେଳୁଛି ବୋଲି ତୁର୍କୀ କହିଛି । ତେବେ ଏହାପରେ ଆର୍ମେନିଆ ତୁର୍କୀକୁ ଚେତାବନୀ ଦେବା ସହ ଏହା ମଧ୍ୟରେ ମୁଣ୍ଡ ନଖେଳାଇବାକୁ କହିଥିଲା ।ତେବେ ଋଷ ଉଭୟ ଦେଶକୁ ଶାନ୍ତି ପ୍ରତିଷ୍ଠା ପାଇଁ କହିଛି ।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ ଯେ, ସେ ସ୍ଥିତି ଉପରେ ନଜର ରଖିଛନ୍ତି । ଏହା ଉପରେ ଆମେରିକା ପଦକ୍ଷେପ ନେବ । କିପରି ଉଭୟ ଦେଶ ଯୁଦ୍ଦରୁ ବିରତ ହେବେ ତାଉପରେ ଗୁରୁତ୍ୱ ଦିଆଯିବ ।

ସେହିପରି ୟୁଏନର ସଚିବ ଆଣ୍ଟୋନିଓ ଗୁଟେରାସଙ୍କ ମୁଖପାତ୍ର ଏଗି ଘଟଣାରେ ଦୁଃଖ ପ୍ରକାଶ କରିଥିଲେ । ଏହାସହ ପରିସ୍ଥିତି ଉପରେ ଦୃଷ୍ଟି ରଖିଥିବା କହିଛନ୍ତି । ଏହାସହ ଉଭୟ ଦେଶ ମଧ୍ୟରେ ହୋଇଥିବା ଯୁଦ୍ଧକୁ ସେ ନିନ୍ଦା କରିଛନ୍ତି । ଏହାସହ ସେ ଅଜରବୈଜାନ ଓ ଆର୍ମେନିଆ ରାଷ୍ଟ୍ରପତିଙ୍କ ସହ ମଧ୍ୟ କଥା ହୋଇଛନ୍ତି ।

   Related Posts