ବାଲେଶ୍ବର ୧୯/୯: ବାଲେଶ୍ବର ଉପନିର୍ବାଚନରେ ବିଜେଡି ପ୍ରାର୍ଥୀ ହୋଇପାରନ୍ତି ଓଡିଆ ସିନେଷ୍ଟାର ଅରିନ୍ଦମ୍ ରାୟ । ଏନେଇ ଚର୍ଚ୍ଚା ଜୋର ଧରିଛି । ବାଲେଶ୍ବର ଜିଲ୍ଲା ବିଜେଡି ସଭାପତି ତଥା ପୂର୍ବତନ ସାଂସଦ ରବିନ୍ଦ୍ର ଜେନାଙ୍କ ସମ୍ପର୍କୀୟ ହେଉଛନ୍ତି ଅରିନ୍ଦମ୍ । ଏହା ସହ ବିଜେଡ଼ିର ଆଉ ଜଣେ ତୁଙ୍ଗ ନେତାଙ୍କ ସହ ଅରିନ୍ଦମଙ୍କ ପାରିବାରିକ ସମ୍ପର୍କ ରହିଛି। ଏହା ବ୍ୟତୀତ ସେ ଗତ ଥର ବିଜେଡ଼ି ପାଇଁ ପ୍ରଚାର କରିଥିଲେ। ସେଥିପାଇଁ ଦଳୀୟ କର୍ମୀ ଅରିନ୍ଦମଙ୍କ ନାଁ ନେଇ ଚର୍ଚ୍ଚା କରୁଛନ୍ତି ।
ବାଲେଶ୍ବର ସଦର ବିଧାନସଭା ଉପନିର୍ବାଚନ ପାଇଁ ତିନି ପ୍ରମୁଖ ଦଳ ବିଜେଡ଼ି,ବିଜେପି ଓ କଂଗ୍ରେସ୍ ନିଜ ନିଜର କସରତ ଆରମ୍ଭ କରିଛନ୍ତି। ଦିବଂଗତ ବିଧାୟକ ମଦନ ମୋହନ ଦତ୍ତ ଗତ ବର୍ଷ ବିଜେପି ଆସନ ଜିିତିଥିବାବେଳେ ତାଙ୍କ ଆକସ୍ମିକ ମୃତ୍ୟୁ ଯୋଗୁଁ ତାଙ୍କ ପୁଅ ମାନସଙ୍କୁ ନିର୍ବାଚନମଣ୍ଡଳୀ ସଂଯୋଜକ ଭାବେ ଘୋଷଣା କରିଛି।
