ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଜୁନ୍ ୨ରୁ +୨ ଖାତାଦେଖା ଆରମ୍ଭ, ଦୁଇଟି ପର୍ଯ୍ୟାୟରେ ହେବ ମୂଲ୍ୟାୟନ
  • ||
  • ଉଦଳା : ସଂପର୍କରେ ଲାଗିଲା ରକ୍ତର ଛିଟା, ଭାଇକୁ ପିଟି ପିଟି ହତ୍ୟା କଲା ଭାଇ
  • ||
  • ବାରଙ୍ଗ : ନନ୍ଦନକାନନରେ ଆଫ୍ରିକୀୟ ସିଂହ ମୃତ, ବିଷାକ୍ତ ସାପ ଦଂଶନ ସନ୍ଦେହ
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୧୨ କୋଭିଡ୍ ପଜିଟିଭ୍
  • ||

ରୋଗୀଙ୍କ ସଂପର୍କୀୟ ସହ ପାଟିତୁଣ୍ଡ ; ହସ୍ପିଟାଲ ଛାଡି ଚାଲିଗଲେ ଡାକ୍ତର

20/08/2018 at 9:46 PM

ବାଲେଶ୍ୱର ୨୧/୮ : ବାଲେଶ୍ୱର ନୀଳଗିରି ଉପଖଣ୍ଡ ଡାକ୍ତର ଖାନାରେ ଜଣେ ରୋଗୀଙ୍କ ସଂପର୍କୀୟ ସହ ପାଟିତୁଣ୍ଡ ଯୋଗୁଁ ହସ୍ପିଟାଲ ଛାଡି ଚାଲିଗଲେ ଡାକ୍ତର । ଯାହାକୁ ନେଇ ହସ୍ପିଟାଲ ପରିସରରେ ଉତ୍ତେଜନା ଦେଖାଦେଇଥିଲା । ନୀଳଗିରି ଉପଖଣ୍ଡ ଡାକ୍ତରଖାନାରେ କାର୍ଯ୍ୟରତ ଡାକ୍ତର କାଶୀନାଥ ପଣ୍ଡାଙ୍କ ନାଁରେ ଏନେଇ ଅଭିଯୋଗ ହୋଇଛି । ଜଣେ ରୋଗୀ ତାଙ୍କର ରୋଗ ସଂପର୍କରେ ଉକ୍ତ ଡାକ୍ତରଙ୍କୁ ଅବଗତ କରାଇ ପ୍ରେସକ୍ରିପସନ୍ କରାଇଥିଲେ । ପରେ ଡାକ୍ତରଙ୍କ ପରାମର୍ଶ ମୁତାବକ ମେଡିସିନ୍ ଖାଇଥିଲେ । ତେବେ ଯନ୍ତ୍ରଣା ନକମିବାରୁ ପୁଣି ଥରେ ସୋମବାର ରାତିରେ ଉକ୍ତ ଡାକ୍ତରଙ୍କୁ ସେ ଆସି ସାକ୍ଷାତ କରିଥିଲେ । ତେବେ ଡାକ୍ତର ଜଣକ ବିରକ୍ତ ପ୍ରକାଶ କରି ରୋଗୀଙ୍କୁ ଅନ୍ୟତ୍ର ଚାଲିଯିବାକୁ କହିବା ସହ ତାଙ୍କର ପ୍ରେସକ୍ରିପସନ୍ କୁ ମଧ୍ୟ ଚିରିଦେଇଥିଲେ । ପରେ ରୋଗୀଙ୍କ ସଂପର୍କୀୟ ଏସଂପର୍କରେ ଉକ୍ତ ଡାକ୍ତରଙ୍କୁ ପଚାରିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ସହ ବଚସା ହୋଇଥିଲା । ହଠାତ୍ ଡାକ୍ତର ଜଣଙ୍କ ହସ୍ପିଟାଲ ଛାଡି ରାତିରେ ଚାଲିଯାଇଥିଲେ । ଫଳରେ ଅନେକ ରୋଗୀ ହଇରାଣ ହରକତ ହେବାସହ ଡାକ୍ତରଖାନା ପରିସରରେ ଉତ୍ତେଜନା ଦେଖାଦେଇଥିଲା । ବିଳମ୍ବିତ ରାତିରେ ଖବର ପାଇ ସ୍ଥାନୀୟ ଉପ-ଜିଲ୍ଲାପାଳ, ନୀଳଗିରି ବିଧାୟକ ଓ ପୋଲିସ ପହଞ୍ଚି ପରିସ୍ଥିତ ନିୟନ୍ତ୍ରଣକୁ ଆଣିଥିଲେ । ପରେ ସ୍ବାଭବିକ ହୋଇଥିଲା ପରିସ୍ଥିତି । ଏ ସଂପର୍କରେ ତଦନ୍ତ କରାଯାଇ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଉପ ଜିଲ୍ଲାପାଳ କହିଛନ୍ତି ।

   Related Posts