Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ବର୍ଷେ ପରେ ମିଳିଲା ନିଖୋଜ ବୁଡା ଯାହାଜ ; କେମିତି ଥିଲା ସେହି ୪୪ ଜଣଙ୍କ ଶେଷ ଯାତ୍ରା

17/11/2018 at 3:18 PM

ଆର୍ଜେଣ୍ଟିନା ୧୭|୧୧: ବର୍ଷେ ତଳେ ଅତଳ ସମୁଦ୍ରରେ ନିଖୋଜ ଆର୍ଜେଣ୍ଟିନା ବୁଡ଼ା ଜାହାଜର ସନ୍ଧାନ ମିଳିଛି । ଏଆରଏ ସାନ ଜୁଆନ ବୁଡ଼ା ଜାହାଜଟି ୨୦୧୭ ନଭେମ୍ବର ୧୫ ତାରିଖରେ ନିଖୋଜ ହୋଇଯାଇଥିଲା । ଆର୍ଜେଣ୍ଟିନା ଉପକୂଳଠାରୁ ୪୩୦ କିଲୋମିଟର ଦୂରରେ ଥିବାବେଳେ ବନ୍ଦର ସହ ବୁଡ଼ାଜାହାଜର ସଂପର୍କ ଛିନ୍ନ ହୋଇଥିଲା । ଏଆରଏ ସାନ୍ ଜୁଆନରେ ସେତେବେଳେ ଜାହାଜ କର୍ମଚାରୀଙ୍କ ସହ ମୋଟ୍ ୪୪ ଜଣ ଆରୋହୀ ଥିଲେ । କିନ୍ତୁ ରାଡର ପରଦାରୁ ଜାହାଜଟି ଉଭାନ ହେବାସହ ଯୋଗଯୋଗ ବିଛିନ୍ନ ହୋଇଥିଲା । ସେହିଦିନଠାରୁ ଆରମ୍ଭ ହୋଇଥିଲା ଜୋରଦାର ଅନୁସନ୍ଧାନ । ଆର୍ଜେଣ୍ଟିନାକୁ ଏହି ଅଭିଯାନରେ ଆମେରିକା ସହ ଆଉ କିଛି ରାଷ୍ଟ୍ରର ସାମୁଦ୍ରିକ ବିଷେଷଜ୍ଞ, ନୌବାହିନୀର ହେଲିକପ୍ଟର ସହାୟତା କରିଥିଲେ । କିନ୍ତୁ ଏଆରଏ ସାନ ଜୁଆନ କିମ୍ବା ସେଥିରେ ଥିବା ଯାତ୍ରୀଙ୍କର କୌଣସି ସୁରାକ୍‌ ବି ମିଳିନଥିଲା । ଶେଷରେ ଗତ ଦୁଇ ସପ୍ତାହ ତଳେ ଅନୁସନ୍ଧାନ ଅଭିଯାନକୁ ବନ୍ଦ କରିଦେଇଥିଲା ଆର୍ଜେଣ୍ଟିନା । ଆଉ ଏବେ ଅଭିଯାନ ବନ୍ଦ ହେବାର ୨ ସପ୍ତାହ ପରେ ଏଆରଏ ସାନ୍ ଜୁଆନ ବୁଡ଼ା ଜାହାଜକୁ ଠାବ କରାଯାଇଛି । ଆଟଲାଣ୍ଟିକ ମହାସାଗରରେ ମିଳିଛି ବୁଡ଼ା ଜାହାଜଟିର ଧ୍ବଂସାବଶେଷ । ସମୁଦ୍ରର ପତ୍ତନର ପ୍ରାୟ ୨ ହଜାର ୬ ଶହ ୨୯ ଫୁଟ୍ ତଳେ ମିଳିଛି ଏଆରଏ ସାନ୍ ଜୁଆନ୍‌ର କିଛି ଖଣ୍ଡ ବିଖଣ୍ଡିତ ଅଂଶ । ଏକ ଆମେରିକୀୟ କମ୍ପାନୀ ଏହାକୁ ଠାବ କରିଥିବା ଆର୍ଜେଣ୍ଟିନାର ନୌବିଭାଗ ସୂଚନା ଦେଇଛି । ତେବେ ସେହି ଅଭିଶପ୍ତ ୪୪ ଯାତ୍ରୀଙ୍କ ଚିହ୍ନବର୍ଣ୍ଣ ମିଳିନାହିଁ ।

୨୦୧୭ ନଭେମ୍ବର ୧୫ ତାରିଖରେ ଏରଏ ସାନ୍‌ ଜୁଆନ ଦକ୍ଷିଣ ଆମେରିକା ଉପକୂଳ ନିକଟ ଉଷୁଆଇଆରୁ ରୁଟିନ୍ ଅଭିଯାନ ସାରି ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲା । ସର୍ଟ ସର୍କିଟ୍ କାରଣରୁ ବୁଡାଜାହାଜର ଇଲେକ୍ଟ୍ରିକ୍‌ ଫେଲଡାଉନ ହେବାରୁ ତାହା ନିୟନ୍ତ୍ରଣ ହରାଇ ବୁଡିଥିଲା। ସେଥିରେ ଥିବା ଯାତ୍ରୀମାନେ ବିଦ୍ୟୁତଜନିତ ଦୁର୍ଘଟଣାରେ ପ୍ରାଣ ହରାଇଥିବା ଆଶଙ୍କା କରାଯାଉଛି । ଦୁର୍ଘଟଣା ପୂର୍ବରୁ ପ୍ରବଳ ଶବ୍ଦ ହୋଇଥିଲା, କିନ୍ତୁ ତାପରେ ବୁଡାଜାହାଜଟିକୁ ଠାବ କରାଯାଇପାରିନଥିଲା ।

   Related Posts